ISAYA 50:11 - Biblía Axweesantá Hhohho' ar Mungú 2004

¹¹ Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

ISAYA 50:11 Iomraidhean Croise

WARA'AMI 16:4

Ala kudá' munguaá hatlá' eeharahará', gurhaamir'ín in doogiín, ilahhooar'ín ar tseere an tsirxiisaaká, tam umér munguii'ín ka axaasiiká afkwe'eene.

WARA'AMI 32:10

Heé tlakusmo muxtár yaariir ga sláy. Ala heé AAKOÓ MUNGÚ gu harahhiíf kwaa harweér ar sla'aarír warqawaaká ar AAKO.

AXWEESANOÓ SAGALOOA 26:18

Adoodár slarhhamá gufér asla ngir gilaleehhi nee maheeriiwo, iri tsu/uut,

ISAYA 55:2

Ahaá waáy gár peésarhúng kas hhitiindá' as gár /aymaarooká, nee tawa gadiyus daanduú gár guruú dalaa/akahe? Aníng kángw kilá' wa iiárií qaasaré', kuungá' daqaní muruú /aymár hhó' u /agá', nee muruú wahhaár kuri saqwalaala/a.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

ISAYA 9:18

Tlakweema na oohiyé' adór asltá fuquroó /aay nee laqayaawo, adór asltá baraá gara, quuír ilo' in gáwtí tsa/a/aán.

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

ESEKIELI 20:39

«Hám daxta kuungaá múk Israeli, anuú Aakoó MUNGÚ nun babaw, ‹Án bir iialooeemisa'aaká, kár ala gimsé', kumité' munguaá hatlá' sluufmisuuwo, ala tundun /uurutis umuueé' kudá' hhoohhoó' kuwa meera' /osliisliingo ar ilahhooa nee slaqsi'iihúng kudaá munguaá hatlá' kudá' ta haratlintaatia'.›

AMOS 4:10

«Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

AMOS 4:9

«Aníng kuungá' nuna slaáhh ar tlaanguú danuú koóm Asalmaahúng nee qamaá sabiíbuuwo niri tawó meetiye', Iingigi /aantsírhúng nee seituúnirhunge gari /ák, tam adoorihe kuungá' naa amor'eénií ki/i'iiká. Anuú AAKOÓ MUNGÚ tí ngina oó'.

YONA 2:8

Mukdá' munguaá hatlá' haratlintaatií', ta inkihhimuú konká diroge.

HABAKUKI 2:13

Ga/aawaagáy gaarí amór i dahh a amór AAKOÓ MUNGÚ Aleesleemusmo. Tí muu iwa daawimiti as gár asla i fak nee xoordu gadiyér tawo gaa fák.

Matayo 22:13

Waawutmo lawaaleerós gari báy, ‹Heewí daba' nee ya'aawo tseegaak, tsee/aá i kwahhtá awaak baraá giwti, dír tawa /aa/amin nee sihhina' kiwa qirirtlimisi.›

Matayo 8:12

Ala mukduú waawuti'iimarí kun kwaahh tsee/áy alé baraá giwti, an didá' tawa /aa/amin nee sihhina' kiwa qirirtlimiisi.»

Yohana 8:24

Gaarí an gár kuungá' án nusa báw, ‹Kuungá' a qatlá' baraá tlakweemaahúng. Asma kuungá' barnaxes aníng iga haratlinti'ii'iiká adór aníng tar kudá', daqaní kuungá' aqo qatlá' baraá tlakweemaahúng.› »

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Yakobo 3:6

Nee tsifraangw a adór asla. Inós a adór yaamaá naa hatsiye' tlakweemaawo. Inós i baraá slaqoorén i dirii', an kudá' slaqwa sleémeero ga tlakweemár a'áw, slafiingw sleémeero guri asltí oohiis, nee inósuú kilá' asltós amór i dahh a baraá asltá daqisleém.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.