ISAYA 53:8 - Biblía Axweesantá Hhohho' ar Mungú 2004

⁸ Kuna baramaanuús, kuri sakwasleemuút, kuri hingeés, baraá qartose heé tí gaa aldaakw i kaahh. Kuna sií' baraá yaamaá múk slafa, kuna muúx as tlakweemaá muk'eé' aa tleéhh.

ISAYA 53:8 Iomraidhean Croise

WARA'AMI 69:12

Muu baraá lohuwo aníng in tawo daanda axwees, nee múk oonituuse aníng in niqín ar daa'angw'ín.

WARA'AMI 88:5

Aníng taa kwaáhh baraá tla/ángw tu'u, adór tuaá dír /aantií diriiá', kudaádá' kuúng ta baloó insleeraaká, kaa saweés diroge.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

ISAYA 53:5

Ala inós kuna mulkúy as tlakweemaarén, kuna gweehhín as dakumisuurén. Muxtár atén wayda kur slawaan inós guna sleér, nee as inós kuwa muúx atén ana hungu/aán.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

WA/AA/I 3:54

Ma'aay án iri haraawa/iyé' niri oó', «Kaangw'eé' aa faák.»

DANIELI 9:26

Alaá wiikadaá mibeeri lahhoó' nee tsare heedá' taa iimbalaáx di/to ku amór saáwí kwaahh nee gár gu i meet i káhh. Gixsa nee didá' hhoohhooe ki ló'wa hhitín nee slaqwaruusér waawutmowo. Alhhe'eesaywós birna hardáh a adór alwuo, slaqwara nee hhamiimis adoodá' Mungú ngira ístí tsaát.

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Yohana 19:7

Múk Yahudi iri oó', «Atén hara'aya a koomaán. Hara'ayaarihe inós gár kuwa hariím a gwa'ara, asma inós i kaahi, ‹Aníng a Garmoó Mungú.› »

Tlehhema'aá ya/Abuuse 8:33

Inós tiwa niinaweés, sakwasleemarós kari hingeés. Heé qartós alki/ituwo ga aleesláw a heemá? Asma slafiingós kuna hingeés baraaká' yaamuwo.»

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.