ISAYA 54:10 - Biblía Axweesantá Hhohho' ar Mungú 2004

¹⁰ Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

ISAYA 54:10 Iomraidhean Croise

2 SAMUELI 23:5

Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

WARA'AMI 102:26

Inooín i hhitiruutiyá', ala kuúng a kumamít. Inooín i qaruyá' adór inqwaruú wa ale, kuúng in adór tlabaá wá warqés, nay slaxaruutiyá'.

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

WARA'AMI 46:3

tam gwaanduú ma'aay bir xuuruu', laqaá tam tlom'i binda diingitiyé' as tlawi iwa /eeragwa'.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 49:15

AAKOÓ MUNGÚ i kaahi, «Xáy, /ameeni na/aywós kudá' i du'umis gunqo gunqaarésa, xáy, iqo ya/aánda iwa gurtleemuú koondaaká dír maamár waqaantirose? Tam inós ngu gunqaaresa, ala aníng kuungá' nu baloó gunqareesaaká.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 55:12

Asma kuungá' tari ti'itá' ar qwala/, tari tleerá' ar wayda. Tlom'i geerahunge niri daaiyá', xaai sleémeero awa baraá sla/a tsa/ii'ín ngiri slahhiyá'.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ISAYA 59:21

AAKOÓ MUNGÚ i kaahi, «Aníng alqado a tlehhiít nee kuungá'. Qeeruueé' kuduú gawaahúng nee axweesante'eé' tidá' naa qaás gawaá aferhúng, miwa qútl baraá aferhunge, laqaá baraá afér na/iihunge, laqaá baraá afér na/aá na/iihunge, iimír hamí tam ay alhhe'eesay wasle.»

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 63:7

Sla'aarír warqawaaká ar AAKOÓ MUNGÚ an alki/iít, xirfuú AAKOÓ MUNGÚ un oiím, ar har qoomoó muruudá' AAKOÓ MUNGÚ naa atén i tlehhiít, nee hhooeemadá' yaariir aa tlehhaahhiít dír múk Israeli, kudá' a tleehhaahhiít ar harqoomoó gurtleemuuwós, ar harqoomoó yaareemaá sla'aarírós ar warqawaaká.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 31:36

Aníng a kah, ‹Ala barnaxés hara'ayar'eé' tí naa oó' aa hhitirút dír geeraaeene, daqaní i ya/aán sleeme múk Israeli tawa xooror'eeneeká kureerisleém.› »

YEREMIA 33:20

AAKOÓ MUNGÚ i kaahi, «Barnaxes alqador'eé' tidá' naa tleéhh dír tlaatla/aangw nee xweera hhitiimaro bara aleesleér, tam tlaatla/aangw nee xweera qom'ii'ín kudá' taa qaás ngay dakuusiyé',

ESEKIELI 16:42

Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

ESEKIELI 34:25

Aníng nee inooín alqadór wayda ngiri qaasaán. Aníng makaá xaraaslá' in faák baraá yaamuwo as bee/angw'eé' iwa baraá darmú xatsoó wa hooti ar amohhooa, nee iwa gui baraá sla/atá wa ale.

MALAKI 2:5

«Alqador'eé' nee Laáwi a alqadór slafiingw nee ar wayda. Aníng ana haniís as inós aníng iwa ilaiwawaa/i. Inós aníng iri ilaiwawaá/, umuueé' guri qiitliiká.

FAARO 25:12

Gawaá adoorihe inós baweek, ‹Aníng alqadór wayda a tleéhh dirósí ale.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Matayo 5:18

Án a kah, looeemaawo, ay dír doori nee yaamu i waarahhiya', ala gooír niina adór afkú laqwa laqaá tam ar ló'wa niina ta afkú laqwto ar baraá hara'ayaárií dirii' i baloó waarahhká ay dír sleémeero kay boo/eesi.

Rumi 11:29

Asma Mungú gurtleemuú aa haniís gu alki/iiká, nee slám hee bar ngwa tsawaár, gu si'iiká aluuwo.

Tito 3:5

inós atén tiri ba/amís. Ala gár tisa ba/amís a ooanaaká atén tlehhema'aá ganaa'á' ina tleehhaán, ala tina ba/amís as gurtleemuuwós. Mungú tina slafís ar hamtlitór laqwali'iimár /aben, tina /abeemiís ar Qeeruú hhoohhoó',

Ebrania 12:27

/Aymi'iiká' tawa oó', «Malé ale sagaáwa wake» Gár i laqaqana' a tí, muruudá' diingisaro ta aleeslay, ku hingees. Muruuwí a kudá' sleémeero taa tleéhh. Ala muruudá' diingisaro ta aleeslayká, i kumiit.

Geehhoeemaá 6:14

Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.