ISAYA 5:5 - Biblía Axweesantá Hhohho' ar Mungú 2004

⁵ «Hám daxta adór qaymoorí ngi laaq ngi oó'. Yawtós an feé/, kari hhitín, koo/irós an feé/, kari yaamií kal/án.

ISAYA 5:5 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

IIMU/UUNGW 11:7

Qwalaasé', a aweeraán yaamu, tsifrir'ín a qasmisaán, kahhó' heé axweesantá kuqá' ga tsaáhh i kaahh.»

NEHEMIA 2:3

Waawutmo nguri báw, «Waawutámo, sagók fur'a ngu laaleer, aníng mahár gurhamutaaká, bar gixsár /aantaá baabi'iieé' i dirii'iya' in iwiiwít ar deewa'ame, nee afeerós kaa hhaamiís ar asla?»

WARA'AMI 89:40

Koo/ír gixsarós aga fé/, koo/irós tidá' gawit aga tangu tléhh.

WARA'AMI 89:41

Muruuwós kun fisiisín nee múk didár waaraáhh, kun niqimis nee inslaawaywós.

AXWEESANOÓ SAGALOOA 24:31

Naxés «héh» laqaya' nga qaroó alti'iitiyé', te'eesamó gaa qaroó nigihhitís, nee yawtá qaymo aa tsatít sleeme.

DAHARUSMO 3:3

Qoomár tsu/uta nee qoomár hungu/uumis. Qoomár fe/it nee qoomár tlehhma.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 25:10

AAKOÓ MUNGÚ in kumiit gixsár Siyoni ngiwa xun, ala múk Moabu gun kala/án yaamií ale, adór tsaaroó taa kala/án baraá bohóngw tsuunkáy.

ISAYA 28:18

Daqaní alqadorhúng tidá' taa tlehhé' nee gwa'ara iri paysút, kangwdá' nee gi'i tiwa axweesani sleeré' i tleehharutiiká, qoomár amotlakwe burna i hardát, kuungá' sleémeero nun yaamií dahás.

ISAYA 28:3

Daara/uusér xufimamiit ar Efraimu ka yaamií nakaa/arúy.

ISAYA 32:10

Baraá guruú kurku wake kuungásingá' /ameenár aga taqna/uumite' a daaraxatá', asma sabiíbu u hamaresa'aaká, nee mamaá ta sleera' i kahhiyá'.

YEREMIA 18:11

Hám daxta múk Yuda nee múk Yerusalemu ku beer, «AAKOÓ MUNGÚ i kaahi, ‹Aníng a muruú tlákw qoomeemeés nee taa amohhe'eés daanduuhunge. Ki/aaré', umuú heewo loohirós tidá' tlaakw ngi may, nee tlehhmi'iihúng gan'asaak.›

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

YEREMIA 28:8

Aaruuseedá' dír aníng nee kuunge aa giiriin iimír aange, inooín tana aariirín tawa kaahi, ‹Slaqwara, nee giyeede nee tiqtír pu/ito ni ti'iitiyá' baraá yaamaá daanduú yaariire nee waawuti'iimár /uuruú kooma.›

YEREMIA 45:4

«Ala aníng AAKOÓ MUNGÚ ina báy, kuúng uwa ádbaw, ga/aaweek, tidá' aáng naa tleéhh aga feé/, nee tidá' na dahasiím aga tuú/, adoorí an tleéhh baraá yaamu sleémeero.

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

WA/AA/I 2:6

Do'ós guna feé/ adór inslángw baraá asalmo, didá' deelór ur kawa tlehhaahhiti gana taangúy. AAKOÓ MUNGÚ deelór ur nee deelór Sabaáto gaa qwaareés baraá Siyoniro, waawutmo nee kaahamusmoowo gaa sií' ar buhhtaawós.

WA/AA/I 4:12

Waawituú baraakaá yaamu gaa haratlinti'iiká, tam yaamuloouusér yaamu gaa haratlinti'ká, adór wakusmo dahma ngir aleesláy afkú gixsár Yerusalemuwo.

DANIELI 8:13

«Aluuwo malaykamoó wák una axaás iwa axweesi, malaykamoó hatlá' kudá' axweés guri yaahaás, ‹Xáy, muruuwí ta ooiin nee iigu'utuwí i kumaamitiya' ay xaylá? Xáy ilahhooár da/a ar umuú deelo tidá' taa hhitín waaqa'a'ati ay xaylá? Xáy, hhitiru'umarí ar umuú gaa kawa hhaamimiisi i kumaamit ay xaylá, nee didá' hhoohhoo' dinkwa nee múk Mungú kuwa yaamaá hara'adararahi ay xaylá?›

HOSEA 2:12

Aníng qamuuwós awa sabiíbu nee awa /aantsihe, in hhitiím kudá' inós iwa kat, ‹Qamuuká' an bu'utueé', kudá' mulqer'eé' naa hanís.› Aníng in gara tleéhh, makaá sla/a ngiri /ayiyá'.

HOSEA 2:14

Hamí daxta ga/aaweek, aníng a harhheehhe'eés ngiwa huuw baraá darma, ngiri i axweés ar fur'ár tsa'.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

Geehhoeemaá 11:2

Ala afeenidá' tsee/aá Doó Mungú i dirii' maweek, ma qoomeesaar. Asma afeenidá' kaa múk xoorduú i haniís. Nee inooín gixsár Mungú ka adarah ar ya'aaín slahheeri mibeeri tsiyáhh nee tsár.