ISAYA 56:3 - Biblía Axweesantá Hhohho' ar Mungú 2004

³ Dahaaymoó anuú AAKOÓ MUNGÚ i xuú' miwa oó', «AAKOÓ MUNGÚ aníng iga paraátl dír mukose.» Heé taa karmúy miwa oó', «Ga/aaweek, aníng a xa'anoó aa kah.»

ISAYA 56:3 Iomraidhean Croise

2 QOM'I 6:32

«Aqo adoorír kilá' múk xoordaá hatlá', kuduú xoorór Israeliwooká, birna amór yaamaá saáwá' wa tlayé', asma ngiwa axaasiyé' kuúng tuwa úr, nee tawa /uuruú koon, nee tuwa inslaáhh gaa tleehhamooro, qoomár birna hardihiyé' nay dír do'ók kwí wa firiné',

ESTA 9:27

Múk Yahudi deeloorí tsár gari qaás tawa dawa dir'ine nee dír na/ii'ine, nee dír mukdá' sleémeero aa dir'ín i haragwaa', matawa baloó slaaqaát deeloorí tsár inslaslaango qoomaarós bira xeér, umuúqo kurko, ar adoodá' Mordekai ngira gooín.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 39:7

Slám baraá daaqaywoge, bahh'ale kunár tláy baraá yaamaá Babuloni, kuri karmumúy as tawa gadiyuusi baraá doó waawutmoó Babulonír wa ale.› »

ISAYA 56:5

Aníng inooín baraá guruú dooeene nee baraá guruú baquuwo in dír xiríf i haniís. Umuú ló'wa afhhamít oo na/aá daaqaay nee awa dasuuwo gi baa/ un haniís. Aníng in umií haniís oo ta inslaslay kureeri sleem oo ta baloó fitsiiká.

ISAYA 56:6

Nee mukduú dahaaye naa haragwaa' dír AAKOÓ MUNGÚ, nguwa sagadiyuusiya', nee umuú AAKOÓ MUNGÚ nguwa slaiya' kudá' sleémeero deelór Sabaáto ngaa oohiye' nee ngi meetagamisa'aaká, nee alqador'eé' nga oohiye'.

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

TLAHHOÓ LAÁWI 21:20

Heé aa daanda guhhuu', heé ququmaár ta hariímaro, heé ilaawós maraangwáy, heé xir'amuú koóm, heé deeír koóm, heé dir/ír koóm, laqaá heé taa karmúy miwa tseewúy as ilahhooár mikaáte ngiwa dír Mungú i haniisi.

TLAHHOÓ LAÁWI 25:45

Kiwa dír hoomár wa tlaxw i aleesleér, nee na/ii'ín awa naa baraá ayaahúngí laqwaaliyé' in tlaxwá' as tawa daqari'iimarhúng.

SEFANIA 2:11

AAKOÓ MUNGÚ inooín gin ló'wa dae tsaat. Inós munguaá hatlá' sleémeero baraaká' yaamuwo gin hhaasúy. Daqaní xoordu sleémeero inós nguri i tumbarara'amitiyá' umuú heewo dirós tidá' i dirii'i.

FAARO 18:4

Inooín nee kuúng ti dabe ote' baraá gadiyeérihe, nee gadiyeédá' kiwa hariím sleémeero ngi boo/eesiye' daanduú heémár Munguhe, nee slám heé hatlá' tumu wák miwa baraadií tseewúy.

FAARO 18:7

Ala kuúng kilók nee daaqaywók gadiyér kaahamuusi'iima sleémeero an tlehhá' ar ilakaahara, ar dír kitángw ilahhooa nee muruudá' sleémeero oo didá' ak hhoohhoo' ar alaá inqwaaridá' do' gwaa qasis. Gaarí an gadiyérhúng, asma kaahamuusi'iima ngina qeemu wa haniís. Heé hatlá' barnaxes aa tseewúy ku gaasi.»

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Tlehhema'aá ya/Abuuse 17:4

Bahh'alé baraá tla/angw'ine tari ya/án, tari haragwaá' nee Paulo nee Sila. Nee múk Yunani sleeme oo yaariír baraá kudá' Munguú ilaiwawa/a'a, tari ya/án, tam /ameenár hhaawaaká ar uren sleeme iri ya/aán.

Tlehhema'aá ya/Abuuse 18:7

Paulo iri didá' wa tláy, iri dáh baraá doó heeko wák, umuuwós ta bay Tito Yusto. Heewí a heé Munguú ilaiwawaá/. Do'ós nee doó saaliingw ti hariyá'.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

1 Korinto 6:17

Ala heedaádá' taa haragaas dír Aako, heedaádá' qeeruuwós nee Aako aa wák tleehhiít.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

Efeso 2:22

Baraawose kuungá' tundu tlehhiit dinkwa nee inooín, tawa doó Mungú iwa hooti ar Qeeruuwós.

DABE 23:9

«Bara slaqwarár eeré', xafaay kuri tlehhé', umuú hee ti harmagaahhi, baraá muruú tlakwe.

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.