ISAYA 50:7 - Biblía Axweesantá Hhohho' ar Mungú 2004

⁷ Asma Aakoó MUNGÚ in alee/iimiis, gawaá adoorihe, heé nee aníng ti tlaampa'aasá' i kaahh, gawaá adoorihe, aníng guruueé' ugwa tlaa/árí dahaás. Aníng a xuú' ti baloó mureekeesiiká.

ISAYA 50:7 Iomraidhean Croise

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 54:6

Aníng ilahhooár muruú ta tsu/i ngi kuúngií haniís ar muunuú /awaák. AAKOÓ MUNGÚ, aníng umuuwók u sluufiís as kuwa hhoó'.

ISAYA 29:22

Gawaá adoorihe AAKOÓ MUNGÚ kudá' Abrahamu gwa ba/amis, daanduú Yakobowo i kaahi, «Xwaylár Yakobo ka baloó murekesiiká, sager'ín mureero ngi malé yaamií xupu'usiaaká.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 45:17

Ala AAKOÓ MUNGÚ xoorór Israeli ga ba/amis ar ba/amár alhhe'eesay wasl. Kuungá' tundu murekesiiká nee tundu amoqwaaresiiká ay kureeraá kureér.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 50:9

Ga/aaweek, Aakoó MUNGÚ aníng i alee/imamiis. Heé aníng i dakuúsár báw? Ga/aaweek, inooín sleémeerowo nin adór tlabaá wa slaxaruumitiyá' tlusá giri /aay.

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

YEREMIA 1:18

Asma laarí aníng kuúng ugwa gawdeés adór gixsár taa harweér ar koo/ír gawit, ar taa uheemaá muqslár i siíhh, nee ar koo/irós taa tleéhh ar muqslár sirda/aten, as tiwa tlampa'aamisa' nee yaamu sleémeero, nee waawituú oo xoorór Yuda, nee geeraharuuserose, nee kaahamuusér Munguhe, nee múk yaamuuká' sleémeero.

MIKA 1:2

Kuungá' múk xoordu sleémeero, iia qaasaak, kuungá' baraá yaamu sleeme iia qaasaak nee umuúqo gár baraá yaamií diriia. Aakoó MUNGÚ nusa kwasleemuut iimír amór Do'ós kudá' hhoohhoó' wa ale.

Luka 9:51

Qoomár deeloorós ar kuwa gáwtí huwi iwa tseewuúr, inós iri piíhh iwa Yerusalémúr kay.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»

1 Petro 4:1

Kristo slahh'eemisuú slaqwa gwa sa qiqtlín. Gawaá adoorihe kuungá' sleeme gár tunduwa hariím a inslawoó adoorí un koondá', asma heedaádá' slahh'eemisuú slaqwa gwa sa qiqtlin, inós taa paraátl dír tlakweemaawo.

1 Petro 4:16

Ala bar hee kun slahh'eemiis as inós tawa Krishaanmo, inós miwa muruút. Ala inós Mungú ngu xirfayeesi as adoodá' inós kuwa Krishaanmo babay.