ISAYA 50:8 - Biblía Axweesantá Hhohho' ar Mungú 2004

⁸ Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

ISAYA 50:8 Iomraidhean Croise

YOBU 13:19

Heé axweesante'eé' tí ga sií' a heemá? Aníng ti amoohhoó' niwa xasliit tam niwa gwaa'.

WARA'AMI 119:151

Ala kuúng tu tseéw dir'eene, AAKOÓ MUNGÚ, hara'ayarók sleémeero ar ló'.

TI'INAANGW 22:9

«Umuú gár muu tiwa watlaanki bar an slee laqaá daqwaay, laqaá bee/i, laqaá tlaba', laqaá umuú gaa gaala ar aa qwat, gár hee iwa kuqá' babay, ‹Gaasíng a te'eé',› axweesantír mukwí tsár ka huwi geeraá Mungú, nee kudá' taa sakwasleemuút nee Mungú, as iwa dakuúsár kon, gadaádá' aqo gan sagaá wa tsár wa buu'.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 41:21

AAKOÓ MUNGÚ, waawutmoó Yakobo i kaahi, «Kuungá' munguaá xoordu, sakwasleemarhúng huwaare', axweesantahúng tidá' ta koonda ooár awaare',

ISAYA 43:26

Aníng inslawtisaré', qwalaasé' a dinkwár wa axweesaán, sakwasleemarhúng kaahare', as kahhó' tunduwa tsaahhi adór múk ganaá'.

ISAYA 45:25

Xwaylár Israeli baali ga sleér nee xirfuuwo dír AAKOÓ MUNGÚ wa aleeró.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

Matayo 5:25

«Nee sakwasleemusmoowók ti axweesani axase' ar gaanslaay, qoomár tawa dinkwárií dir'a' baraá loohiro, sakwasleemusmoowók kuúng muwa huúw amór doó sakwasleema, doó sakwasleemaro kuúng turi malé haniís dír askaarmoó i alé, inós kuúng uri dahaas baraá doó tseegamo.

DABE 19:17

inós nee heesíng kaa/uusá' ta sihhiiti dír geeraá AAKOÓ MUNGÚ, dír geeraá kaahamuusér Mungú nee har'ohuuse, kudá' qoomaasinge baraá gadiyeédí diriiá'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.