ISAYA 51:17 - Biblía Axweesantá Hhohho' ar Mungú 2004

¹⁷ Tlawáng aá Yerusalemu, sihhtanooro gaalalaa'aát, AAKOÓ MUNGÚ iga wahaás ar slooqomoó buhhtaawós, kiíng un tsaanqás wahto tari ta/amít.

ISAYA 51:17 Iomraidhean Croise

YOBU 21:20

Ahaá, inooínaá kilá' qwanay'ín ngur ariyá' ilaínaá kilae, Inooínaá kilá' buhhtaá Munguú /uuruú koóm ngir tsaqiyá'.

WARA'AMI 11:6

Tlakuuse gan gil'ór ásltií ku'uus nee tsángw aslto. Fur'ár dooraá kaahaar an slahhta'ín.

WARA'AMI 60:3

Ala mukók ugwa al'iiloouúr, as buhhtaawók atén tari adór múk taa difaáír waahaás, atén tari oonimiitaán.

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 75:8

Asma AAKOÓ MUNGÚ buhhtaawo aa qa/iít adór qwaree/amoó difaáiro aa haats, ar taa aleedoók ar muruú tsu/uút, inós gari wahaas ar múk tlákw ay dír ngay tsaanqasiya'.

ISAYA 29:9

Waa/oo/é' kiloohúng ta baraá waa/oo/amórí metá', taampumité' kiloohúng ta baraá taampu'umárí metá'! Oniimité' ala ma oonimitara' ar difaái, ta/amiité' ala ma ta/amiitara' as buurár aa hamat.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 51:21

Gawaá adoorihe, tí iiárií qaasaak, kuungaáká' taa slahh'eemiís, kuungaáká' aga oonimité' ala ar difaáirooká.

ISAYA 51:22

AAKOÓ MUNGÚ Munguúwók, kudá' mukós aleekal/aám, i kaahi, «Ga/aawaak, án slooqomoodá' nura oonitís ugwa hingeés. Kuungá' slooqomooduú buhhtaaeé' u wata'aaká.

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 63:6

Aníng muu una yaamií naka/aruurúw ar buhhtaaeé' inooín ngiri xufitiís ar xarasleemaaeé'. Tseerer'ín ngiri yaamií ku'uús.»

YEREMIA 13:13

Daqaní ki beer, ‹Anuú AAKOÓ MUNGÚ múk yaamuuká' un oonitamís, iimír waawitá kudá' waawuti'iím kitángw Daudi wa ale, nee kaahamuusér Mungú, nee aaruuse nee muu sleémeero oo Yerusalemúr hoót.

YEREMIA 25:18

Ana giiriím ar Yerusalemu, nee gixsadaá Yuda, nee waawitaáín nee geeraharuuser'ín, as kahhó' iwa xaanxay tleehhitiya', nari deewaaiyá', nee tawa gár ta waaqaqai nee ar ta lu'umisi. An adór i dirii'iya' ay laarí.

YEREMIA 25:27

AAKOÓ MUNGÚ, aníng iri báy, inooín ki beer, «Anuú AAKOÓ MUNGÚ Aleesleemusmo, Munguú Israeli, a kah, ‹Wahaak, oonimité' nee ta wa/amiindá', ta huhu'uundá', ma baloó tlawaara' malé aleeró, asma tsu/utaadá' ni huuw tla/angwhúng i ale.›

YEREMIA 44:6

Gawaá adoorihe aníng ana xaraásl nee niri daa/atúw buhhtaawo gawaá gixsadaá Yuda nee baraá lohdaá Yerusalemu, niri xaanxay tleehhitiyé', nee niri deewaiyé' adoodá' laarí i dirii'iya'.

SEKARIA 12:2

I kaahi, «Ga/aaweek aníng Yerusalemu an adór xooslomoó difaáír oonitimis tleéhh dír muu sleémeero oo gaa harweeri. Nee gixsár Yerusalemu kan i haratláy tam gixsadaá Yuda sleeme.

Matayo 20:22

Yesu iri oó', «Gár ta fiririinda' a xua'aaká. Xooslmoodá' án ni wah, kuungá' u qitlá'a wahto?» Kuri báy, «Adoosíng a aleeslawaán.»

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

Efeso 5:14

Gaarí an gár tasa oó', «Tláw, kuúnguudá' guaiím, waasleé/ baraá múk aa qaátl wa ale, daqaní Kristo kuúng u i gwa/aat.»

DABE 28:28

AAKOÓ MUNGÚ kuúng un slaahh ar slahhtá tawa slarhhamut, kuúng tari taampút nee tari saga hhitirút.

DABE 28:34

Sagók iri hhituruut as muruudá' ta ara'aan ilaawoge.

Geehhoeemaá 14:10

heé adoorí difaáidár buhhtaá Mungú ga wah, tidá' taa baraá xooslmoó buhhtaawós i tleéhh, slám kaa aleedoogiiká nee ma'aay. Nee slám heé adoorí ku slahh'eemiis ar asla nee ar asltadá' xaraasl ar kiberiíti dír geeraá malaykeedá' hhohhó' wa ale, nee dír geeraá Deelmoó bee/i.

Geehhoeemaá 16:19

Gixsadá' ur kari qasmiís badu tám, nee gixsadaá xoordu niri yaamií paahhiyé'. Mungú gixsadár Babuloni, tidá' ur, gari insláy, gari xooslmoó wahángw i haniís oo buhhtaawós kudá' xaraaslá'.

Geehhoeemaá 18:6

Kuungá' inós buaak ar adoodá' inós ira bu'uún. Ka sagaáwa tsár wa buá' ar tlehhemi'iiwós kudá'. Inós wahaasaak ar wahaangw oo adór kudá' inós muu ngura wahamís, ala dirose sagaáwa tsár wa doogaak.

HAR'OHUUSE 5:12

«Tlawáng, tlawáng, kiíng Debóra. Tlawáng, tlawáng daa'aangw daaeek. Tlawáng, kuúng Baráka garmoó Abinoamu, haasaánguuwók ar tlaweek.