ISAYA 51:13 - Biblía Axweesantá Hhohho' ar Mungú 2004

¹³ AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

ISAYA 51:13 Iomraidhean Croise

ESTA 5:14

Naagáy hareerós Sereshi nee mulqeerós sleémeero Hamani kuri báy, «Xa'anoó tleér kungu tleehhi oo miíta mibeeri tsár nee tsár, daqaní matlo matlaatleero waawutmo ku ádbeér Mordekai ku gawaadií tarereei. Daqaní tari dát ar qwala/ baraá muruú /aymár i alé dinkwa nee waawutmo.» Axweesantí Hamani gari slaá', xa'ano guri tleéhh.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YOBU 37:18

Kuúng doori intlaaharo i adór inós wá aleesleéra? Nari gawduyá' adór kioo'ór taa tleéhh ar muqslár da/aten?

YOBU 9:8

Inós kilós doori gina intláh nee gwaanduú ma'aay baraá tlawto guri xasltís.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 106:13

Ala gadiyeédár Mungú ngari gaanslár gunqareesiyé', tam gurbu'ungós ngwa dani'iiká.

WARA'AMI 76:10

Looeemaawo buhhtaá hee i warqayá' tawa xirif diroge, tam kudá' naa meetiye' buhhtaawoge u diidi'iimisiyá'.

ISAYA 10:24

Gawaá adoorihe, Aako MUNGÚ Aleesleemusmo i kaahi, «Xaysé', muk'eé' kuungá' awa Siyonír hootá', ma da'ayumitaara' qoomár burnu muxiyá' ar hhara nee ar qawaay, tam ugwa daanda tsi/isi ar adoodá' múk Misri aa tlehhiít.

ISAYA 14:4

baldá' kuungá' waawutmoó Babuloni kuri kooyiindá' ar girayduuwí, «Xáy baramaanusámo, adór tura xasltís, kuúngudá' xaraásl, adór tura baraá dewa'ameérí xasltís.

ISAYA 16:4

Múk Moabu oo tinda guús i baraá ayaahúng wa hooti, kuungá' dír guway'ín tleehhité' as mukdá' gi hhaamimiís.» Ay dír mukdá' gi baramaanuús i qwaari, nee ay dír kudá' múk hhaamimiís i hhan, ay dír mukdá' múk yaamaá hara'adarahá' i hhan baraá yaamuwo.

ISAYA 17:10

Asma kuungá' Israeli, Munguúduú ba/amarhúng ugwa gunqaaresé', tam tlaa/adár guwayhúng aga insleeri'iiká. Gawaá adoorihe, tam dahaasíngw sla'atimís u dahaasinda'a, kuri hanisá' dír munguúdá' ta bay Ba'ali.

ISAYA 40:21

Xáy, gár ta xua' i káhha? Xáy gár taa axasé' i káhha? Xáy, iimír aange ado kinga ooiikáhe? Iimír iimu/úngw yaamuwo kaangwí ugwa xui'iikáhe?

ISAYA 40:22

Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 43:1

AAKOÓ MUNGÚ, Kudá' kuungaá múk Yakobo naa tleehh, kudá' kuungaá múk Israeli naa buqumbuqun, i kaahi, «Ma da'ayumitaara', asma kuungá' naa ba/amís. Aníng kuungá' naa ateét as tawa kwe'eé'.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 48:13

Dakw'eé' iihhafiirír yaamu gana qaás, nee dakw'eé' oo doó /iyayhe doori ina hhaáf. Qoomár bira ateét inooín nin dinkwaárií sihhiitiyá'.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 54:14

Hotaá ganaa'á' in ar hotaatiín, kiíng ti sawees dír baramaaniro, nee dír dae tlaquuwo, ma da'ayumitaar gár kiíng i harasaap i káhh.

ISAYA 57:11

Xáy, heé kuungá' nu dae tlaáq a heemá? Tam lameemo kiri tlaqé', aníng iri insleeri'iiká, tam aníng iri meeré' baraá inslawayhunge. Aníng iimír aange aga dir'eéní xasliitiikáhe, nee an gár kuúng is ilaiwawa/ká doóqa.

ISAYA 7:4

ku beeto, gám magaáhh, xasliít, ma da'ayumitaar sleeme ma munesiaar as buhhtaá Resini waawutmoó Aramu, nee awa garmoó Remalia. Kuká' tsaraawo a adór quuír migír ar gwaa'.

ISAYA 9:4

Asma taaqwanay'ín kudá' iló', kudá' taa gawaá sum'ii'ínií tsegiít nee hhartadár baramaanuuser'ine iga giqeér, adoodá' múk Midiani aáng kura bál.

YEREMIA 2:32

Xáy, dasír /amatliito'o parootirós gaqo gunqaarésa, laqaá dasír ta duxuuti tlabaawós giqo gunqaarésa? Ala muk'eé' aníng iga gunqaareés har afiqoomár deelór yaariir.

YEREMIA 38:19

Waawutmo Sedekia Yeremia guri báy, «Aníng mukduú Yahudi aa haragwaa' amór múk Kaldayo u daimiít, wané aluuwo aníng ti dir'ín i haniis, tiri slahh'eemiis.»

YEREMIA 41:18

asma tawa múk Kaldayo da'ayumiti. Asma Ishmaeli garmoó Netania, Gedalia garmoó Ahikamu, kudá' taa qaás ga/aawusmoó wa alé nee waawutmoó Babuloni nguwa gaás.

YEREMIA 51:15

Inós yaamu gina tleéhh ar /uuruuwós. Yaamu gina gawdeés ar sagalooarós, baraá xu'utirose doori giri iihhaáf.

YEREMIA 51:19

Munguú Yakobo a adór inooineeká, asma inós umuú gaaro gana tleéhh. Múk Israeli an múk aalirós, AAKOÓ MUNGÚ Aleesleemusmo an umuuwós.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

DANIELI 3:18

Ala bar adooriheeká, xueek waawutámo, atén a ya/amanaaká munguiiwók kiwa sagadiyusaan, laqaá murslaaqatuusíng oo sahaábu kuwa sluufmiisaan.

DANIELI 3:19

Naagáy Nebukadnesa iri qa/iít, gitsee/aawós niri warqayé' asma ín Shadraki nee Meshaki nee Abednego. Iri oó', «Asla ló'wa slaxaak sagaáwa faanqw ta tidár /iisirkohe.»

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 15:55

«Xáy, Gwa'ára, arba/atirók i amá? Xáy, Gwa'ára, slahh'eemisuuwók i amá?»

DABE 32:18

Kuungá' Tlaa/adá' naa xwayluur ana insleeri'iiká, Munguúdá' kuungá' naa laqwaal una gunqaaresé'.

DABE 6:12

Tí ma baloó gunqareesara' adór AAKOÓ MUNGÚ kuungá' nura baraá yaamaá Misrír wa tuú/ qoomár tawa lawaale.

DABE 8:11

«Ti harmagahhe' AAKOÓ MUNGÚ, Munguúhúng mu gunqareesara' as hara'ayaarós kawa meera' ooharo, nee dabeerose nee kaahirose, tí laarí aníng naa kuungá' i hara'ayiím.

Ebrania 11:15

Geeraawo bar yaamaá ta leelehhiiti an kudá' ta dahhi, geera alók pa/aangw ku sláy oo tar ki/i.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 20:9

Inooín tari waaraáhh ar baraá yaamu sleémeero, nee maraydaá múk hhohhó' oo Mungú kiri harweér, nee tam gixsadá' Mungú i sla'a'an. Ala asla niri gawaá doorí wa /ét, mukdá' guri /ák.