ISAYA 51:1 - Biblía Axweesantá Hhohho' ar Mungú 2004

¹ Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

ISAYA 51:1 Iomraidhean Croise

2 QOM'I 15:2

Inós iri tláy waawutmo Asa guri al'áy gway báy, «Aá waawutmo Asa, nee muu sleémeero oo Yuda nee oo Benyaminiwo, aníng iiárií qaasaré', AAKOÓ MUNGÚ a dinkwa nee kuungá', barnaxes kuungá' a dinkwa nee inós. Kuungá' bura leelehhé' u sleerá', ala bura geexeeré', inós sleeme kuungá' nu geexáy.

2 QOM'I 15:4

Ala qoomár slahh'amuuine inooín niwa warqayé' amór AAKOÓ MUNGÚ, Munguú Israeli, nguri leeleehhiyé', inós ngway slayé'.

WARA'AMI 24:6

«Múk adoorí dirií' an kudá' Mungú gu leelehhiít, an kudá' tseewuwá' dír Munguú Yakobo.»

WARA'AMI 94:15

Sakwasleemár ganaa' i ki/, sleémeero kudá' hota ganaa'á' ngi eehariyá'.

AXWEESANOÓ SAGALOOA 15:9

Lohdaá tlakw AAKOÓ MUNGÚ gi waak, Ala heedá' hotaá ganaa'á' gi i qwatliít gun slaa'.

AXWEESANOÓ SAGALOOA 21:21

Heé hotaá ganaa'á' nee hhooeemaawo gi leelehhiít, slafiingw gun sláy nee gan'amu nee ilaiwa/ameero.

ISAYA 45:19

Aga axweesiiká ar naaqo baraá yaamaá giwtír wa ale. Aníng xwaylár Yakobo aga bawiiká, ‹Aníng leelehharé' tawo ale.› Aníng a AAKOÓ MUNGÚ kudá' looeemaá káh aníng muruú ganaá' un oiím.»

ISAYA 48:1

Iia qaasaak doó Yakobo, kudá' taa umuú Israelí tsaát, kuduú xwaylár Yuda. Kuungaádá' lo'ór /ayá' ar umuú AAKOÓ MUNGÚ nee kuungaádá' Munguú Israeli ngu tawo afeérár kaahá', ala ar looeemaawooká laqaá ar adór gana'aaká.

ISAYA 48:12

Múk Yakóbo, aníng iiárií qaasaré', nee oo Israeli kudá' naa ateét. Aníng a Inós, aníng an kuduú geera nee oo alhhe'eesaay.

ISAYA 51:4

Muk'eé' aníng iiárií qaasaré', xooror'eé' iia qaasaak, asma dabe ni dir'eé' dáhh, nee sakwasleemar'eé' ar ganaa' i gwa/aateemaá muu tleehhít.

ISAYA 51:7

Aníng iiárií qaasaré' kuungaá hotaá ganaa'á' ngi xuá', mukdá' baraá muner'ine daber'eé' ngi koomá' /ooslislíngw muu mu da'ayumitaara' nee mutunduwa amoqwaareés nee kaantíngw muu.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

AMOS 5:6

AAKOÓ MUNGÚ leelehhaak, daqaní kuungá' a hotá'. Bar adooriheeká inós i pu/uut baraá doó Yosefu, adór asltá wa alé, nee nuri hhaamiis, tam heé nu /iís iri qwaar, baraá yaamuloouusér Beteliro.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

Matayo 5:6

Múk amohhoó' a kudá' gan'amuú ak leelehhiít ta muruú hatlae, asma inooín gan'amu ngu slayá'.

Matayo 6:33

Ala waawuti'iimarós na geerií leelehhaak, nee gan'amuuwose, daqaní muruusuú hatlá' kungu dook.

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Filipi 3:13

Sla'aaruúse aníng adór gadaádá' ngira i hardihiiká a xuú'. Gár án ni tlehhiit a tí kilós, muruudá' naa alií geexáw un gunqareemiís, nee kudá' geeraaeé' i dirií' un i ti'i'iím.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.