ISAYA 50:10 - Biblía Axweesantá Hhohho' ar Mungú 2004

¹⁰ Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 50:10 Iomraidhean Croise

2 SAMUELI 22:29

AAKOÓ MUNGÚ, kuúng a tsaa'aste'eé', Munguúeé', kudá' giwtir'eé' ga hingemiís.

1 QOM'I 5:20

Inooín Mungú nguna harahhifiyé' nee alee/isaay ngway firiné' qoomár iwa slaqwiya'. Mungú firor'ín gay mu/aywaáts, inooín baali ngay slayé' dír múk Hajiri nee dír mukduú hatlae.

2 QOM'I 20:12

Aá Munguúrén, sakwasleema a tók, asma atén /uuru u koomanaaká oo nee xooroorí ur naa amoorén i haratleer tawa slaqwaan. Atén adór ta laqaan a xuanaaká, aqo har kuúng un harahhifaán.»

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

YOBU 13:15

Mungú bar aníng i gaasár wa slaa' i gaasi, Aníng harahhifo a koomaaká, tam adoorihe aníng ti aleekalaá/ dír geeraawose.

YOBU 29:3

Qoomaadá' tsaa'astós iwa gawaá sagw'eén wá gwa/amaamit. Aníng nari baraá giwtír wa hi'iimiít ar gwa/aateemaawós.

WARA'AMI 111:10

Ilaiwa/amér AAKOÓ MUNGÚ an iimu/úngw sagalooa. Múk adoorí ga /iimiís sager'ín i gwa/át. Xirfuuwós in kumamiit kureerisleém.

WARA'AMI 128:1

Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

WARA'AMI 145:21

Afkwe'eene xirfuú AAKOÓ MUNGÚ u alki/iít. Kudá' hiinslá' sleémeero umuuwós kudaádá' hhoohhoó' ngu diidi'iimisiye' ay kureeraá kureér.

WARA'AMI 23:4

Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

WARA'AMI 25:12

Heé AAKOÓ MUNGÚ gu ilaiwawaá/ a heemá? Mungú inós gu intsaahhatis loohír i tsawaari.

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

DAHARUSMO 12:13

Alhhe'eesoó /aymi'i sleémeero awa taa axasi, gár ni oo' a tí, Mungú ilaiwaa/eek, nee hara'ayaarós na ooheek, asma an gár afhhamít dír heewo.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 26:9

Baraá muunaáeene kuúng una islaasláw looa ngari fiíq, nee baraá qeerueene kuúng una tseewa leelehhtuú áw ar tsáp. Asma bál bar yaamu iga sakwasleemút, yaamuloouusér baraá yaamu hotaá ganaa'á' gi intsaatsáhh.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

ISAYA 53:11

Ala sagadiyusmooeé' mamaá slahh'amuú hhiintluuwós gi ar, iri hhe'ees. Ar fuqurángw sagadiyusmooeé' kudá' ganaá' múk yaariír kun gan'amú i harafaar, nee inós tlakweemaaín gin gagaar.

ISAYA 59:9

Laatí an gár sakwasleemár ganaa' direne kas saáw, nee an gár hotaá ganaa'á' direne is kahhiya' atén gwa/aateema ina daamaán, ala naxés gaa a giwti kilós, gwa/aateema ina haraxuaán, ala hamí an baraá giwtír wa hi'imitaán.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

ISAYA 9:2

Mukdá' baraá giwtír wa hi'imaamiít gwa/aateemaá yaariir kaa ár. Mukdá' baraá yaamaá ma/amír wa hoót, kwaa i gwa/aát nee gwa/aateema.

WA/AA/I 3:2

Mungú ina ar tláy iri kwaáhh baraá giwti dír gwa/aataaká.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

NAHUMU 1:7

AAKOÓ MUNGÚ ku hhoó', inós a koo/ír gawit deelór slahh'amuwo, inós mukdá' sleémeero gu i gogoów gu xún.

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

HAGAI 1:12

Serubabeli garmoó Shealtieli nee Yoshua garmoó Yehosadaki, kaahamusmoó úr oo Mungú, dinkwa nee mukdá' sleémeero naa baraá looháy wa waatl, afór AAKOÓ MUNGÚ Munguúín ngiri iialooeesiyé', nee axweesanayduú aarusmo Hagaiwo, ar adór AAKOÓ MUNGÚ, Munguúín ngura ya/aáw. Muu AAKOÓ MUNGÚ guri ilaiwawaá/.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Yohana 12:46

Aníng nina baraá yaamií hardáh, as niwa gwa/aateemaá yaamu tleehhiit, asma kudá' aníng iga haratlintii' miwa baraá giwtír wa hoót.

Yohana 8:12

Yesu inooín giri malé báy, «Aníng a gwa/aateemaá yaamu. Heé aníng iga eehaar, i baloó baraá giwtír wa hi'iimitiiká, ala inós gwa/aateemaá slafiingw gi kón.»

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

1 Petro 5:7

Daawitamerhúng sleémeero gawaawós ti qase', asma inós ti daawitimiis as kuungá'.

1 SAMUELI 30:6

Daudi i baraá gurhaamír bo/, as na/ii'ín kiwa ar tláy. Daudi kuna dae tsaát, asma muu i inós tlaqtuú wa slaa' ar tlaa/e. Ala Daudi /uuru guna sláy as AAKOÓ MUNGÚ, Munguúwós.