ISAYA 52:7 - Biblía Axweesantá Hhohho' ar Mungú 2004

⁷ Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

ISAYA 52:7 Iomraidhean Croise

WARA'AMI 59:13

Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

WARA'AMI 68:11

Aako axweesantós gana oó', /ameenár yaariir ya/abtór hho' gari ilaharmís.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 96:10

Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

WARA'AMI 98:2

AAKOÓ MUNGÚ baalirós gaa gwa/aateés, dír ilaá xoorduuwo gan'amuuwós gwaa laqán.

WARA'AMI 98:3

Sla'aarirós ar warqawaaká nee inkihhimuuwose ga insláy dír múk Israeliwo. Baraá yaamu sleémeero baalír Munguúrén kaa ár.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

DAA'AANGW 2:8

Afór sla'aarusmooeé' aga axaás ga/aaweek, gawaá tlom'iiwo i ti'ii'ín, i amor'eé' káy, tam gongoama' sleeme gi fadiitiiká.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 41:27

Anuú AAKOÓ MUNGÚ adoorí ana geerií oó' dír Siyoni, sleeme kaangwí hhó' nguri huúw dír Yerusalemu.

ISAYA 42:11

Xaanxaay nee gixsaduwós sleémeero afo ngi tleesiyá'. Ayeemaá yaamuloousér Kedari xirif ngu daaiye'. Yaamuloouusér Sela daa'ángw bara/ ngu oohiye'. Inooín i gawaá sagér tlom'ií wa tseeiye'.

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

NAHUMU 2:1

Heé nu suwawa'aám hanoos i hi'iit. Do'ók xuumeek, loohi xuumeek, siinootiím, ti ló'wa amohhe'es.

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Marko 13:10

Ala Ya/abtór hho' aqo kan geerií alki/iit baraá xoordu sleémeero dír alhhe'eesaydá' nira hardihiiká.

Marko 16:15

Aluuwo Yesu giri báy, «Tlawsé' baraá yaamu sleémeero, Ya/abtór hho' alki/iitaak dír muu sleémeero.

Luka 2:10

Ala malaykamo giri báy, «Ma da'ayumiitaara', asma án kuungá' nuna Ya/abtór hhó' i huúw ar qwal/amaayér ur dír muu sleémeero.

Luka 24:47

Nee sleeme kaa gooín tawa kaahi, ‹Kaangwí ku alki/iit ar umuueé' dír xoordu sleémeero tawa kaahi, hhu'u'uumé' as gurtleemuú tlakweema kuwa sleera'.› Kaangwí dír kuwa iimu/un an Yerusalemu.

Efeso 6:15

Nee ya/ataá ta dahasa' a sla'aaridá' Ya/abtór hho' ar wayda kawa alki/ita'.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.