ISAYA 52:11 - Biblía Axweesantá Hhohho' ar Mungú 2004

¹¹ Tlawsé', tlawsé', gixsár Babuloni geexawaak, gár slasla/aar ma kwatimitara'. Ti'iité' baraá gixsaro, ti kiloohúng hheehhe'ese' kuungaádá' xooslár AAKOÓ MUNGÚ loohisá'.

ISAYA 52:11 Iomraidhean Croise

1 QOM'I 15:12

Daudi inooín giri báy, «Kuungá' a múk urén dír afér maraá hhay Laáwiwo, ti hheehhe'ese' kuungá' nee hhaeehunge, as kahhó' sandakmoó alqadór AAKOÓ MUNGÚ, Munguú Israeli, nguwa huba' amór kitangwdá' aníng naa amohhe'eés inós wa alé.

TI'INAANGW 30:19

Aroni nee daaqaywós ma'aaysingá' ngin dabaaín ar hamatliyá' nee ya'aaine.

ISAYA 1:16

Ti hamtle', ti hheehhe'esé', tlehhmi'iihúng kudá' tlakw hingeesaak dír geeraaeene. Tlakweema tlehhtuuwo mawaak.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 66:20

Hhaeehúng sleémeero kingay ki/is baraá xoordaá hatlá' wa ale adór ilahhooár anuú AAKOÓ MUNGÚ. Kingin ki/is ar faras, nee ar gaardu, nee ar /aampu, nee ar wayshama' nee ar angamiadu ay baraá gixsár Yerusalemu dír tloomar'eé' tidá' hhoohhoo'. Inooín kingi huuw, adór múk Israeli ilahhooár balaangw kingir haahuwi baraá xooslmoó hhoohhoó ar ale ay dír dooeé' anuú AAKOÓ MUNGÚ.

YEREMIA 31:21

Loohirók tí alhooreseek, kikiár u geerahaar slahheek, ma sagaqwaaraar loohidá' ur ooharo, tidá' taa ót qoomár tawa tlatleer. Aá Israeli, kií/, amór do' ii ki/eek baraá gixsaduuwók.

YEREMIA 50:8

«/Akumiité' baraá yaamaá Babuloniro, tsee/áy ti'iitaak baraá yaamaá Kaldayo, umuú heewo kuqá' munguwa dán, adór gurtuú geeraá aara.

YEREMIA 51:45

Muk'eé', ti'itaré' baraasinge. Umuú hee slaqwtós ngi tu/i dír buhhtaá xaraaslá' awa AAKOÓ MUNGUHE.

YEREMIA 51:6

Baraá Babulonír wa /akumiitaré', umuú heewo slaqwtós ngi tu/i, mutunduwa hhaamiís baraá sakwasleemarós, asma qoomaarihe AAKOÓ MUNGÚ i li/oó bu'ún, yaamuudá' gin sakwasleemuut ar adoodá' iwa harina'.

ESEKIELI 44:23

«Kaahamuuse xooror'eé' gan intsaahhatís as gár hhoo' nee ar tlaakwe ngiwa tsaahhiya', nee muu kuwa xu'utisi gadaádá' gi meetagaamiis nee tidá' gi meetagamisaakahe.

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

TLAHHOÓ LAÁWI 11:45

Asma aníng an AAKOÓ MUNGÚ, kudá' kuungá' naa duux baraá yaamaá Misrír wa ale, as niwa Munguúhúng tleehhiit. Gawaá adoorihe ti hhoohhooese', asma aníng ti hhoohhoó'.»

TLAHHOÓ LAÁWI 11:47

as kahhó' gár qoom /aymaro nee ar ta waki kawa tsahha', ar hariim /aymaro nee ar harimaaká /aymaro kawa tsahha'.

TLAHHOÓ LAÁWI 21:6

Inooín ki hhoohhoo' dír Munguúine, tam umuú Munguúín munguwa slasla/areesiyé'. Asma inooín an kudá' ilahhooár da/a ngi hanmiisá' dír AAKOÓ MUNGÚ tawa adór muruú /aymár Munguúín. Gawaá adoorihe inooín masók ki hhohho'.

SEKARIA 2:10

AAKOÓ MUNGÚ i kaahi, «Kiíng gixsár Siyoni, daá', qwalalaá/, asma ga/aawaak aníng ni hardáh nee kuungá' niri alhootaán.

SEKARIA 2:11

«Nee de'emadae xoordaá yaariir i haragwaaiyá' dír anuú AAKOÓ MUNGÚ, inooín tari muk'eé, aníng nee inooín tari alhootaán.» Kuungá' kay tsahhá' adór aníng tira ya/aáw amorhúng nee AAKOÓ MUNGÚ Aleesleemusmo.

FAARO 16:26

Iwa hardáh, muu guna báy, «Quutlé' dír heemadaá mukwí tlakwe, gar'ín tam ar wák ma kwatiitara' as mutundwa hhaamiís as tlakweemaaín sleémeero.»

FAARO 19:11

«Barnaxes hee tuuár hee gaa kwatiít, i baraá meeta deelo faanqwe.

FAARO 19:16

Barnaxes hee tuuár heé taa gaás gaa kwatiít, laqaá tuuár heé aa kilós gwaa' tsee/aá dó' i ale, laqaá fartá hee, laqaá /aantár hee, heé adoorí i baraá meeta deelo faanqwe.

FAARO 8:6

«Múk Laáwi paraatleek baraá tlaa/ángw xoorór Israeliwo, nee ki hheehhe'és.

Tlehhema'aá ya/Abuuse 10:14

Ala Petro iri oó', «Aasla'áy, Aáko, asma aníng gár ta waki aga baloó /ayiiká.»

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

2 korinto 6:17

Gawaá adoorihe Aako i kaahi, «Ti'iité' baraá tla/angw'ine, nee ti partle' dir'ine. Muruú slasla/arén muu kwatmiitara'. Daqaní án kuungá' nu ya/aám,

Efeso 5:11

Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

Geehhoeemaá 18:4

Aníng afór hatlá' ngiri axaás ar gawaá dooraá daahh. Afoorí i kat, «Muk'eé', kuungá' ti'iité' baraawose, as ma dinku'uumisaara' nee inós baraá tlakweemaawose, nee slám as kuungá' mutunduwa muúx dinkwa nee inós.