ISAYA 55:8 - Biblía Axweesantá Hhohho' ar Mungú 2004

⁸ AAKOÓ MUNGÚ i kaahi, «Inslaway'eé' nee koohúng ti slayká, tam lohduuhúng nee lohduueé' ti slay'aaká.»

ISAYA 55:8 Iomraidhean Croise

2 SAMUELI 7:19

Aá Aakoó MUNGÚ! Slám gár adór tí a gár niina dír ilawoge, Aakoó MUNGÚ. Gár tí ga baa/ a al'axweesantidár muruú urén, ar taa ó' dír múk dooeé', ar kureeraá yaariir awa hi'iitá', nee adór muruú qari sleémeero ar aluú wá hi'iit ngura aníngí xu'utís.

2 WAAWITÁ 5:11

Ala Na'amani ina ló'wa buúhh, iri tláy iwa kaahi, «Aníng ngi xuu' geeraawo aqo nin tsee/áy ti'iit, nee AAKOÓ MUNGÚ, Munguúwós guri firín, nee dir'e tidá' tiiq gari kwatimiit, nee iri hungu/uus.

YOBU 35:5

Áx gawaá doori i qaytsitaak, nee huunkaydá' dirhunge gáwtí dirií' xuxuaak.

WARA'AMI 25:10

AAKOÓ MUNGÚ mukdá' alqadoorós ga ohiím nee axweesantose, gun geeraharahaar ar sla'aarirós ar warqawaaká nee inkihhimuwose.

WARA'AMI 33:11

Axweesantá AAKOÓ MUNGÚ aa oó' i warqeeraaká ay kureerisleém. Inslawoó muunaáwós i kumaamiit dír qari sleémeero.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 92:5

AAKOÓ MUNGÚ, adoodá' tlehhmi'iiwók kir urén, direne inslawaywók ku gawít tsaahharo.

AXWEESANOÓ SAGALOOA 21:8

Heé tlaákw loohirós aa qwát. Ala heé hhoó' ku amohhoó'.

AXWEESANOÓ SAGALOOA 25:3

Adoodá' doori kir gáwtií saáw nee yaamu kir barií saáw, tam inslawoó waawutmo ku tsee/ararinká.

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 58:13

«Barnaxes bál deelór Sabaátooro gadiyeé aga meeré', aga gadiyuská deelor'eé' tidá' hhoohhooe, tari deelór qwal/amaaye nee deeloodá' hhoohhoo' ar AAKOÓ MUNGÚ kari ilaiwaawá/. Barnaxes deeloodá' aga ilaiwa/é', ala tidá' ta sla' aga tlehhká, laqaá tidá' baraá muunaáwóge ta sla' aga tlehhká, laqaá muruú tawo ugwa axweská.

ISAYA 65:2

Aníng dabaaeé' ina laqaqaám tlatla/aangw sleémeero dír mukdá' a dee/aanuut. Kudá' lohdaá qooma'aakár hootá' kudá' sager'ín kilós ngi /ayá'.

ISAYA 66:18

Asma aníng tlehhmi'ii'ín i xuú' nee inslaway'ine, aníng xoordu sleémeero nee tsifrír dimbadimbé an burumbuúr. Inooín niri hardihiyá' xirfueé' nguri ariyá'.

YEREMIA 3:1

Barnaxes hee hareerós gaa talaákárií haniís, inós guri geexeér, hhawaatuú hatlá' gari duúx, iqo kí/a dír heedaaduú geera? Yaamu kiqo ló'wa meetagaasiikáhe nee tlehhmuusíng? Kuungá' tsaatu'uumár yaariir aga tlehhé' nee mulqér yaariir, hám daxta niqo tsuwá amor'eénií ki/á'a?

ESEKIELI 18:29

Ala kuungá' múk Israeli a kata', ‹Gár Aakoó Mungú i tlehhiiti i qoondaaká.› Xáy, aníng gár ni tlehhiit iqo tsuwa qoondaakáhe? Kuungá' gár ta tlehhita' an tidá' qoomaaká.

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

1 SAMUELI 16:7

Ala AAKOÓ MUNGÚ Samueli guri báy, «Gitsee/awós laqaá tlenaangós mi i qaytaar, asma aníng ugwa sií'. AAKOÓ MUNGÚ adór ir xumiisi a adór mukoká, asma muu gár i ga/ay a gitsee/a, ala AAKOÓ MUNGÚ gár i ga/ay a muuná.»