ISAYA 50:6 - Biblía Axweesantá Hhohho' ar Mungú 2004

⁶ Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

ISAYA 50:6 Iomraidhean Croise

NEHEMIA 13:25

Ina iigahhaát, ngiri lu'umís, bahh'ale ngiri muúx, kookariya' ina se'eengw uuruxuúm. Ina /uurutimís ngiwa lo'ór /aymiis ar umuú Mungú ngiwa babaw, «Dasuuhúng mukuwa duxuút nee daaqay'ín, tam daaqayhúng dasuuín munguwa duxuút, laqaá tam kuungaá kilá'.

YOBU 16:10

Muu aníng i niqimis, nee tin waaqaseesén, taa i burumburiít ti tlaaqarma' muux.

YOBU 30:10

Hamí nina aníng wa xinii'iyé', iri kwirhhitiyé', sleeme i hhasliitiaaká, in i tsuuquná'.

WARA'AMI 129:3

Daanduueé' kwa ló'wa muúx, mulkáy iri ganaanaá' adór hha'aá qaymo.»

WARA'AMI 69:7

Tina niqimís as kuúng, alsi'imuwo qayta ngari naá/.

WARA'AMI 69:8

Ana dahaaymo tleehhiít dír hhaee'eene, daa'awte'eé' i tsatsahhandaaká.

ISAYA 53:5

Ala inós kuna mulkúy as tlakweemaarén, kuna gweehhín as dakumisuurén. Muxtár atén wayda kur slawaan inós guna sleér, nee as inós kuwa muúx atén ana hungu/aán.

ISAYA 53:7

Inós kuna baramaanuús, kuri slahh'eemiís. Tam adoorihe inós afkós gwa waatleesiiká. Adór deelmoó bee/i oo ta gaasár ay, nee adór bee/ír ta se'eengw tlaaqi. Inós sleeme afkós gwa waatleesiiká.

WA/AA/I 3:30

I ya/an tlaaqarmaawós kiwa muxi nee kudá' gu muúx, nee i ya/an kuwa tloqmiisi.

MIKA 5:1

Ala daxta kuungá' múk Yerusalemu, ti haraki/ise' adór daqooroó slaqwara, asma gixsarhúng kaa harweér nee múk slaqwara. Inooín geeraharusmoó Israeli kun tlaaqarmo slaahh ar hhara.»

FAARO 12:14

Ala AAKOÓ MUNGÚ Mose guri báy, «Barnaxes kaa gitsee/a i tsuúq nee baabuúwós, xáy kaa mureekeesiikáhe deelo faanqwe? Gimáy, baraá xafto tsee/ií duuxeek deelo faanqwe, daqaní ni baraá xáftí ki/.»

Matayo 26:67

Kuri gitsee/a i nitsimiít, kuri tuu'uút ar kundi'i. Nee bahh'alé nguri tlaaqarma' muxiyé',

Matayo 27:26

Pilato Baraba guri gweér. Nee Yesu muxtár qaw'iwo nguwa hhe'eés, guri dabaaín i qaás as kuwa kikii'i gawaá msalaába.

Matayo 27:30

Kuri i nitsimiít, daaidá' kari gawaá dakós wa taataáhh, kuri saga muúx.

Matayo 5:39

Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Marko 14:65

Bahh'alé nguri iimu/uné' i tsuuquungo, kuri ila' tuuntuúk, kway tuu'uút ar kundi'i, ku babay, «Heesíng u tuu'uút ar kundaay a heemá, ooang.» Tam xuumuuse sleeme tlaaqarmaawós giri múx.

Marko 15:19

Kuri saga muúx ar daa'a, kuri i tsuuqún, ta hara geeraawósí tumbarara'amiit, as kuwa ilaiwawa/i ar niqaay.

Yohana 18:22

Yesu adoorí ooaro ngiwa hhe'eés, xuumusmooko wák oo didá' wa sihhmiít, Yesu guri tlaaqarmo slaáhh, iri oó', «Kaahamusmoó úr oo Mungú mus qítl adoosíng beemuuwo?»

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.