ISAYA 51:3 - Biblía Axweesantá Hhohho' ar Mungú 2004

³ Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 51:3 Iomraidhean Croise

IIMU/UUNGW 13:10

Loti iwa qaytsiít, xatstá Yordani gana ár ay gixsár Soari, i ma'aá koón umuúqo diiro, adór asalmoó Mungú, nee adór yaamaá Misri. Qoomaarí a qoomár AAKOÓ MUNGÚ Sodoma nee Gomora ngiwa qwaareesiiká.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 35:6

Taqoori iri ni/iín adór saaragmo, nee afaa wasli iri dá' ar qwala/. Ma'aay baraá xaanxaywo niri ti'iitiyá' nee duxe niri wá/ baraá xaanxáy wa alé.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 43:19

Ga/aawaak, aníng muruú /abén u tleéhh muruuwí hám naa qaroó ti'iít, kuungá' ugwa aandi'iikáhe? Aníng loohi a tleéhh ar baraá tla/ángw darma, nee yau ngiri baraá xaanxáy wa wa/ás.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 49:13

Kuungaá doóri daaé' ar qwala/, kuungaá yaámu xirfayeemisé' kuungaá tlóm'i baraa/é', asma AAKOÓ MUNGÚ mukós gwaa gurkwa/ás nee mukós kudá' aa slahhahhaa' gwaa gurtláy.

ISAYA 49:19

Looeemaawo yaamuuhúng kaa xaanxay tleéhh nee kaa deewaa'atís, nee sleeme kaa hhitín. Looeemaawo hamí daxta yaamuuhúng ni iirakuyá' as yaamuloouuserhúng. Kudá' yaamuuhúng ngaa hhitine' ki puruuts dirhunge.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 61:10

Aníng an ló'wa qwalalaá/ baraá AAKOÓ MUNGÚ wá ale. Muunaáeé' i baraa/ as Munguúeé', asma inós aníng iga uuntsuús ar tlabaá ba/ama, iga hotaá ganaa'ár tsiitiís adór hiyaay. Adoodá' garmoó duxuxuúm tir parootumamisi ar slamángw /ayo, nee adór dasír ta duxuuti tir parootumaamis, ar kwaslaá tlaxo gawden.

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

YEREMIA 31:25

Kudá' naa slaaqamiitiye' slaaqamayer'ín aa fák, kudá' naa diqay tsatmiitiye' i /uurií haniís.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

ESEKIELI 36:11

Muu nee makaywo in ló'wa tlahhás. Nee kuungá' tlóm'i, tundu male hoot adoodár aáng wa ale. Muruú hhó' ngu ló'wa tleéhh adoodá' aáng ba/a. Daqaní kuungá' a tsahhá' adór aníng tar AAKOÓ MUNGÚ.

ESEKIELI 36:35

Muu iri ooi, ‹Yaamuká' aáng adór xaanxaay, hamí daxta a adór asalmooduú Edeni, nee gixsadudá' aáng naa deewaiyé', kudá' tawa lóh niri sluhhuutiyé', hamí daxta ki hoot nee muu, slamí kaa harweér ar koo/ír gawit.›

Yoeli 2:3

Adoodár asla ir /ayayiin, an adór ingigtí umuú gaaro ngir hhitiin. Amór aluuine kwaáo' yaamu asla gina /ák. Qoomár iwa hu'uká yaamu a adór Edeéni, alaá iwa hú', yaamu a adór xaanxaay. Gár /uw dir'ine i káhh.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,