ISAYA 5:7 - Biblía Axweesantá Hhohho' ar Mungú 2004

⁷ Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

ISAYA 5:7 Iomraidhean Croise

IIMU/UUNGW 4:10

AAKOÓ MUNGÚ Kaini guri báy, «Gár taa tléhh a milá? Tseerér hhiyaawók i amor'eé' /aa/amiín baraá hhapér wa alé.

2 SAMUELI 7:10

Aníng dír muk'eé' iwa hooti an tsawaár, inooín ngiri didií dahaás, as tawa didá' wa hooti inooín kilooín, mikiwa daawitamiís male ale, as kahhó' múk tlákw oo /uureemooínár slaáqw, mingiwa male slahh'eemiís adoodár bál geeraá wa ale.

YOBU 34:28

Inooín /aa/aá narkutmo ngina kwatiitiyé', ngiri hardahasiyé' baraá iaá Mungú. Mungú /aa/aá mukwí taa slahh'eemiís giri axaás.

WARA'AMI 147:11

Ala AAKOÓ MUNGÚ múk i saqwalaala/i a kudaádá' inós gu ilaiwawaá/, kudaádá' sla'aarirós ar warqawaaká ngi harahhifá'.

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 80:15

Nee hatlituudá' taa hátl ar dakók oo doó /iyáy, nee yaeemidá' kuúng taa tsawát kawa amohhe'eemis as iwa gawduur.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

AXWEESANOÓ SAGALOOA 21:13

Heé iaawós gaa ditsií dahaas as /aa/aá narkutmo mingiwa axaás. Inósuú kilá' sleeme i baala wa /aa/, ala heé gu iiárií qaás i kaahh.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

DAA'AANGW 7:6

Ga/aaweek adór kiíng tir hhoohhoó', tam ilaá muu in hayoohiín. Sla'aarusó'o, /amaatliito'o ar sla'atamis.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 1:6

Iimír tsa/oó yaaér wa oohang ay gawaá saga, slafiingw i kaahh baraadae, ala aqo har inkahhi'iidá' tseeru'umiitá', kudá' taa tseegiiká, laqaá kaa malhhasiiká, laqaá kaa dí/tár slikiiká.

ISAYA 27:2

Baalaadae AAKOÓ MUNGÚ in ooi, «Daa'aangw oohaak as qaymor'eé' tidár sabiíbu sla'atamis.

ISAYA 3:14

AAKOÓ MUNGÚ i dah baraá sakwasleema, dinkwa nee bariise nee geeraharuusér mukós, «Kuungá' an kudá' qaymór sabiíbu aga /age', daqaari'iimár taa dír narkuutér wa hayohindé', aga batsé' baraá marayhúng.

ISAYA 3:15

Gár muk'eé' kus baramaanusa' a milá? Nee gár narkuute kas slahh'eemisa'? Anuú Aakoó MUNGÚ Aleesleemusmo, nu yaahamiís.»

ISAYA 3:17

Gawaá adoorihe anuú Aako /ameenár Siyoni an slaáhh ar sager'ín deei ngiwa uhiin, se'eemer'ín an deéqw, Anuú AAKOÓ MUNGÚ inooín ngiri /ankweetsiís.»

ISAYA 30:12

Gawaá adoorihe, Kudá' Hhoohhoó' oo Israeli i kaahi, «As kuungá' axweesante'eé' kawa sié', tari ak naagisé' sagaagawduuwo nee baramaaniro, muruuwí kuri harahhifé',

ISAYA 46:12

Kuungaáká sage gawden aníng iiárií qaasaré', kuungaásíng saaw dír ba/amaro aníng iiárií qaasaré'.

ISAYA 5:2

Gana doosla hhe'eés, tlaa/e sleémeero giri hingeés. Baraadae sabiíbuudá' taa tsawaár guri hamareés. /Aampár xuuma gari baraá tla/angwdií tleéhh, nee bohóngw sabiíbu kuwa tsoo/iti guri foól. Naagáy sabiíbu guna dán iwa laqwaali, ala sabiíbuudá', sabiíbuú sla/a guri laqwaál.

ISAYA 59:13

AAKOÓ MUNGÚ, atén aga dee/aanutaán nee ugwa satlaankaán, Munguúrén eeharto ugwa mawaán. Gár ta axweemamisaan a baramaani nee aahhi. Baraá muneerene lameemo in aldakutaán nee in kaahaán.

ISAYA 59:14

Sakwasleemár ganaa' kaa bihhií qaás, hotaá ganaa'á' direne na saweesiyé', looeema kaa yaamaá hara'adáh baraá lohdaá urene, doó kwasleemaro gana'amu pa/aangw gu slayká.

ISAYA 59:4

Heé muruú ganaá' gu iinuús i kaahh, heé kwasleemár tlehhiít ar inkihhimu i kaahh, axweesanoó tawo ngun harahhifiyá', kuungá' lameemo in axweemaamisá'. Kuungá' tlakweema in qoomaamesá', nee tlakweemaahúng i laqwaliná'.

ISAYA 62:5

Asma adoodá' masoomo dasír /amaatliito'o ngir duxaxiti, an adór mukók yaamuuwók ngir aali, adór hhawaata dasiidá' aa duúx ngir saqwalaala/i, an adór MUNGÚ kiíng ir saqwalaala/i.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 24:2

Lakwaantír geera /aantsír ló'wa hhohho' ga koón, inós an adór /aantsír bu'úngw geera. Ala lakwaantír tsár gár i koon a /aantsír aa hhiturut ar aa kufut, tidá' /aymaaro ya/aamaaká.

YEREMIA 50:46

Kududuhoó hayoohár Babuloni yaamu gi daaraxaas, nee /aa/eeín kiri axaas baraá tla/ángw xoordaá hatlae.»

ESEKIELI 22:29

Umuú dii baraá yaamuwo a /ayta ina háts nee muruú iimi hayohiingw. Múk narkuute nee oo litlakwén ngun /aytiná', nee dahaaye sleeme kan baramaanuús, tam hhaslór niiná i káhh.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

MIKA 6:12

Dirhunge daqaarér narkuutér al/agagiim i deer, kuungá' sleémeero a lamuuse, aferhunge a al/aymár katá'.

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

SEFANIA 3:17

Asma AAKOÓ MUNGÚ, Munguúhúng, i baraá tla/angwhúng i dirii'. Inós a migusmoohúng oo nu ba/amís. Inós kuungá' nu sa baraa/ ar qwal/uú úr. Baraá sla'aarirose inós kuungá' nun /abees. Afór daa'aangw gan tlees as nuwa sa qwalaala/i.

Matayo 23:23

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' ilahhooár manákw nee daantláy nee piripíri an hanmaamisá', ar wák baraá mibaango tawa ar Mungú, ala muruú urén oo hara'aya ugwa meeré', adór hotaá ganaa'á' nee gurtleemu nee haratlintaao. Gár kuungá' tunduwa hariím aqo muruuwí un tlehhá', ala muruuquú hatlá' sleeme mu mawaara'.

Luka 18:7

Xáy, Mungú mukós kudá' aa tsawaár gu ak alee/iísiíke, hariímar'ín ngiwa slay, kudá' inós nguy /aa/amiimá' tlaatla/aangw nee xweeraawo? Inós i hargawdúya ngiwa alee/iisi?

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

DABE 15:9

Ti ló'wa harmagahhe', inslawoó tlákw munduwa áy, tari oa', ‹Kurkú faanqw, kurkú iinuuse kawa gurtlawaan naa nakaá/.› Nee kuungá' hhaeehúng awa aleelemá' kiri siá' kirkitimisuwo, nee inooín niri dír AAKOÓ MUNGÚ i /aa/iyá' as kuungá', nee gaarí iri tlakweema tleehhít dirhunge.

Yakobo 5:4

Kuungá' mukdá' aa bu'un baraá qamuuhúng wa ale ugwa bui'iiká. /Aa/aá mukdá' aa bu'un naa hardihiyé' baraá iaá Aakoó Aleesleemusmo.