ISAYA 51:9 - Biblía Axweesantá Hhohho' ar Mungú 2004

⁹ Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 51:9 Iomraidhean Croise

YOBU 26:12

Ar /uuruuwose tlawi gan xasltis, nee ar tsaahharose makiito'odár baraá tlawi ta bay Rahabu gan tsaees.

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 44:1

Aá Mungú, atén kuúng ugwa axaasaán iiaarene. Bariiseerén ar qaro, muruú kuúng taa tlehhít qarti'ine ngwa diréní alki/iitiyé', tlehhmi'iidaá iimír bál qaro.

WARA'AMI 44:2

Kuúngú kilá' múk xoordaá hatlá' una tlatlahhás ar /uuruuwók, ala yaamuuín kiri mukók i dahás, xoordaá hatlá' kiri slahh'eemís, ala baabi'iirén kiri diihhooatís.

WARA'AMI 44:23

Tlawáng Aáko, mas gú', na'amaamís, tlawáng, miti siaar ay alhhe'eesay wasle!

WARA'AMI 44:24

Ahaá waáy, direne masa nahhát, nee slahh'amuurén nee baramaanirene kiri gunqaarés?

WARA'AMI 59:4

Aníng gár naa dakuús iqo káhh, in tawo ti'i'iná', tina amohhe'emisiyé' niwa amor'eé' haratlaya'. Kuúng /akuutáng, án alee/iisáng.

WARA'AMI 7:6

AAKOÓ MUNGÚ, kuúng sihhiitáng ar buhhtaawók, /aátl, wakuuser'eé' arba/eek, Munguúeé', kuúng sihhiít! Kuúng daqisleém a slá' gan'amu kuwa tlehhiiti.

WARA'AMI 77:5

Kángw bál qaro una aldakuút, kureeraá qár awa naa waaraahhiye' ina inslasláw.

WARA'AMI 78:65

Aluuwo AAKOÓ MUNGÚ nay daarkiít adór heé aa guu', adór migusmoó tsimahhuús oo ma'aá sabiíbu ngaa wah.

WARA'AMI 87:4

Baraá tla/ángw kudá' i xua'a, múk Misri i deer, nee oo Babuloni nee oo Filisti nee oo Tiro, nee oo Kushi, kuká' sleémeero kina baraadá' wa laqwaál.

WARA'AMI 89:10

Kuúng dayshamoodá' ta bay Rahabu una naasuúr, ar /uuruuwók kudá' ta koonda, wakuuseerók ana arbá/.

WARA'AMI 89:11

Doori a kók nee yaamu sleeme, kuúng yaamu ina tléhh, nee muruú baraadií dirií' sleeme kuúng una iihháf.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

TI'INAANGW 6:6

Gawaá adoorihe múk Israeli ku beer, ‹Aníng a AAKOÓ MUNGÚ, aníng kuungá' nu gweér baraá gadiyeédá' tunduwa /uurutimiisi, nee nuri ba/amis baraá lawaali'iimar'ine, nuri tuú/ ar dákw taa gan'aás nee ar muxtár ur.

ISAYA 27:1

Baalaadae AAKOÓ MUNGÚ makiito'odá' ur ta bay Lewiatani gan muux ar paángarós tidá' yaangariir xaraasl. Inós i ni/iín baraá tlawtá wa ale, a dayshamoó úr oo baraá tlawtá hoót.

ISAYA 30:7

Asma alee/isoó múk Misri a adór tawo nee kahhaay. Gawaá adoorihe aníng Misri ngiri báw ‹Umuuwók a dayshamoó aa xasliit.› »

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 52:10

AAKOÓ MUNGÚ /uuruuwós kudá' xiríf gwaa laqán, dír geeraá xoordu sleémeero nee múk ku/uya sleémeero awa yaamu ba/amár Munguúrén ngi ariyá'.

ISAYA 53:1

Heé kangwdá' taa axasaán gwaa haratlintii'? Nee /uuruú AAKOÓ MUNGÚ dír kway geehhooeés a dír heemá?

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

MIKA 7:15

Aakoó Mungú, muruú waa/oo/amo tleehheek dirén i alé, adoodár aáng kura tléhh atén tiwa baraá yaamaá Misrír wa dúx.

HABAKUKI 2:19

Tsaxwaawós heedaadá' xa'anoó babáw, ‹Tlawáng›, laqaá kudá' tlaa/ár afaa wasl ga babáw, ‹Sihhiitáng›. Xay, muruusíng kuúng u intsaahhatísi? Qaytsiít, kwaa sliík ar sahaábu nee ar muqslár peésa, ala i hiinsluú kon'aaká baraaine.»

HABAKUKI 3:13

Tari tleér as mukók kuwa ba/amis, nee as heewók kudá' taa iimbaláx kuwa ba/amis. Kuúng geeraharusmoó múk tlákw un suwa tsát, nee eeharuuseerós kari hhaamís.

SEKARIA 10:11

Inooín nin waarahhiyá' ar baraá tla/ángw tláwtá slahh'amaaye, aníng gwaanduúwós kuduú ma'aay nguri slaáhh, nee iloodaá yaaér Nili niri /oná', daara/ángw Ashuru kuri hhitín, nee /uuruú múk Misri iri faak.

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.

Luka 1:51

Kángw úr gwa tleéhh ar /uuruú dakós, Kudá' daara/aamá' baraá inslawoó muner'ine gaa diyaá/.

Yohana 12:38

Asma /aymuudá' aarusmo Isaya aa oó' iwa boo/i, kudá' iwa káh, «Aáko, heé axweesanayrén gwa haratlintii' a heemá? Nee /uuruú Aako heé kway laqán a heemá?»

Tlehhema'aá ya/Abuuse 7:7

Mungú iri malé oó', ‹Ala án xooroodá' inooín gi lawaale tleehh, aníng a sakwasleemuút. Aluuwo inooín tindiri ti'iit baraá yaamuudae, aníng iri baraá yaamuuká' wa sluufmiisiyá'.›

DABE 4:34

Xáy, kuungá' mungú taa axasé' i deéro oo mukós gwaa leehh baraá xoorór hatlá' i ale, adoodá' AAKOÓ MUNGÚ, Munguúhúng aa tleéhh ar loohír iiara'at, nee layu nee slaqsa'aá waa/oo/amo, ar slaqwara, laqaá ar /uuruuwós kudá' úr, muruú yaariír guri tleéhh, kudá' taa aandé' ilahunge baraá yaamaá Misriro.

Geehhoeemaá 11:17

tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

HAR'OHUUSE 6:13

Gideoni iri oó', «Aáko, AAKOÓ MUNGÚ barnaxés i dinkwa nee atén, ahaá waáy adoorí atén mista sleér? Ahaá tlehhmi'iiwós kudaá waa/oo/amo aa tleéhh tindi alki/a/iti nee bariise i amoomá, tawa aain Aakoó Mungú ngina duúx baraá yaamaá Misrir wa ale? Ala hamí taa máy, taa haniís gawaá dabaá múk Midiani.»