ISAYA 51:4 - Biblía Axweesantá Hhohho' ar Mungú 2004

⁴ Muk'eé' aníng iiárií qaasaré', xooror'eé' iia qaasaak, asma dabe ni dir'eé' dáhh, nee sakwasleemar'eé' ar ganaa' i gwa/aateemaá muu tleehhít.

ISAYA 51:4 Iomraidhean Croise

WARA'AMI 106:5

As kahhó' amohhooár mukók ngiwa ar, as kahhó' qwal/uú xooroorók nguwa saqwalalaa/, as kahhó' án nee mukók tawa alxirfuutaan.

WARA'AMI 147:20

Muruuwí gwa tleehhiiká dír xoorór hatlae, Xoordaá hatlá' kaahirós ngi xuiaaká. AAKOÓ MUNGÚ xirfayeemisaak!

WARA'AMI 33:12

Xoorór amohhoo' a tidá' AAKOÓ MUNGÚ tawa Munguúín. Múk amohhoó' a kudá' inós aa aalirós wa tsawaár.

WARA'AMI 50:7

«Kuungaá muk'eé', iia qaasaak, gár ni oo' i deer. Israeli, adór kuúng tay diri' ngi lamabuú'. Aníng an Mungú, aníng a Munguúwók.

WARA'AMI 78:1

Kuungaá muk'eé', intsaahhatisar'eé' iiárií qaasaak, axweesanoó afkwe'eé' daáhh na ohiimaak.

TI'INAANGW 19:6

Kuungá' dir'eene tari waawuti'iimár kaahamuusér Mungú nee xoorór hhoohhoo' ar Mungú.› Axweesanaywí an kudá' ta o' dír múk Israeli.»

TI'INAANGW 33:13

Na'ás aníng kuúng u firiím, barnaxes iga qo tsuwa gurií bá/, lohuuwók dir'eé' laqaamang as kahhó' aníng ngiwa tsaahh adór aníng ira gurií bá/. Ka insleér sleeme adór xoororí tar tók.»

AXWEESANOÓ SAGALOOA 6:23

Asma hara'ayaarí a tsaa'asi, nee dabeerí a gwa/aateema, an gurbu'úngw hee gu gan'aás, an loohír slafiingw.

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 2:3

Xoordaá yaariir nin daqayá' niri ooiya', «Qwalaasé', gusé', gawaá tloomár AAKOÓ MUNGÚ, amór doó Munguú Yakobo, as kahhó' inós tiwa intsaahhatisi lohduuwose, as kahhó' atén tawa baraá lohduuwós wa hootaan, asma baraá Siyoniro dabe nin ti'ít, nee baraá Yerusalemuro axweesantá AAKOÓ MUNGÚ a axaasaán.»

ISAYA 26:2

Afér gixsa gweeraak, as xoorór hota ganaa' iwa dat tidá' inkihhmúr hotatiim.

ISAYA 26:8

Aá AAKOÓ MUNGÚ, baraá lohdaá sakwasleemaroge atén kuúng un daamaán, muneerén gár i ló'wa sla' a inslaslángw umuuwók.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 42:21

AAKOÓ MUNGÚ ina qwalaá/ as daanduú gana'aamuuwós, dabeerós gana iiatleereés nee gana xirfayeés.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

MIKA 4:2

Nee xoorduuká' yaariir niri hardihiyá' tari ooi, «Qwalaasé', a tsa/amán gawaá tloomár AAKOÓ MUNGÚ, amór Doó Munguú Yakobo. Inós atén tiri intsaahhatis lohduwose, atén niri hi'imiitaán ar baraá irwaarós.» Asma intsaahhasa baraá Siyoni ngin dáhh, nee AAKOÓ MUNGÚ axweesantós ngin baraá Yerusalemúr wa oo'.

Luka 2:32

tawa gwa/aateemaá gwa/aatá' dír xoorduuwo, nee tawa xirif dír mukók oo Israeli.»

1 Korinto 9:21

Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.