ISAYA 53:12 - Biblía Axweesantá Hhohho' ar Mungú 2004

¹² Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

ISAYA 53:12 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

YOBU 30:16

Án hám daxta gwa'ara aga nakaá/, tiqti iga alsí'.

WARA'AMI 2:8

Án firiimáng, daqaní aníng xoordu ngi kuúngí haniís. Nee yaamu sleémeero ngi kuúngí haniís tawa daqaari'iimaarók.

WARA'AMI 22:14

/Uuruueé' ina faák adór ma'aá naa ku'uutiye', fadueé' nay kwirhhimitiyé'. Muunaáeé' iri weéq baraaeene adór boohhayaangw.

TI'INAANGW 15:9

Wakusmo iri oó', ‹In aluú wa alkoóm ngiri ohiím, haasaánguueé' un qasmiís, ay dír haayir'eé' i waya'. Paángar'eé' an óh, inooín ngiri hhaamiís.›

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

ISAYA 52:13

Ga/aawaak, sagadiyusmooeé' i daqaari'iit ku iia tleerees nee kuri gáwtí tlees nee ilaiwa/amér ur ga sláy.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ISAYA 53:6

Atén sleémeero ana adór bee/ángw wá qwaaraán umuú heewo loohirós gaa óh. Ala AAKOÓ MUNGÚ tlakweemaarén sleémeero gina gawaawós i tsa/aás.

ISAYA 53:8

Kuna baramaanuús, kuri sakwasleemuút, kuri hingeés, baraá qartose heé tí gaa aldaakw i kaahh. Kuna sií' baraá yaamaá múk slafa, kuna muúx as tlakweemaá muk'eé' aa tleéhh.

DANIELI 2:45

Tlaa/a ana aán ar naa kilós tsatit gawaá tloomár wa alé, ar hee aa kwatitiiká. Muqslír aáng gana suwaawá', nee muqslír sirdaa/aate nee tleeiro nee muqslidár peesaaro nee sahaábuwo. Gawaá adoorihe Munguúdá' úr kaangwí ngwa dirógí xu'utís, waawutámo, a kángw tlehharuút aluúwaá ale. Tlataaká' awa ló', nee gár i kaahiya' ar ló' sleeme.»

Matayo 26:42

Yesu iri malé kií/ sagaáwa tsare, iri firín iri oó', «Baabuúeé', barnaxes slahh'amuuwí hingeesaro i ya/anaká, barqo ay dír ngway slaw, sla'aarirók i bo/.»

Marko 15:27

Fisuusér tsár nee inós kina alkikií' gawaá msalaabadu, kooko dakós oo doó /iyáy, kuqá' dákw doó basáy. [

Marko 15:28

Gooi iri bó/, tidá' kah, «Kuna tla/ángw tlakuusér i harafaár.»]

Luka 22:37

Asma án a kah, gooirí aqo in bó/ dir'eene, tidá' kah, ‹Kuna harafaár dinkwa nee tlakuuse.› Tidá' taa gooín gawaaeé' alé aa naká/ boo/eesaro.»

Luka 23:25

Kudá' ta slai guri dir'íní gweér, kudá' taa tseék as tlaahhi nee tsu/uta. Ala Yesu guri dir'íní haniís as adoodá' kur slai kawa tleehhi.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 8:34

Heé inooín gi sakwasleemuút a heemá? Yesu Kristo ina gwaá', nee slám a tí kiloseeká, inós nina waasleé/ baraá múk aa qaátl wa ale. Nee inós hamí i dákw /iyáy oo Mungú, i atén aleefiriirín.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Filipi 2:17

Ala haratlintaaorhúng a ilahhooár án ni hanmiis dír geeraá Mungú i alé. Bar adór garka tseerer'eé' iwa ku'uta gawaá daanduú ilahhooarí, aníng a qwalaá/ sleeme. Slám qwal/uueé' kwí ngway qasiís dirhúng i alé.

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Yohana 2:1

Laqwalor'eé' ar ninakw, tí ngin kuungá' i gooiím as kahhó' tlakweema mi tleehhara'. Ala hee bar tlakweema gaa tleéhh, heé ti aleefiriiriím dír Baabahe u koomaán, an Yesu Kristo, kudá' gan'amuú koóm.

1 Yohana 2:12

Kuungá' laqwalór ninakw, kaangwí nguna dirhúngií gooiím, asma tlakweemaahúng kaa gurtláy ar baraá umuú Yesu.