ISAYA 51:22 - Biblía Axweesantá Hhohho' ar Mungú 2004

²² AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 51:22 Iomraidhean Croise

WARA'AMI 35:1

AAKOÓ MUNGÚ kudá' aníng i il/aamá', ila/eek, aleeslaqwáng dír mukdá' nee án slaqwa'a.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

AXWEESANOÓ SAGALOOA 22:23

Asma AAKOÓ MUNGÚ inooín gi aleekalaa/, Mukdá' muruú múk hayohiím ar /uuru, AAKOÓ MUNGÚ gi slafiingw hayoh.

ISAYA 29:9

Waa/oo/é' kiloohúng ta baraá waa/oo/amórí metá', taampumité' kiloohúng ta baraá taampu'umárí metá'! Oniimité' ala ma oonimitara' ar difaái, ta/amiité' ala ma ta/amiitara' as buurár aa hamat.

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

ISAYA 3:13

AAKOÓ MUNGÚ daxta taa amohhe'eés sakwasleemaro, aa sihhiít as mukós nguwa sakwasleemuuti.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 51:17

Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 62:8

AAKOÓ MUNGÚ lo'o gaa /aáy ar dakós oo doó /iyáy nee ar dakwduú aleesleemú koóm, i kaahi, «Aníng balangwhúng u male hanisaaká tawa muruú /aymár wakuuserhúng. Tam dahaaye difaáírhúng ga baloó watká tidár gadiyér dabaahúng.

YEREMIA 25:15

AAKOÓ MUNGÚ, Munguú múk Israeli, aníng ina báy, «Areek, xooslmoowú gawaá dakw'eé' oo difaáír buhhtaeene haáts, huweek amór xoorduudá' kuúng uy ya/aaw, wahaaseek.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

YEREMIA 51:36

Gawaá adoorihe, AAKOÓ MUNGÚ i kaahi, «Ga/aawaak, aníng kuungá' nu aleekalaá/ daanduú kangwhunge nee li/aay nguwa buu' as kuungá'. Tlawtá Babuloni a /oomeés, nee kutlaywós u kahaás.

WA/AA/I 3:15

Aníng slahh'amu iga baál, nee tlarara/aay iga gaás.

WA/AA/I 3:58

Aá Aáko, án kuúng iga aleekalá/, slafingw'eé' kuri ba/amís.

ESEKIELI 39:29

Aníng qoomár qeeruueé' bura ku'uús gawaá múk Israeli, gitsee/aeé' i malé lu/aaká dír múk Israeliwo. Anuú Aakoó MUNGÚ tí aga oó'.»

Yoeli 3:2

aníng xoordu sleémeero in burumbuúr, ngiri huúw ay baraá xatstá Yehoshafati, ngiri baraadá' wa sakwasleemuút, asma tlehhmi'iidá' naa tlehhaahhitiyé' dír múk'eé' oo Israeli, kuduú aalir'eé'. Asma inooín muk'eé' nguna diyaya/iyé' baraá tla/ángw xoordu, nee yaamuueé' ngiri ka'amisiyé'.

OBADIA 1:16

Asma adoodá' buhhtaaeé' kira xuúf gawaá tloomar'eé' tidá' hhoohhooe, an adoodá' xoordu ngir xufiitiis buhhtaaeene daqisleém, nin xufiitiyá' tari ba/uumiit oonitameero, nari hhaná' adór múk kaáhh baloó alé baraá yaamuwo.

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

SEKARIA 12:2

I kaahi, «Ga/aaweek aníng Yerusalemu an adór xooslomoó difaáír oonitimis tleéhh dír muu sleémeero oo gaa harweeri. Nee gixsár Yerusalemu kan i haratláy tam gixsadaá Yuda sleeme.

Matayo 20:22

Yesu iri oó', «Gár ta fiririinda' a xua'aaká. Xooslmoodá' án ni wah, kuungá' u qitlá'a wahto?» Kuri báy, «Adoosíng a aleeslawaán.»

1 SAMUELI 25:39

Daudi ngiwa axaás adór Nabali ira gwaá', iri oó', «AAKOÓ MUNGÚ i xirfuuti kudá' marmaádá' gaa buu' dír Nabali, as aníng iwa /oosliislín. AAKOÓ MUNGÚ aníng iga pa/ás gár tlaakw ngiwa tleehh. AAKOÓ MUNGÚ marmá gana buú' gawaá Nabali as tlakweemaawós.» Alaá kaangwí iwa hhooáy Daudi muu guna ya/aáw amór Abigaili kawa lehhtuú ay as Daudi, asma gaa waatlakweés.