ISAYA 54:16 - Biblía Axweesantá Hhohho' ar Mungú 2004

¹⁶ Ga/aaweek, aníng kareeramoó kwahhuút una tleéhh, kudá' asltá gil'ór dukuúm nee xooslár slaqwarár tlehhiít. Aníng sleeme kuduú hhiturusmo una tleéhh as iwa hhitin.

ISAYA 54:16 Iomraidhean Croise

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 10:15

Xaysé', tsawo ti kilós xirfayésa dír heedaádá' ga ar gadiyuusa? Xáy, masmeno ti kilós xirfayésa dír kudaádá' ga ar tlaaqa? Geera bar adoorí, hhara mukdá' gar qadimiís gwaa lilikís, laqaá hhara hee gu gáwtí tleská, kuduú xa'anoowooká.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 54:15

Barnaxes taa i haratláy nee heé aníng naa ya/aawiiká. Kudá' ti tlaampa'aasá' nee kiíng ku hhaamiis geeraawók i ale.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

SEKARIA 1:20

Naagáy AAKOÓ MUNGÚ kareeruú tsiyáhh oo muqslár kwahhuút nguri laqán.

SEKARIA 2:1

Aluuwo baraá iigu'utuú hatlae hee ngway ár i himuú kón baraá dakose oo qoomeemes.

SEKARIA 2:4

Inós guri báy, «Ta'aaím masoomoodá' ku beer, ‹Yerusalemu kan al'iwiit nee muu, adór gixsár koo/ír koomaaká as muu kuwa yaariír, nee makaá ta de'en awa baraawós i diriiá'.

Yohana 19:11

Yesu iri oó', «Kuúng aleesleemuú ta koon daanduueene i kaahh bar geera Mungú ngwa kuúng i haniisiiká. Ala heé aníng iga dabaawók i qaas, tlakweemaawós ki ak ur.»

1 SAMUELI 13:19

De'emaadae kareeramoó daadáw i kaahh baraá yaamaá Israeli sleémeero, asma múk Filisti tana fuqurín as kahhó' múk Ebrania paangadu nee lawlu mikiwa baloó tleéhh.