ISAYA 52:10 - Biblía Axweesantá Hhohho' ar Mungú 2004

¹⁰ AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 52:10 Iomraidhean Croise

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

WARA'AMI 67:2

Adoodá' kuúng ta sla' i xu'utit baraá yaamuwo, xoordu sleémeero /uuruuwók kudá' ba/amaamís ngu xuiye'.

ISAYA 11:9

Baraá tloomár AAKOÓ MUNGÚ tidá' hhoohhooe gár gi slahh'ees i káhh laqaá ar gi hhaamiis, asma yaamu nin hatsiyá' xu'utír AAKOÓ MUNGUHE, adoodár ma'aay tlawi ngira hatsisiyé'.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

ISAYA 33:13

Kuungaásingá sawen tlehhmi'iieé' iiárií qaasaak, nee kuungaásingá' tsewen /uurueé' ya/aamaak.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 53:1

Heé kangwdá' taa axasaán gwaa haratlintii'? Nee /uuruú AAKOÓ MUNGÚ dír kway geehhooeés a dír heemá?

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

ISAYA 62:1

Har daanduú Siyoniro a baloó xaslitaaká, nee daanduú Yerusalemuro a baloó hungu/usaaká, ay dír gan'amuuwós nay geehhoouy adór gwa/aateemaá wa ale, nee ay dír ba/amarós i mitsihh adór tsaa'astá wa alé

ISAYA 63:5

Ana qaytsiít naxés heé aníng iga alee/iis i kaahh, ana waa/oó/ asma heé aníng iga tuu/ i kaahh, aluuwo arba/atir'eé' ana dakw'eénuú kilár sláw, nee buhhtaaeé' ina alee/isiyé'.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

Luka 2:30

asma ilaaeé' ba/amarók ngaa ariyé',

Luka 3:6

Nee umuúqo muko ba/amár Mungú kan ar.› »

Tlehhema'aá ya/Abuuse 13:47

Asma adoorí an adoodá' Aako naa oó', ‹Aníng kuúng una qaás tawa gwa/aateemaá múk xoordu, as tawa loohír ba/ama tam ay alhhe'eesoó yaamu, as ba/amar'eé' muu sleémeero nguwa i hardat.› »

YOSHUA 4:24

As kahhó' xoordu sleémeero awa baraakaá yaamu ngiwa tsaahhiya' adór dákw AAKOÓ MUNGÚ ir /uuruú kón, nee as kahhó' kuungá' AAKOÓ MUNGÚ, Munguúhúng, kuwa ilaiwawa/a' ay kureeraá kureér.»

Geehhoeemaá 14:6

Malaykamoó hatlá' nguri malé ár, i gáwtí dirii' baraá tla/ángw doori. Malaykamoowí i Ya/abtór hhó' kón ar alhhe'eesay wasl, ar i alki/ituú ay dír múk baraá yaamuú wa hoót, dír umuúqo xoorooro nee tlahhaywo nee umuúqo tsifriro nee muko.

Geehhoeemaá 15:4

Aáko, heé kuúng u da'ayumiitaaká a heemá, nee heé umuuwók xirfayeemiisaaká a heemá? Asma oo hhoohhoó' a kuúng kilók. Xoordu sleémeero ni hardihiyá' nee niri dír geeraawók i tumbarara'amitiyá', asma tlehhemi'iiwók awa ganaa'á' naa geehhouyé'.»