ISAYA 55:9 - Biblía Axweesantá Hhohho' ar Mungú 2004

⁹ Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

ISAYA 55:9 Iomraidhean Croise

2 SAMUELI 7:19

Aá Aakoó MUNGÚ! Slám gár adór tí a gár niina dír ilawoge, Aakoó MUNGÚ. Gár tí ga baa/ a al'axweesantidár muruú urén, ar taa ó' dír múk dooeé', ar kureeraá yaariir awa hi'iitá', nee adór muruú qari sleémeero ar aluú wá hi'iit ngura aníngí xu'utís.

WARA'AMI 103:11

Adoodá' doori yaamu ngira tuuntukiyé', an adoodá' sla'aarirós ar warqawaaká ka úr dír mukdaádá' gu ilaiwawa/a.

WARA'AMI 36:5

AAKOÓ MUNGÚ, sla'aarirók ar warqawaaká ka qoomay wasl, inkihhimuuwók i deer umuúqo diiro.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

WARA'AMI 89:2

Aníng a xuú' sla'aarirók ar warqawaaká i kumít daqisleém, inkihhimuuwók i dikii' adór iihhafiirír doori.

WARA'AMI 92:6

Heé daktani muruuwí gu tsaahhiiká, tam heé tliíf ga xuiiká sleeme.

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.