ISAYA 50:4 - Biblía Axweesantá Hhohho' ar Mungú 2004

⁴ Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 50:4 Iomraidhean Croise

YOBU 4:4

Axweesantók múk aa dukuuts guna sihhtís nee oo aa diqay tsatimiit gwaa gurkwa/amís.

WARA'AMI 119:147

Matlaatlér boo/e an tláw alee/isaywók nguwa firiim. Axweesantók a ló'wa harahhiíf.

WARA'AMI 143:8

Umuú matlaatleero gurhhooarók ngi ár, asma harahhifor'eé' aga gawaawók i qaás. Axáy loohír nir oh laqaamang, asma aníng muunaáeé' ngwa amoorók xu'ús uwa fiririim.

WARA'AMI 40:7

Naagáy aníng niri oó', «Án areeng aga ya/aám, adoodá' tir hariím kaa gooín baraá kitaábuú hara'aya.

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 5:3

AAKOÓ MUNGÚ, matlaatleero afor'eé' iiárií qaaseek. Matlaatleero án ti amohhe'eés sluufay'eé' nguwa dirógí oo', nee uri daám.

WARA'AMI 88:13

Ala AAKOÓ MUNGÚ, aníng kuúng un i /aa/amiím, umuúqo matlaatlér xawa un fiririím.

AXWEESANOÓ SAGALOOA 12:25

Heé xuruumiít baraá muunaáwose i huu', Ala /aymuú tsuú' gun qwal/atis.

AXWEESANOÓ SAGALOOA 15:23

Hee bar /aymuú qoóm gwaa oó' afkose i qwal/atimis, nee /aymuú sla'amuút bar kunga oó' qoomár iwa harina i tsuu'.

AXWEESANOÓ SAGALOOA 25:11

Axweesantá taa oó' qoomár hariima, a adór slamángw sahaábu oo taa qaalín ar muqslír peésa.

ISAYA 28:19

Umuúqo baalár amotlakwe iwa ayaahúngár waarahha aqo nun dásl, umuú matlaatlér xawa aqo nun i hardát, umuúqo tlaatla/ango nee xweeraawo, kángw adór kwí kuwa axas i ló'wa dae tlaaq.

ISAYA 28:9

Inooín aníng in niqimiisiyá' iwa yaahamisiya', «Heé i intsaahhatisi a heemá? Heé i ya/abtoórí ooi a heemá? A na/iidá' naa sangw /oní'i? Kudá' taa sangw iseemaá /íti?

ISAYA 35:5

Daqaní taampu niri qaytsitiyá' nee iawasli iri axás.

ISAYA 40:29

Inós mukdá' nusqumiít gun /uurií hanmiis, nee kudá' aleesleemuú koma'aaká gin /uurií dogiit.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 8:16

Lamabu'uungwí tseegeek, harmagahheek, daqaní tari dabér hota dír eeharuuser'eene.

YEREMIA 1:9

Naagáy, AAKOÓ MUNGÚ afkueé' guri kwatiít ar dakós, iri báy, «Qaytsiít axweesante'eé' aga qaás baraá afkók.

YEREMIA 31:25

Kudá' naa slaaqamiitiye' slaaqamayer'ín aa fák, kudá' naa diqay tsatmiitiye' i /uurií haniís.

ESEKIELI 46:13

«Umuú matlaatleero deelmoó bee/i oo xaslxaansli wásl oo kurkú wák un ilahhooár da/tá wa hanisá' dír AAKOÓ MUNGÚ, kuwa adoodá' alda/i.

Matayo 11:28

«Qwalaasé' amor'eé' kuungá' sleémeero awa daawiimitá' nee awa huwa aa al iiloouúr, án kuungá' nu hungu/uús.

Matayo 13:54

Nee iwa amór ayaawós i hardáh, muu guri intsaahhatimís baraá doó saalingw'ín wa ale, tam mukdá' iri waa/oó/, tari káh, «Kwí dír sagalooarí ngiwa sláy a diimá, nee muruuwí oo waa/oo/amo i tlehhiiti.

Matayo 22:46

Ala heé /aymu tlaxwto gwa aleeslay i kaahh. Nee iimír baalaadae heé yaahasaro gwa qiitl i kaahh.

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Yohana 7:46

Askaáridá' iri ó', «Heé aa adór heedaádár axwees i kaahh tam looár wake.»

DABE 18:17

Aluuwo AAKOÓ MUNGÚ aníng iri báy, ‹Mukwí looeemaaín ngaa ooiyé'.›

DABE 18:18

Aníng aarusmoó adór kuúng u baraá tla/angwhúng wa tsawaár, nee aníng axweesante'eé' a baraá afkós i qaás, inós tidá' sleémeero aníng ngwaa báw ngi dirhúng í oo'.