ISAYA 55:7 - Biblía Axweesantá Hhohho' ar Mungú 2004

⁷ Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 55:7 Iomraidhean Croise

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 15:4

Ala qoomár slahh'amuuine inooín niwa warqayé' amór AAKOÓ MUNGÚ, Munguú Israeli, nguri leeleehhiyé', inós ngway slayé'.

2 QOM'I 30:6

Muu kuri ya/aáw nee waawutmo nee geeraharuuse amór múk Israeli sleémeero, nee oo Yudawo. Barwaduudá' gár ki gooín a tí, «Kuungaá múk Israeli, peeroó taa meetiís nee waawituú Ashuru, AAKOÓ MUNGÚ i ki/aare', Munguú Abrahamu, nee oo Isaka nee oo Israeli, inós daqaní kuungá' nu i kii/.

2 QOM'I 33:13

Mungú firoorós gari axaás, kunguri ki/ís Yerusalemu baraá waawuti'iimarós. Naagáy Manase gari tsaáhh adór AAKOÓ MUNGÚ tar Munguú ló'.

2 QOM'I 7:14

barnaxes muk'eé' kwí birta tsatsaa'areés nee iri firiné', nee iri leeleehhiyé', nee tlehhmi'ii'ín kudá' tlakw ngiri mayé' tlehhtuuwo, aníng inooín i axaás gawaá doorí wa ale nee tlakweemaaín in gurtláw, nee diihhooa ngi slayá' baraá yaamuuine.

YOBU 22:23

Kuúng bara wayá' amór Munguú Aleesleemusmo, nee bir ta dirós i tsatsa'arés, tlakweema bira sawés dír do'oge,

WARA'AMI 130:4

Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

WARA'AMI 130:7

Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

WARA'AMI 51:1

Mungú na'ás, án gurtlawáng, ar afi qoomoó sla'aarirók ar warqawaaká, ar yaareemaá gurtleemuwók, tlakweemaaeé' na fiitseek.

WARA'AMI 66:18

Geera bar muruú tlákw un inslaasláw baraá muunaáeene, AAKOÓ MUNGÚ geera iga axaasiiká.

AXWEESANOÓ SAGALOOA 28:13

Heé tlakweemaá lu/u/uúm amohhooa ga baloó slayká. Ala kudá' tlakweemaawós gaa gwadiidin giri máy tlehhtuuwo ku gurtláy.

ISAYA 1:19

Bar aga ya/aandé' nee tay iialooeesé', daqaní hhooeemaá yaamu i /agá'.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 21:12

Xuumusmo iri oó', «Looa niqo tlatleér, nee xweera ni hardihiyá' sleeme. Kuúng bar yaahamisuú slá', yaahamiís, ta tleér, ni malé kí/.»

ISAYA 31:6

Aá múk Israeli, ki/é' amór kudá' taa ló'wa sié'.

ISAYA 32:7

Al/aymár al/aymuuse ka tlaakw, inooín tlakweema ngin ado warqeemisiyá', as kahhó' narkutmo nguwa qwaareesiya' ar lamtaín, tam geeraawo gadaádá' narkutmo i slai i qoonda.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 58:6

Gwaawitór aníng ni slaa' a tí: Mukdaádá' taa tawo tsegiít kuwa gweda' him'eedá' muu kura tsegiít kawa gweda'. Mukdá' ta baramaanuusi amohhooa ngiwa slay, nee umuú taaqwanto kawa giqeera'.

ISAYA 59:7

Umuú daqto an baraá tlakweemií ti'ii'indá' an gaansliindá' tseerér heé dakuús wásl kawa ku'usa'. Inslawayhúng umuú daqto ku tlákw. Umuú dír taraqo waarahhi'i aqo hhituru'uuma nee deewa'ame an tlehhtá'.

YEREMIA 3:14

«Ki/aaré', kuungásingá' na/aá inkihhimu wasl, asma aníng an Aakoohúng. Aníng umuú heewo u leéhh dír umuú gixsaro, nee múk tsár baraá umuú tlahhaywo, ngiri huúw ay tloomár Siyoni. Anuú AAKOÓ MUNGÚ tí ngina oó'.

YEREMIA 3:3

Gawaá adoorihe baafáy i taxatiiká, tam tluwoó saxi i tluwiiká. Tam adoorihe ilaahúng ki gawden adór kuqaá tsaatuso'o, mure tam ar niiná i káhh.

YEREMIA 4:14

Kuungásingá' Yerusalemu, tlakweemaá baraá munerhúng hhohhoeesaak as tunduwa ba/amisi. Ay xaylá muruú tlákw ku aldakwaakuta' baraá munerhunge?

WA/AA/I 3:40

Luhduurén ki alqaytaán nee ki aldakwaán, nee ta ki/aán amór AAKOÓ Munguúrén.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

YONA 3:10

Mungú adór tlehhmi'ii'ín kudá' tlakw kira máy gari ár, Mungú iri ya/án /aymuudá' tlaákw nguwa may, kudá' geera i dir'ín i tleehhi.

SEKARIA 8:17

Laqaá heehúng gár tlaakw mingiwa aldakuút baraá muunaáwose daanduú inslaawmoowose laqaá lo'ór lama ma sla'aara', asma tí sleémeero an tidá' ni ahhiit. Anuú AAKOÓ MUNGÚ tí ngina oó'.»

Matayo 9:13

Ala tlawsé', gídaabár /aymi'iiká' aldakuutaak, ‹Ilahhooár muruú ta tsu/i a sla'aaká, ala gár ni slaa' a gurtleemu.› Aníng naa hardihiiká asma múk hota ganaá' nguwa ateetiim, ala a múk tlakuuse.»

Marko 7:21

Asma inslawoó tlákw ám ni dahhi a baraá muunuú hee, kudá' hee iwa fuqtá ay, nee iwa fiisór ay, nee iwa tsu/tár ay,

Marko 7:23

Muruuwí tlákw sleémeero dír i dahhi a baraá muunuú hee, nee an muruudaádá' hee gu meetagaás.»

Luka 15:10

Án a kah, tam malaykér Mungú sleeme i adoodár qwalaalá/ as heé wák oo tlakusmo oo aa hhu'u'un.»

Luka 15:24

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Luka 7:47

Gawaá adoorihe án a kah, sla'aarirós tidá' ur gan laqaqaán as tlakweemaawós awa yaariir kiwa gurtláy. Ala heé taa tlakweemaá niiná wa gurtláy, sla'aarirós ka niina.»

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.