ISAYA 52:3 - Biblía Axweesantá Hhohho' ar Mungú 2004

³ AAKOÓ MUNGÚ i kaahi, «Kuungá' tunda weeriís ar tawo nee tundu tuu/ ar peésa wasle.»

ISAYA 52:3 Iomraidhean Croise

WARA'AMI 44:12

Mukók una weerís ar tlaxór niina, tam gár taa sleér i káhh.

WARA'AMI 44:13

Atén tina niqís dír ilaá inslaawayrene, tiri waqaseengw tleéhh nee waqa'ama dír kudá' atén taa harweeriye'.

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 45:13

AAKOÓ MUNGÚ i kaahi, «Aníng Koreshi ugwa sihhtís iwa gan'amúr hooti, lohduuwós iga gan'aás, inós gixsar'eé' ga tleehh. Nee mukduú baraá loohaay gun gweer. Inós i bu'utuú leelehhitiiká laqaá slukma.»

ISAYA 50:1

AAKOÓ MUNGÚ i kaahi, «Slaambare/idá' aayorhúng aníng ngiwa talaákár i haniís i amá? Laqaá aníng kuungá' heé nuy weeriís a heemá oo aníng i iinuús? Ga/aawaak, kuungá' tunduna weeriís as tlakweemaahúng. Aayorhúng kinga guús as dakuúsarhúng.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ISAYA 63:4

Baalár ngiwa li/áy buu' aga ístí tsaát, nee kurkueé' oo ngiwa gweer naa hardáh

YEREMIA 15:13

Aníng daqaari'iimarhúng nee qaasirhunge an haasaáng wa haniís dír wakuuserhúng ar aldaafi wasl, as tlakweemaahúng kudá' taa tlehhaahhité' baraá yaamuhunge.

ESEKIELI 16:31

Dír iimu/úngw umuúqo loohiro nee /aantani ana tléhh, nee wa/aamér munguaá hatlá' kiwa ilahhooárí hanmis baraá umuúqo gixsaro. Ala sli'imarók nar tsaatuusér ta bu'uun ti slay'aaká, asma kiíng peésár muu a ohiindaaká.

ESEKIELI 34:27

Xaa'aá baraá qamu mamu ngi laqwaaliyá', yaamu mamaá yaariir ngi laqwaaliyá', nee mamuudá' niri hootiyá' ar wayda. Qoomár aníng him'eedá' inooín kira tsegiít bara tsaát, nee in tuú/ baraá dabaá kudá' ngaa lawaale tleehhi'i, aníng daqaní i tsaahhiyá' adór tar AAKOÓ MUNGÚ.

TLAHHOÓ LAÁWI 25:54

Ala bar heesíng kwaa tu/iiká nee mukós, ku gweeri kurkú inslaslángw kureeraá mibeeri kooane.

1 Petro 1:18

Kuungá' a xuá' adór gár tundura tlaáxw tar muruudá' hhitiruumitaaká, a peesaarooká, laqaá sahaábuwooká, as kuungá' niwa ti'ita' baraá tlehhemi'iihúng kudá' hariima'aakahe, kudá' taa ilaaoté' dír baabi'iihúng wa ale.