ISAYA 51:14 - Biblía Axweesantá Hhohho' ar Mungú 2004

¹⁴ Kudaádá' ta slahh'eemisi ki gaanslár tuu/, ta qatliiká, sleeme ta /eetiiká baraá bohoongw, slamí muruú /ayma ngu dakusiaaká.

ISAYA 51:14 Iomraidhean Croise

ESRA 1:5

Aluuwo mukdá' urén oo tlahh'aá taati'i, oo Yuda, nee Benyamini, nee kaahamuuseero nee múk tlahhoó Laáwi, umuúqo heewo kudá' muunaáwós Mungú aa gwarangwaár tari tláy, as Doó AAKOÓ MUNGÚ kuwa tleehhi, kuduú baraá gixsár Yerusalemu.

ISAYA 30:20

Tam Aako kuungá' na slahh'eemisi nee tam naa muxi, ala tam adoorihe, intsaahhatusmoohúng aa nahhaatiiká, nee kuungá' intsaahhatusmoohúng u aandá' ilaahunge.

ISAYA 33:6

Mungú tari kudá' tundus dinqisiiká baraá slafingwhunge, nuri ló'wa ba/amiimis, nuri sagalooárí hanmiis nee xu'utiro. Qaasirhúng ar ur tari AAKOÓ MUNGÚ kuwa ilaiwawa/a'.

ISAYA 48:20

Hám daxta tlawé' Babulonír wa ale, /akumiité' yaamaá Kaldayór wa ale. Kaangwí alki/itaak ar tseeór qwala/, kaangwí ooaak, afoorí ya/aawaák ay ku/uyaá yaamu, ta oa', «AAKOÓ MUNGÚ múk Yakobo kuduú sagadiyuuseerós gwaa ba/amís.»

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 52:2

Teeri kukueek sihhiitáng, kiíngasír Yerusalemu taa haasaáng wa ar tláy, teeri kukueek, sihhiitáng. Kiíngasír dasír Siyoni taa haasaáng wa huúw.

YEREMIA 37:16

Yeremia kuwa tseék iri baraadií meét deelór yaariire,

SEKARIA 9:11

Anuú AAKOÓ MUNGÚ a kah, «As tseerér alqador'eé' tidá' taa axweesaán nee kuungá', mukdá' taa tsegiít ngu baraá hhalángw ma'aá koomaaká wa duúx.