ISAYA 54:6 - Biblía Axweesantá Hhohho' ar Mungú 2004

⁶ Asma Yerusalemu kiíng AAKOÓ MUNGÚ iga male ateét kiíngadár adór harér taa sií' ar gurhaamuut. Adór harér bi/i ar taa geexáy. Munguúwók i kaahi,

ISAYA 54:6 Iomraidhean Croise

AXWEESANOÓ SAGALOOA 5:18

Gám hhalaangók ku tsuuqi, nee hareerók ar bi/i saqwalaala/eek.

DAHARUSMO 9:9

Slafiingók saqwalaala/eek nee hareerók tidá' taa slá', deelór hotaawók kukaá taworo, kuká' Mungú naa haniís baraakaá yaamuwo. Asma tí an gár tinda kuúngí haniís baraá slafiingoge nee baraá gadiyeeduwoge barakaá yaamuwo.

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

HOSEA 2:19

Aníng kiíng iri sa'axweés tawa harer'eé' ar daqisleém, kiíng iri sa'axweés ar hotaá ganaa'á' nee ar sakwasleemár ganaa', nee ar sla'aarír warqawaaká nee ar gurtleemu.

MALAKI 2:14

Ala kuungá' a kata', «Asma milá?» Asma AAKOÓ MUNGÚ tawa lamabu'usmoó al'axweesani tla/ángw kuúng nee hareerók ar bi/i, tidá' taa sí' inós tam toge, nee harér al'axweesantók.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.