ISAYA 55:6 - Biblía Axweesantá Hhohho' ar Mungú 2004

⁶ AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

ISAYA 55:6 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

2 QOM'I 19:3

Ala tam adoorihe kuúng hhooeemakaariya' iga tléhh. Slaqsi'i sleémeero kudaá munguúdá' ta bay Ashera iga hingés, nee aga ilakaaharés Mungú kuwa leelehhit ar muunaáwók sleémeero.»

ESRA 10:2

Tam Shekania garmoó Yehieli oo wák baraá na/aá Elamuwo, Esra guri báy, «Atén Munguúrén una sadakuusaán, /ameenár xoordaá hatlá' awa yaamuuká' kari duxuutaán. Ala tam adoorihe harahhifo i deer.

YOBU 8:5

Barnaxes kuúng Mungú uga leeléhh Munguúdá' /uuruú koóm kuri harhheehhe'és.

WARA'AMI 14:2

AAKOÓ MUNGÚ muu gun i qaytsimiit gawaá doorií wa ale as ngiwa ari, axáy, i deéro heé sagalooár koóm, oo Munguú leelehhiít?

WARA'AMI 145:18

AAKOÓ MUNGÚ ku tseéw dír kudaádá' sleémeero ngu ateetima'a, kudaádá' sleémeero ngu ateetimá' ar looeema.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 27:8

Kuúng ana ó', «Aníng leelehhiitaré'.» Aníng niri oó', «AÁKO, án kuúng u leeleéhh.»

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

WARA'AMI 75:1

Mungú, atén kuúng un xirfayeemisaán nee un sluufmisaán. Asma kuúng tu tseéw dír kudá' tlehhmi'iiwók awa waa/oo/amo ngi alki/iitá'.

WARA'AMI 95:7

Asma inós an Munguúrén, atén an mukós oo i de'en, nee a bee/ángw baraá qawtaantós. Ahaá, ka hhoóeéke laarí afoorós bara iiárií qás.

AXWEESANOÓ SAGALOOA 8:17

Mukdá' sleémeero aníng i slaá', u slaá' sleeme, nee múk i leelehhiít ar ilakaahara i ariyá'.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 58:9

Daqaní kuungá' anuú AAKOÓ MUNGÚ bira firiindé', aníng kuungá' nu mu/aywaats. Slám bira ateté', aníng an oo', ‹Aníng a diirí.› Barnaxes kuungá' baramaani aga meeré' baraá tla/angwhunge, nee muu bur looloqoomisa'aaká nee muruú tlákw axweesanto bura meeré'.

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

ISAYA 65:24

Dír aníng ira firini'iiká in geerií mu/aywaáts, tam qoomár barta baraá axweesántií dirii' aníng in iiárií qaás.

YEREMIA 25:5

Tunduna babáy, ‹Umuú heewo tlehhimi'iiwós kudá' slasla/aren nee kudá' tlakw ngi may, as daqaní kuungá' tawa hota' baraá yaamuudá' AAKOÓ MUNGÚ naa kuungií haniís, nee baabi'iihúng, iimír aáng wa alé, as kiwa ala' kureerisleém.

YEREMIA 33:3

«Aníng ateetáng, aníng kuúng un mu/aywaáts, nee muruú urén ngu kuúng báw, kudá' taa luú/ oo kuúng ta baloó xu'uká.

ESEKIELI 14:6

«Gimáy, múk Israeli baweek, Aakoó MUNGÚ i kaahi, ‹Hhu'uu'umé' nee slaqsi'iidaá munguaá hatlá' mawaak sluufmisuwo. Muruú aníng i buhhtamís mawaak tlehhtuwo.›

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 8:6

Mungú iri báy, «Heewí, xáy aga aándi muruú ta tlehhiiti. Múk Israeli muruú urén oo aníng i buhhtamís ngu diirí wa tlehhiitiyá' as aníng iwa gusisina' dír dooeé' wa aleeró. Tam adoorihe kuúng muruú slasla/arén oo hatlá' u male aán, kudá' taa tlehhiít oo aníng i buhhtamís ló'wa alé.»

DANIELI 4:27

Gawaá adoorihe, aá waawutámo, gurbu'utaeé' tí iiaárí qaaseek. Tlakweema tlehhtuuwo maweek, gan'amu tleehheek, nee tlakweema maweek mukdá' ta baramaanuús gurtleemu ti tlehhit, daqaní deeloorók ar diihhooa ka tleerees.»

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

YONA 3:8

Ala muu nee makaywo tlabaá gwadidiingw ki tsiiti. Inooín Mungú ku i /aa/i ar afór ur, nee ta warqay, umuú heewo loohirós tidá' tlaakw ngi may, nee tlehhmi'iiwós kudá' tlakw.

Matayo 5:25

«Nee sakwasleemusmoowók ti axweesani axase' ar gaanslaay, qoomár tawa dinkwárií dir'a' baraá loohiro, sakwasleemusmoowók kuúng muwa huúw amór doó sakwasleema, doó sakwasleemaro kuúng turi malé haniís dír askaarmoó i alé, inós kuúng uri dahaas baraá doó tseegamo.

Luka 13:25

Qoomár heé do' loó' bira tláy, afkú do' burngwa tseék, kuungá' tari sihhitá' tsee/aá wa ale tawa ateetiinda' tawa kata', ‹Aáko, do' gweereek.› Nee kuungá' nuri bay, ‹Amór ta dahha' aníng a xuaaká.›

Yohana 8:21

Yesu giri malé báy, «Aníng a quútl, ala án kuungá' iri leelehhitá', nee kuungá' a qatlá' baraá tlakweemaahúng i alé. Nee amoodá' án ni kaw, kuungá' hardahamu ngu aleesleera'aaká.»

Efeso 3:13

Ala án kuungá' nu firiím ma mune siaara' as adoorí án tiwa slahh'eemisi as kuungá'. Asma slahh'amaayeerí a xirif dír kuungae.

DABE 4:29

Baraá yaamuudaá kilae kuungá' AAKOÓ MUNGÚ, Munguúhúng kuri leelehhitá', nee kuungá' un sleerá' bura leelehhité' ar munerhúng sleémeero nee ar qeeremoohúng sleémeero.

DABE 4:7

«Xooro tam ar wák ar ur i káhh ar munguúwós dirós i tseew adór atén nee AAKOÓ MUNGÚ, Munguúrén tir tsewén, qoomár bur alee/isáy firirimaán.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.