ISAYA 57:1 - Biblía Axweesantá Hhohho' ar Mungú 2004

¹ Heé hota ganaá' bira gwaá', heé adoorí ga gaárií xuú' i kaahh. Heé hhoó' bira gwaá', heé gaarí ga tsatsaahhaám i kaahh oo káh, «Heé hota ganaá' kura tláy, amotlakwe munguwa sleér,

ISAYA 57:1 Iomraidhean Croise

1 WAAWITÁ 14:13

Múk Israeli sleémeero i tsuunqus as inós nee kway fool, ala a kwí kilós oo ta fooli doó Yeroboamuwo, asma inós gár AAKOÓ MUNGÚ, Munguú múk Israeli nguwa sla'atís i deer.

2 WAAWITÁ 22:20

Gawaá adoorihe, ga/aaweek kuúng a adór hhoóár gwá', turi qaas bihhaá baabi'iiwók ar wayda, ilaawók slasla/aruwí aníng ni huuw yaamuuká' i alé ngu ariaaká.› » Kaangwí kuri ooár áy dír waawutmo Yosia.

2 QOM'I 32:33

Waawutmo Hesekia iri gwaá', kuri foól baraá /antaá bihhaá gawa awa waawitá. Muu sleémeero oo Yuda nee oo Yerusalemu kuri ilaiwawaá/ dír gwa'ararose. Garmaawós Manase iri waawuti'ín kitaangós wa ale.

2 QOM'I 34:28

Ga/aawek kuúng bar aga gwá', tun foól ar wayda, tari haraagwá' amór baabi'iiwók, slahh'amuuwí ni huuw baraá yaamuuká' nee dír yaamuuloouuseerós ilaawók ngu ariiaaká.› » Naagáy mukdá' taa ya/aáw kaangwí nguri ki/ís amór waawutmo Yosia.

2 QOM'I 35:24

Inooín ngway hingeesiyé' gawaá gaáriirose, ngway tsa/aasiyé' gawaá gaáriirós ar tsár. Ngway huwiyé' Yerusalemu, iri amodií gwaá'. Kuri foól baraá /antaá baabi'iiwós. Múk Yuda sleémeero tari tsuunqumiís.

WARA'AMI 12:1

AAKOÓ MUNGÚ, gaansluutáng, ti ba/amis, asma awa hota ganaa'á' i kahhiyá', asma baraá muko múk inkihhím i kaahh.

WARA'AMI 37:37

Heé ganaá' ló'wa alhooreeseek, heé inkihhím ga/aaweek. Asma heé tsá', yaeemirós ka tleer.

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 47:11

Gár tlaakw in sleér ar ta baloó aleesleeraaká pa/asaro Ala amotlakwe i haraxupút ar ta baloó aleesleeraaká kwirhhitaro, tin hhaamiis ar gaanslaay ar adór ta baloó xu'ka.

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 22:10

Heé aa gwaa' mu sa/aa/amiimara' laqaá ma tsuunqumisaara' as gwa'ararós, ala kudaádá' tar tlay amór saaw na sa/aa/amiimaak, asma inós i malé ki/iiká, yaamuuwós ngiwa malé ari.

ESEKIELI 21:3

Múk Israeli kubeeto, anuú AAKOÓ MUNGÚ a kah, ‹Anuú kilá' nee kuungá' ti araán. Aníng paángar'eé' a duúx baraá qawáy wa alé, múk tlákw nee oo hhoe nguri tsuú/.

MIKA 7:2

Heé inkihhím i kaahh baraá ayaawihe, Heé gan'amuú tlehhiít i kaahh. Umuúqo heewo gár i leelehhiiti a hee nguwa gaasi. Umuúqo heewo hhiyaawós gun tsaaxweelír i qamín.

MALAKI 2:2

Axaasaro bar sla'a'aaká, nee bar baraá munér i qaasaro a sla'a'aaká, as umuueé' iwa xirfuuti,» AAKOÓ MUNGÚ Aleesleemusmo i kaahi, «nu lo'órí huúw. Aníng tsuuqaahúng in lu'ús, nee, iga qaroó lu'ús, asma tí a baraá munerhúng i qamiinda'aaká.

FAARO 23:10

Heé amaaqawár doó Yakobo farooro ga aleesláw a heemá, laqaá heé tlaqtá niina ar múk Israeli faaroorós ngi oó' a heemá? Masók aníng an gwaá' ar gwa'arár heé ganaá', alhhe'eesay'eé' masók a adór kooín.»