ISAYA 50:2 - Biblía Axweesantá Hhohho' ar Mungú 2004

² Ahaá waáy, qoomár niwa hardáh heé naa didií áw mis kaahh? Qoomár niwa ateét heé aa ooin mis kaahh? Xáy, dakw'eé' ku ququmaáre ba/amisa gari aslayká? Laqaá aníng /uuruú nir ba/amis u koomaakáhe? Ga/aawaak, tlawi ngiwa i gahhaát, ma'aay niri kahiyé', yaae ngiri yaamaá xaanxay tleéhh, siyó iri diíx as ma'aay ngiwa dakuús nee ina qaátl as waxe.

ISAYA 50:2 Iomraidhean Croise

IIMU/UUNGW 18:14

/Aymuú gawít i deéro oo AAKOÓ MUNGÚ gur baá/? Har afi qoomaadá' án naa ooi, án ni kií/ kurko siiwár adoorihe, Sara na/oó garma gwaa sleér.»

2 QOM'I 32:15

Gawaá adoorihe Hesekia mu aleeya/aa/amaara' nuwa al/agin, nee nuwa qwaareemisi ar axweesanaysíng, sleeme mu haratlintatiaara'. Asma mungú tumu xooro gaalá, laqaá tumu waawuti'iima gaalahe, oo mukós gwaa aleeslay ba/amisaro i kaahh gawaá dabaaeene, nee gawaá dabaá baabi'iieene. Ala an qo Munguúhúng kwisinge oo kuungá' nu ba/amís gawaá dabaaeene!› »

WARA'AMI 106:9

Tlawtá Shamu gana iigahhaát iri kát, giri tla/angwdár waarahhaás adór yaamaá xaanxaay.

WARA'AMI 107:33

Mungú yau gina warqeés nay xaanxaay tleehhitiyé', kutli gari kahaás,

TI'INAANGW 14:21

Mose dakós guri looloqoós gawaá daanduú tlawi. AAKOÓ MUNGÚ tlawi gari tla/a tsaát ar fur'ár da/aá daahh xweera sleémeero, tlawi iri yaamaá kaahaar tleehhít, ma'aay niri tla/a tsatiitiyé'.

TI'INAANGW 14:29

Ala múk Israeli ina hi'iimiít ar baraá yaamaá kaahaar baraá tla/ángw tlawto. Nee ma'aydá' niri koo/i tleehhitiyé' bihhaaín awa doó /iyáy nee awa doó basayhe.

TI'INAANGW 7:18

Siyó baraá yaae iri qaatl, nee yaae iri díx, múk Misri ma'aá yaaeerí wahaango ngiri si'iyá'.› »

TI'INAANGW 7:21

Siyó baraá yaaeedá' iri qaátl, yaaeedá' iri díx. Múk Misri ma'aydá' giri harslaaqaát wahaango, nee tseereedá' yaamaá Misri giri aleetsát.

AXWEESANOÓ SAGALOOA 1:24

Án kuungá' nuna ateetiím ooimaro tari sié'. Nuri dabár ateetiím sleeme, ala heé qaytsimiít i kaahh.

ISAYA 11:15

AAKOÓ MUNGÚ tsifrángw tlawtá Misri gu /oomees, dakós gu maamukuus daanduú yaaér Eufratero, ar fur'aarós ar kahamiis, yaeedá' iri qasít, tari yau faanqw. Muu iri waraahh ar ya'a'.

ISAYA 19:5

Ma'aá yaaér Nili niri /oná', yaae iri qor'ót, iri kát.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 36:20

Baraá munguiiká ayeemookae a gaalá oo yaamuuwós ga tuu/ gawaá dabaaeene as kahhó' AAKOÓ MUNGÚ sleeme gixsár Yerusalemu ngiwa tu/i?»

ISAYA 41:28

Ala aníng niwa qaytsiít, tumu wák i kaahh baraá tla/angw'ine hara'ayusmo i kaahh, qoomár án bara yaahaás, mu/aywatsa i káhh.

ISAYA 42:15

Tlom'i nee gongooamawo i hhitiím, sla/a sleémeero a kahaás. Yau i yaamaá kaahaar tleéhh, tlehheeso i /oomeés.

ISAYA 43:16

AAKOÓ MUNGÚ i kaahi, «Kudá' loohi gaa tla/ángw tláwtár tleehh, kudá' loohi gaa tleehh ar baraá ma'aá yaariir.

ISAYA 44:27

Aníng an kudá' ilo gi babáw, «/Oomé'.» Nee yauuhúng in kahaás.

ISAYA 51:10

Ahaá kudá' tlawi gaa kahaas a kuungekáhe? Kudá' iloodá' uren awa ma'aay gaa kahaas, kudá' loohi gaa baraá iltá ma'ár tleehh as kahhó' mukdá' taa ba/amís iwa waaraahhi.

ISAYA 54:6

Asma Yerusalemu kiíng AAKOÓ MUNGÚ iga male ateét kiíngadár adór harér taa sií' ar gurhaamuut. Adór harér bi/i ar taa geexáy. Munguúwók i kaahi,

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

ISAYA 63:13

Inós inooín gina geerahaár baraá iloodá' sawene, adór faraásír baraá xaanxaay, tam ya'aaín ngaa tunqala/ani'iiká.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

ISAYA 65:12

Aníng aga qoomeés tunduwa tsu/i ar paánga sleémeeró tundun tsuú/. Asma qoomár nuwa ateetiim, aga ooindi'iiká qoomár niwa axwees a axamisa'aaká. Ala kuungá' muruú tlákw una tlehhé' dír geeraaeene, nee tidá' aníng i sla'atimisaaká kari tsawdé'.»

ISAYA 66:4

Gawaá adoorihe, aníng i amotlakweérií huúw tidá' i da'ayumitiya' gin sleér, asma qoomár ngiwa ateetiim heé aa ooin i kaahh. Qoomár niwa axweés inooín i axamisiaaká. Ala inooín muruú tlákw nguna tleehhiyé'. Tidá' aníng i sla'tamisaaká ngina tsawaariyé'.»

YEREMIA 14:9

Ahaá waáy, kuúng misti ilaqaamís tawa adór heé aa sagaqwaar, adór pihhusmoó hee alee/isaro gu aleeslawaaká. Ala tam adoorihe, kuúng, AAKOÓ MUNGÚ, a dinkwa nee atén, nee atén tina ateét ar umuuwók, atén a mukók. Miti mawaar.»

YEREMIA 35:14

Hara'ayaadá' Yonadabu garmoó Rekabu, aa na/iiwós i hara'ayín ar difaái ngiwa wahiaaká nga boo/eesiyé'. Inooín difaái ka wahanká tám ay laarí, asma hara'ayadár baabuúín ngina iialooeesiyé'.› Ala tidá' aníng ni kuungá' i axweemamiís umuú daqto, kuungá' iga iiárií qasi'iiká.

YEREMIA 35:15

Umuú daqto nuna sagadiyuuser'eé' ya/abiít ar aaruuse, umuú daqto ngina ya/abiít, niwa káh, ‹Umuú heewo tlehhmi'iiwós kudá' tlakw ngi may, tlehhmi'iiwós ngi qwatsi, nee slaqsa'aá hatlá' munguaá eeharto nee sluufmisuuwo ngi may. Adoorí bara tlehhé', a hotá' baraá yaamuudá' naa baabi'iihúng i haniís.› Kár ala kuungá' iia aga qasi'iiká, laqaá tidá' naa káh aga iialooeesi'iiká.

YEREMIA 5:1

Axáy baraá lohdaá Yerusalemu wa hi'iimitaak, xuuxuaak nee ka gooiindá'. Didá' boo/oó muu i dirii'i iwa xuuxu'uumaak, axáy heé gan'amúr hoót u sleerá'a, nee oo looeemaá leelehhiít. Bura sleeré', daqaní aníng múk Yerusalemu u gurtláw.

YEREMIA 7:13

AAKOÓ MUNGÚ i kaahi, ‹Hám daxta muruuwí kuwa qo tlehhahhiti'i, nee qoomár nuwa i axweemaamiís iga iiárií qasi'iiká, tam qoomár nuwa ateetaatiím aga ooiindi'iiká.

YEREMIA 7:27

Naagáy kuúng Yeremia, axweesantí sleémeero an mak dir'ín i ó', ala inooín kuúng u axaasiaaká, in atét ala i ooina'aaká.

YEREMIA 8:6

Aníng iia ana mak ló'wa siíhh, ala inooín looeema nga ooi'iiká. Heé tlakweemaawós gaa hhu'uu'un tam oo wák i kaahh, oo baraá muunaáwósií káh, ‹Gár naa tleéhh a milá?› Umuú heewo loohirós gana eehár adór farsuú geerií kumiít baraá slaqwaraaro.

DANIELI 3:15

Gimsé', hám bar aga ya/aandé', afór xareemi nee ar filiímbiro, nee ar gidaandoori, nee ar seéseero, nee ar mariímbaro, nee ar oowiro, nee ar umuúqo xooslár daa'aango, bar aga axasé', nee bar muslaaqatuudá' naa sihhtís ugwa ii tumbararaa'até' nee kuri sluufisé', daqaní adór hhoo' nee ar qoom aga tlehhé'. Ala adoorí bar aga sié', siiwarír kilae tundu kwahhtá áy baraá bohongwduú asltá gufteeri. Axáy a Mungú gaalá oo nu ba/amís gawaá dabaaeene?»

DANIELI 3:29

«Gawaá adoorihe aníng hamí an kah, umuú tlahhaywo nee umuú xoorooro nee umuú tsifriro ar múk /aymuú harimaaká gu oo' daanduú Munguú Shadraki nee Meshaki nee Abednegowo, xoorór adoorí mukós kun supín tay kaeemaá dimbadimbé, maray'ín tay taangu. Asma Munguú hatlá' oo hee gu aleesláw ba/amisaro ar loohír adór tí i kaahh.»

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

DANIELI 6:27

Inós i tu/ún nee i ba/amiimis, inós layu nee muruú waa/oo/amo gin tlehhiit, gawaá doori nee baraá yaamuwo. Inós an kudá' Danieli gwa ba/amis dir direeriwo.»

HOSEA 11:2

Adoodá' ngira alkoóm ateetiingo, án inooín tina ak geexáy. Ilahhooadár muruú ta tsu/i ta Ba'ali hanmiisi ngina ooha hhe'eesiyé', nee ilahhooár mooyángw tsuú' ngina hanmisiyé' dír munguaá slaqsi'i.

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

NAHUMU 1:4

Inós tlawi gan i gahhaat gari kahaas, yau sleémeero giri kahaas, Bashani nee Karmeliro niri /ootsiyá', tam /ayór Lebanoni in /óts.

HABAKUKI 3:8

Aá AAKOÓ MUNGÚ, kuúng anaqo búhhi gawaá yau? Laqaá anaqo tláwtí búhhi? Qoomár tawa tsa/aán gawaá farsuuwók, nee tawa tsa/aán gawaá gaarduwók kudaá arba/ati.

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

Marko 4:39

Ina tláy, fur'a gari i gahhaát, tlawi gari báy, «Xasliít, amohhooúw.» Hamtidár kilae fur'a iri xaslít, tlawi iri ló'wa amohhoouúr.

Yohana 1:11

Inós nina ayaawós i hardáh, ala kwa ilaoohiiká nee mukósuú kilá'.

Yohana 3:19

Sakwasleema an tí, gwa/aateema nina baraá yaamií hardihiyé', ala muu giwti gana slaá' ta gwa/aateemaawo, asma muruú ta tlehhahhiti ku tlákw.

YOSHUA 3:16

ma'aydá' gáwtá wa wa/amiimá' niri sihhiitiyé' adór ufa, niri saweesiyé' ay amór yaamaá Adam, iisaapoó gixsár Saretani. Qoomár yaae wa/amíngw amór Tlawtá Diwi nguwa meér, muu iri waaraáhh gayuú Yeriko.