ISAYA 54:11 - Biblía Axweesantá Hhohho' ar Mungú 2004

¹¹ «Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

ISAYA 54:11 Iomraidhean Croise

1 WAAWITÁ 5:17

Waawutmo hara'aya gari oó', inooín tlaa/aá tlaxo uren ngiri huwiyé' as ihhafirír do' kawa tleehhi ar tlaa/aá taa tsiíhh kiri qoomeés.

1 WAAWITÁ 6:30

Matla/aangw sleeme guna qaalín ar sahaábu, guruú do' nee tsee/aawo.

1 QOM'I 29:2

Aníng umuú gaaro aga iiár burumburto as tleehhamór doó Munguúeé', muruú naa burumbuúr a kwí: Sahaábu as muruú ta sahaábúr tleehhi, nee muqslár peésa ar ta muruú muqslár peésár ar tleehhi, nee muqsla sirda/aten ar ta muruú muqslár sirda/atén ar tleehhi, nee muqsla ar ta xoslár muqslár ar tleehhi, nee xaai awa ta xooslár xaaír tleehhi. Sleeme tlaa/aá kal'i iga amohhe'eés nee tlaa/aá tar tipin, tlaa/aá ta bay njumu, tlaa/eedá' kal'i nee awa tlaxo uren awa da'aweemaá dimbadiimbé, nee awa ta bay marumarúr yaariir.

2 QOM'I 3:6

Waawutmo Solomon Doó Mungú gway parootuús ar tlaa/aá tlaxo uren, nee sahaábu amór yaamaá Parfaimu daáhh.

YOBU 28:16

Afhhamitu'uumarós a alqoomeská ar sahaábuudá' Ofiriír daáhh. Tam tlaa/eedá' ta bay Sardoniki laqaá yakuútír sirboo/ dirose i saapiiaaká.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

TI'INAANGW 2:23

Alaá qoomár deelór yaariir iwa waaráhh, waawutmoó Misri iri gwaá'. Xoorór Israeli slahh'amuú úr guri sleér baraá lawaali'iimaro, tari /aa/amín. /Aa/eeín niri hardihiyé' amór Mungú.

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

TI'INAANGW 3:2

Amoodae malaykamoó AAKOÓ MUNGÚ guri harati'iít ar tsángw asla baraá tla/ángw kitikiinti. Mose iwa qaytsiít, naxés kitikiinti asla ga /agká.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

DAA'AANGW 5:14

Dabaawós ga munga'aá sahaábií dahaás, sahaábuú hhohhó' oo Tarshishír daáhh gwaa dahaás, slaqwtós a adór xaarmoó daangw, kudá' taa qaalín ar kal'aá yakutír samawi.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

ISAYA 51:21

Gawaá adoorihe, tí iiárií qaasaak, kuungaáká' taa slahh'eemiís, kuungaáká' aga oonimité' ala ar difaáirooká.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

ISAYA 54:12

Aníng tsitsenoowók awa gáwtí tlet in tleéhh ar tlaa/aá akiíki. Afér maraywók ar miisli, koo/írók an tlaa/aá tlaxo urén ar tleéhh.

ISAYA 54:6

Asma Yerusalemu kiíng AAKOÓ MUNGÚ iga male ateét kiíngadár adór harér taa sií' ar gurhaamuut. Adór harér bi/i ar taa geexáy. Munguúwók i kaahi,

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

YEREMIA 30:17

AAKOÓ MUNGÚ i kaahi, aníng kuungá' nu slaqwa hhooárí ki/ís nee inkahhi'iihúng i hungu/uús. Tam kuungá' tunda bayi, ‹Múk taa kwaáhh, gixsár Siyoni, tidá' ta amohhe'eemisiiká.› »

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

ESEKIELI 1:26

Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

MIKA 7:11

Kuungá' múk Yerusalemu, qooma ni hardát ar koo/ír Yerusalemu kawa tleehhi. Baalaadae digeemiiwók kin ló'wa sawees.

Matayo 8:24

Naxés fur'a tlawi gana ló'wa leexwaanduúr, tam ma'aay niri tsifaqamiitiyé' baraá miringamo. Ala Yesu qoomaadae aa guú'.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 14:22

Inooín eeharuuse kari gurkwa/amís nee /uuru nguwa sleer baraá haratlintaaooro. Nee tari oó', «Atén gár tiwa hariím an dahaán baraá waawuti'iimár Mungú ar slahha'amaayér yaariir.»

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.