ISAYA 53:2 - Biblía Axweesantá Hhohho' ar Mungú 2004

² Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ISAYA 53:2 Iomraidhean Croise

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 52:14

Múk yaariír inós kuwa ár tana waa/oó/, asma gitsee/aawós kaa ló'wa mulkúy sleeme u heé wa tsahhká.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

Marko 6:3

Kwí a kudá' peehhoó hhaslaslitakáhe? Aayoorós a Maria, hhaeewós a Yakobo nee Yose nee Yuda nee Simon. Hhaeewós awa dasu a kudá' ayaarén i diriiá'áke?» Kuri insareéhh.

Marko 9:12

Yesu giri báy, «A ló' Eliya ni ala geerií hardah, nee mura' sleémeero nguwa /abeemaá i ki/isi. Ala tam adoorihe, adór taa gooín a adoomá gawaá daanduú Garmoó Heewo tidá', slahh'eemisuú yaariír nguwa slay nee kuwa waaqaqai?

Luka 2:7

na/oó garma guri xwayluúr oo baris. Guri tsiitís ar inqwaruú na/oó qawri. Guri qaatís baraá miringamoó gitsór hikwa ki qamaamin. Asma baraá doó dahaayeero pa/aangw kwaa slayká.

Luka 9:58

Yesu guri báy, «Intsaawe i mar'ór koón, nee tsir/o i maray'ín koón, ala Garmoó Hee tam dír sagós ngway qaasi i káhh.»

Yohana 18:40

Sleémeero tari tseeamín ta kaahi, «A kwisingeeká. Baraba na gweerang.» Ala Baraba a fisusmo.

Yohana 19:5

Yesu niri tsee/ií ti'iít, slamángw laqaya' ngwa dahaás, nee inqwaaridá' siirdaa/aat ngaa tsiít. Pilato iri oó', «Heewí ga/aawaak.»

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

1 Petro 2:14

Iialooemisé' dír ga/awuuseerose, asma inooín a múk tinda ya/aáw nee inós, as mukdá' tlakweema gaa tlehhiit kuwa doohhomiisi, nee kudá' tlehhema'aá hhohho' gaa tlehhiit kuwa diidi'iimisi.