ISAYA 53:7 - Biblía Axweesantá Hhohho' ar Mungú 2004

⁷ Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

ISAYA 53:7 Iomraidhean Croise

WARA'AMI 38:14

Eeít, aníng a adór heé axamisaaká, nee adór heé aleekalaa/aro ti aleeslawaaká.

WARA'AMI 38:15

Ala AAKOÓ MUNGÚ, aníng kuúng una harahhiíf, nee an kuúng, AAKOÓ Munguúeé', oo aníng i mu/aywaáts.

WARA'AMI 44:22

Ala as kuúng tiwa meér atén nee gwa'ara tin madiitaán daqisleém, tari adór bee/ángw ta tsu/utár ay.

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

YEREMIA 11:19

Ala aníng an adór deelmoó bee/i kudá' tsatsa'aár oo ta gaasár ay. Aga xuiiká adór aníng tir gaasár wa slaá', tawa kaahi, «Xa'anoowí u hhitiimaán dinkwa nee mamuuwose. Un amór saáwií kwahhaán baraakaá yaamaá múk slafa. Umuuwós mukuwa baloó insláy malé alé.»

FAARO 7:27

nee awuú wák oo batlitamo, nee gwaanduú wák, nee deelmoó gwaanda oo kurkú wák.

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Marko 14:61

Ala inós aqo ina xasliít, aa ilawatsiiká. Kaahamusmoó úr oo Mungú guri malé yaahaás, «Kuúng a Kristówo, Garmoó Munguú Xiríf?»

Marko 15:5

Ala Yesu aa malé ilawatsiiká. Tam Pilato adoodá' gari waa/oó/.

Luka 23:9

Herode yaahamisuú yaariír guri yaahamiís, ala Yesu gár aa oó' i káhh.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 19:9

Iri malé dáh baraá boómár ur, Yesu guri báy, «Kuúng amór ta dahh a amá?» Ala Yesu aa ilawatsiiká.

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

Geehhoeemaá 5:6

Aluuwo Deelmoó bee/i una ár aa sihhiít dír tla/ángw kitangwduú aleesleemu, nee tla/ángw muruudá' slaáf oo tsiyáhh, nee tla/ángw bariiseedá' mibeeri tsár nee tsiyáhh. Deelmooduú bee/i bura ga/eér, inós a adór deelmoó taa gaás. Inós xareemaá faanqw gi kón, nee ilaá faanqw. Ilaadá' faanqw a qeereemaá faanqw awa Mungú, kudá' taa ya/aáw baraá yaamu sleémeero.