ISAYA 54:1 - Biblía Axweesantá Hhohho' ar Mungú 2004

¹ AAKOÓ MUNGÚ i kaahi, «Kiíngadár kampeeri, daá' Kiíngadá' xwayla ga tsaqká daá' ló'wa alé ar bara/, asma kiíngadá' taa geexáy na/aá yaariir i sleér, kudaá /ameenír taa duúx ba/a.

ISAYA 54:1 Iomraidhean Croise

IIMU/UUNGW 21:6

Sara iri ó', «Mungú aníng ina qwal/atís, nee umuúqo heé adoorí ga axaasi nee aníng an al qwalaala/aán.

WARA'AMI 113:9

/Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!

DAA'AANGW 8:8

Hho'oorén tooka niina i deer, inós /aami gaa tsaxadiká. Ala hamí gár daanduuwose ta tleehhaan a xuanaaká bál barka iimu/ún sa'axweesanto.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:19

Looeemaawo yaamuuhúng kaa xaanxay tleéhh nee kaa deewaa'atís, nee sleeme kaa hhitín. Looeemaawo hamí daxta yaamuuhúng ni iirakuyá' as yaamuloouuserhúng. Kudá' yaamuuhúng ngaa hhitine' ki puruuts dirhunge.

ISAYA 49:20

Na/iiwók kudá' taa baraá looháy wa laqwál looarka wake u i qununu/iyá' tawa kaahi, ‹Yaamuuká ki ló' wa iiraakw direne, dír hotaarene bu'uut leelehhang.›

ISAYA 62:4

Kiíng ti male bayká, «Ar taa sií'.» Nee yaamuuwók ki male bayká, «Deewa'ame.» Ala tin bay, «Ar ni slaa'.» nee yaamuuwók kiri bay, «Awa taa duúx.» Asma AAKOÓ MUNGÚ kiíng ugwa sla'atís, nee yaamuuwók ki duux.

ISAYA 66:7

Gixsar'eé' ar hhoohhoo' a adór /ameenír aa xwayluur ar guruuwós aa tiqiiká. Dír gura ira tiqtír ayká inós garma ngwaa qaroó xwayluúr.

SEFANIA 3:14

Aá múk gixsár Siyoni, daaé' ar afór ur, kuungaá múk Israeli tsimaahhuusé', Kuungaá múk gixsár Yerusalemu, qwalaala/é' nee baraa/é' ar mune sleémeero.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Galatia 4:27

Asma kaa gooín, «Kiíng qwalaá/, kiídár kampeeri, kiídá' aga laqwaliká, tseé' ar afór ur, qwalaá/, kiídá' slahha'amaayér xwayla gaa tsaqiká. Asma na/aá /ameenidá' hhawaatuú koomaaká ki yaariir, ta tidá' hhawaatuú kooma.»

1 SAMUELI 2:5

Mukdá' aáng muruú /aymár koóm aa lawaali'iít, as gár /ayma kawa slay, ala kudá' aáng qwariít hamí i aax, /ameenidár kampeeri na/aá faanqw gaa xwayluúr, ala inósadá' na/aá yaariir gi koom ina mét ar pakáy.