ISAYA 52:5 - Biblía Axweesantá Hhohho' ar Mungú 2004

⁵ Hám daxta gawaá adoorihe anuú AAKOÓ MUNGÚ a kah, ‹Aníng gár ni tleehh diirihe bar muk'eé' kuna tawo ar tláy dír ilaaeé' wa ale. Waawitaáín ta tsuunqumiis.› » AAKOÓ MUNGÚ i kaahi, «Umuueé' kun /oosliislín umuú daqto.

ISAYA 52:5 Iomraidhean Croise

2 SAMUELI 12:14

Tam adoorihe as tlehhmudá' alsi'ím taa tléhh, AAKOÓ MUNGÚ ugwa kángw kilá' wa waaqá', as adoorí na/aywók i gwaa'.»

WARA'AMI 44:12

Mukók una weerís ar tlaxór niina, tam gár taa sleér i káhh.

WARA'AMI 44:16

qoomár axweesanoó /ooslislíngw waaqa'ama bura axaás, nee qoomár wakusmooeé' kudá' li/oó bu'utuú wa slaá' bura ár.

WARA'AMI 74:10

Aá Mungú, wakuuse u niqaaqiin ay xaylá? Xáy, umuuwók aqo kun /ooslaaslína ay alhhe'eesay wasle?

WARA'AMI 74:18

Ala AAKOÓ MUNGÚ, tí inslaweek, wakuuse i kuúng niqimís, múk daktana umuuwók gu waaqaqaa'.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

ISAYA 37:28

Ala aníng hotaawók i xuú', nee bar ti'imít u xuú' tam bar darát sleeme, tam buhhtaawók daanduueene i xuú'.

ISAYA 37:6

«Tlawsé', aakoohúng ku beera', AAKOÓ MUNGÚ i kaahi, ‹Ma da'ayumitaar as /aymi'iidá' taa axamís kudá' sagadiyuusér waawutmoó Ashuru aníng iwa niqimís.

ISAYA 47:6

Aníng muk'eé' una i buúhh, aalir'eé' ngiri meetagaás, ngiri haniís gawaá dabaawók i alé, ala kiíng iga gurtleeriiká, qoomaadaádae kiíng bariise ana huwár iloói tsa/ás.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 51:23

Aníng wakuuseerók an wahaás, tidá' kuúng u babaw, ‹Yaami qaateek atén a gawaawók ar waarahhaán, daanduuwók nguri adór yaamu tleehhaán tari adór loohír tar warhhahhati.› »

ISAYA 52:3

AAKOÓ MUNGÚ i kaahi, «Kuungá' tunda weeriís ar tawo nee tundu tuu/ ar peésa wasle.»

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

WA/AA/I 2:3

Inós /uuru sleémeero oo Israeli gwa yaamií daáhh ar buhhtaawós kudá' xaraaslá'. Inós alee/isaywós guna hingeés qoomár inooín nee wakuuser'ín tiwa doogiyé'. Buhhtaawós múk Yakobo nguna al'oohiyé' adór tsángw asla, umuú gaaro gari hhaamiís.

ESEKIELI 20:14

Ala aníng tina kilooeé' ilaa/, as ilaiwa/amér umuueé' makawa waaqaá' nee xoorduudá' ngaa ariye', qoomár inooín ngiwa duúx baraá yaamaá Misrír wa aleeró.

ESEKIELI 20:9

Ala aníng adoorí tleehhamooro ana máw as ilaiwa/amér umuueé', as kahhó' mukuwa waaqaqaá' nee xoorduudá' nee inooín alhootá', kudá' ngaa ariye', aníng tiwa xu'utís ngiwa duúx baraá yaamaá Misrír wa alé.

SEFANIA 1:10

AAKOÓ MUNGÚ i kaahi, «Baalaadae afór /aa/e ka axaas iimír afkuduú gixsár Yerusalemu oo ta bay Afkú doó Siyó, nee tsunqusmoó úr kuri axaas amór bartá hatlá' ar gixsa, nee kududuhoó úr kuri axaas gawaá tlom'ií wa alé.

Rumi 2:24

Asma Gooi i kat, «Umuú Mungú ku waaqaaqaa' nee múk xoordaá hatlá' as kuungá'.»

HAR'OHUUSE 18:3

Qoomár tawa hardáh dír doó Mika, afór masoomowí oo tlahhoó Laáwi ngina tsaahhiyé', niri amoorósí tlayé' kway yaahamiís, «Heé kuúng ugwa amoorí huuw? Gár kuúng ta tlehh a milá? Gadiyeérók a milá diirihe?»