ISAYA 54:17 - Biblía Axweesantá Hhohho' ar Mungú 2004

¹⁷ Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

ISAYA 54:17 Iomraidhean Croise

YOBU 1:11

Axáy dakók gawaawós i tleeseek, daqaari'iimarós kwatiiteek, áx buraqo /ooslinká.»

YOBU 2:5

Axáy daxta dakók gawaawós i tleeseek, slaqwtós ka kwatít, áx, bura qo /ooslinká.»

YOBU 42:7

AAKOÓ MUNGÚ iwa hhe'eés axweesantá dír Yobuwo, Elifási kuduú Temanmo guri báy, «Aníng muuna iga ló'wa gaás as kuúng nee hhaeewók kudá' tsár, asma axweesantá ganaa' aga axwesi'iiká daanduueene ar adór tidár sagadiyusmooeé' Yobu, ira axweés.

WARA'AMI 32:6

Daxta umuúqo heé inkihhime, kuúng u firín qoomár tuwa slaslay. Qoomár tsaxwaá yau niwa doowatsiné', ala inós ma'aay ngu i hardihiaaká.

WARA'AMI 61:5

Mungú, kuúng al'axweesante'eé' aga axás, iga aalirók i hanís, tidá' ta hanmaamis dír kudá' umuuwók ngu ilaiwawa/á'.

WARA'AMI 71:16

AAKOÓ Munguúeé', aníng tlehhmi'iiwók awa uren in alki/iít, gan'amuuwók kilós un xirfayeés.

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

ISAYA 17:12

Kwaaraa/ír múk yaariír iiárií qaasaak, kwaaraa/ir'ín a adór gwaanduú tlawi. Kwaaraa/ír xoordu iiárií qaasaak, inooín in kwaaraa/iyá' adór hhaahhoó ma'aá yaariir.

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 29:8

Boohhár xoordu sleémeero kudá' amór tloomár Siyoni slaqwá', tari slaqás nee heé qwariít oo tlatitiím kwaáo i /ayín, ala bira daarakiít qwarkós iqo adoodií kaahh, laqaá adór heé waxiít oo tlatitiím kwaáo ma'aay gina wáh, ala bira daarakiít aa slaaqamiít waxeero, waxeerós aa fakká.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 41:11

Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

ISAYA 50:9

Ga/aaweek, Aakoó MUNGÚ aníng i alee/imamiis. Heé aníng i dakuúsár báw? Ga/aaweek, inooín sleémeerowo nin adór tlabaá wa slaxaruumitiyá' tlusá giri /aay.

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 54:15

Barnaxes taa i haratláy nee heé aníng naa ya/aawiiká. Kudá' ti tlaampa'aasá' nee kiíng ku hhaamiis geeraawók i ale.

ISAYA 54:16

Ga/aaweek, aníng kareeramoó kwahhuút una tleéhh, kudá' asltá gil'ór dukuúm nee xooslár slaqwarár tlehhiít. Aníng sleeme kuduú hhiturusmo una tleéhh as iwa hhitin.

ISAYA 58:14

Daqaní kuungá' qwal/amaaye a dír AAKOÓ MUNGÚ wá sleerá', aníng kuungá' nuna aleesleemií haniís oo umuú gaaro kawa arba/a' gawaakaá daanduú yaamuwo. Daqaari'iimár Yakobo baabuúhúng kari /agá'.» Adoorí afkú AAKOÓ MUNGÚ gaa oó'.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

DANIELI 3:26

Aluuwo Nebukadnesa iri saáp dír afkú bohóngw asltá gufteeri, iri oó', «Aá Shadraki nee Meshaki nee Abednego, sagadiyuusér Munguú Gawa, ti'iitaré', qwalaasé' amoorí.» Aluuwo Shadraki nee Meshaki nee Abednego tari ti'iít baraá asltadá wa aleeró.

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Rumi 10:4

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

1 Korinto 1:30

Ala kuungá' a baraá Kristo Yesu i dir'á'. Adoorí heé gaa tleehh a Mungú. Mungú Kristo Yesu guna sagalooarén tleéhh. Slám inós a gan'amuurén, nee hhohhoaarirén nee gweermoorén.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

YOSHUA 24:10

Ala aníng firór Bala'amu ana sií', inós kuungá' nuri tsuúq. Gawaá adoorihe aníng kuungá' nuri baraá dabaá Balaki wa tuú/.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.

1 SAMUELI 23:17

Yonatan Daudi guri báy, «Ma da'ayumiitaar, baabuúeé' kuúng gár u /iisi i káhh. Kuúng múk Israeli u sawaawuti'iín, nee aníng tari waawutmoó tsár aluuwoge. Tam Saulo baabuúeé' adoorí ga xuu'.»