ISAYA 53:3 - Biblía Axweesantá Hhohho' ar Mungú 2004

³ Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

ISAYA 53:3 Iomraidhean Croise

WARA'AMI 69:29

Anuú slahhahhaá' nee oo aga mune sii', Mungú, án /uurií qaasáng nee ba/amisáng!

WARA'AMI 88:4

Aníng taa harafaár dinkwa nee múk afkú bohóngw gwa'arár i dirií', /uuruueé' sleémeero aa faák.

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

ISAYA 52:14

Múk yaariír inós kuwa ár tana waa/oó/, asma gitsee/aawós kaa ló'wa mulkúy sleeme u heé wa tsahhká.

ISAYA 53:10

Tam adoorihe AAKOÓ MUNGÚ guna slaá' nguwa slahh'eemisi, guri gurhaamír ar áy. As hhiintluuwós nguwa duúx tawa ilahhooár tlakweés hingeesa, xwaylarós ga ar adór kar hota tleér. Inós an kudá' sla'aarír AAKOÓ MUNGÚ ga boo/eés.

ISAYA 53:4

Looeemaawo inós slahh'amuurén guna óh gurhaamirén gari gagaár. Atén ngi xuaan kuna sakwasleemuút kuna muúx nee Mungú guri slahh'eemiís.

MIKA 5:1

Ala daxta kuungá' múk Yerusalemu, ti haraki/ise' adór daqooroó slaqwara, asma gixsarhúng kaa harweér nee múk slaqwara. Inooín geeraharusmoó Israeli kun tlaaqarmo slaahh ar hhara.»

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Matayo 26:67

Kuri gitsee/a i nitsimiít, kuri tuu'uút ar kundi'i. Nee bahh'alé nguri tlaaqarma' muxiyé',

Matayo 27:63

tari oó', «Aáko, aga inslawaán adór heedaáduú al/aymusmo qoomár iwa slafi ira oó', ‹Deelo tám bira waaráhh án ni waasleé/.›

Marko 10:33

Giri báy, «Ga/aawaagáy hamí a tsa/a/amaán tawa Yerusalemú kawaan, nee Garmoó Hee ku qaas baraá dabaá kaahamuusér uren ar Mungú nee intsaahhatuusér hara'ayár Mose. Inooín ku sakwasleemuut as kuwa gaasi. Sakwasleemaro burkwa hhe'eés kway haniis amór múk xoordu.

Marko 10:34

Inooín kway niqín, kway i tsuuqún, kway muux ar qaw'i, kway gaas. Deelo tám bira waaráhh nay waaslee/.»

Marko 14:34

Giri báy, «Aníng gurhaamír ur iga eér tsaxwaá gwa'ara. Diisíng wa iwiwiitaak, dalaaé'.»

Marko 15:19

Kuri saga muúx ar daa'a, kuri i tsuuqún, ta hara geeraawósí tumbarara'amiit, as kuwa ilaiwawa/i ar niqaay.

Marko 9:12

Yesu giri báy, «A ló' Eliya ni ala geerií hardah, nee mura' sleémeero nguwa /abeemaá i ki/isi. Ala tam adoorihe, adór taa gooín a adoomá gawaá daanduú Garmoó Heewo tidá', slahh'eemisuú yaariír nguwa slay nee kuwa waaqaqai?

Luka 16:14

Mukduú Farisayo tidá' Yesu aa oó' sleémeero ngiwa axaasiyé', kuna niqín, asma inooín tawa kudá' peésár sla'á' ló'wa ale.

Luka 19:41

Yesu qoomár iwa tseewúy, gixsadá' gana ár, iri /aá/ as gixsadá',

Luka 8:53

Kuri ló'wa wa qasén, asma inooín ka xuu' adór ira gwá'.

Luka 9:22

Iri oó', «Garmoó Hee gár kuwa hariím a slahh'eemisuú yaariír ngun sláy, nee kun siasii' nee bariise, nee kaahamuusér uren ar Mungú, nee intsaahhatuusér hara'ayár Mose, nee kuri gaas, bál tame nay waaslee/.»

Yohana 11:35

Yesu iri /aá/.

Yohana 8:48

Múk Yahudi iri oó', «Ahaá, atén ar ló' aga ooániíke, tawa ooaán kuúng a heé Samaria, nee gídaabá a neetlaamér koón.»

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.