ISAYA 5:30 - Biblía Axweesantá Hhohho' ar Mungú 2004

³⁰ Baalaadae nin /orootliyá' gawaá múk Israeli adór tlawtá aa lexwaandut. Heé yaamu gaa i qaytsiit, gár i ari a giwti nee slahh'amu, gwa/aateema kin tuuntuuk ar huunkáy.

ISAYA 5:30 Iomraidhean Croise

DAHARUSMO 12:2

Adoorí tleehheek qoomár tsee/amá ira giwiiká nee gwa/aateemawo nee slahhaango nee tsatse/uwo. Dír huunkoó tluwaay ira malé tleehharutiiká.

ISAYA 13:10

Asma tsatse/uú gawaá doori nee tsatse/uudá' ninakwe gwa/aateema gi máy, tsee/amá bir tsiirariihh in didií giiw, slahhaangw gwa/aateema gi máy.

ISAYA 13:4

Tseeór gawaá tlooma iiárií qaasaak, a adór afór boo/oó yaariír oo muu. Tseeór waawuti'iima iiárií qaasaak, nee ar xoordaá naa dinkwaárí buruumburiitiye', AAKOÓ MUNGÚ Aleesleemusmo i slaqwaruuseerós tsee/aarín as iwa slaqwarár eer.

ISAYA 17:12

Kwaaraa/ír múk yaariír iiárií qaasaak, kwaaraa/ir'ín a adór gwaanduú tlawi. Kwaaraa/ír xoordu iiárií qaasaak, inooín in kwaaraa/iyá' adór hhaahhoó ma'aá yaariir.

ISAYA 30:6

Kaangwí an iigu'utuú Mungú aa laqán daanduú makaydaá baraá xaanxoó bihhaá basa, «Ya/abuuse i waaráhh ar baraá tla/ángw yaamaá slahh'amuú koomá', yaamaá direeraá /ameena nee awa yaqambeero ngi koomá', nee daysheero nee dayshér ti gileehha. Inooín daqaari'iimar'ín nga tsa/aasiyé' gawaá daanduú daqwayer'ín, nee gawaá daanduú angamíar'ín, as tawa daqay amór múk gi gaa wa buaaká.

ISAYA 59:9

Laatí an gár sakwasleemár ganaa' direne kas saáw, nee an gár hotaá ganaa'á' direne is kahhiya' atén gwa/aateema ina daamaán, ala naxés gaa a giwti kilós, gwa/aateema ina haraxuaán, ala hamí an baraá giwtír wa hi'imitaán.

ISAYA 8:22

ga/aawaak, tam yaamu kiri xuuxuu', ala gár ta ari aqo slahh'amu, nee giwti nee ma/amír aa qipit, inooín kiri tliwii/ baraá ma/amír hhamhhám.

YEREMIA 13:16

AAKOÓ MUNGÚ, Munguúhúng, diidi'iimisaak dír giwti ngira huwiiká nee dír tundura dukuutsiiká baraá tlom'aá giwa'a. Kuungá' gwa/aateema bira haraaxué', inós gin warqees tawa ma/mír aa qipit.

YEREMIA 30:5

AAKOÓ MUNGÚ i kaahi, «Afór dae tlaaq aga axaasaán, /aa/aá dae awa wayda wasl.

YEREMIA 50:42

Ga/alduuín nee lawluwo nga taataahhiyé', a múk xaraásl, oo gurtleemuú koomaaká. Kududuhay'ín a adór gwaanduú tlawi, inooín ta gawaá daandeemaá faras. Farsuuín ngwa ii tsa/ané', tindin haratláy amór kuungaá Babuloni.

YEREMIA 6:23

Inooín ga/aldu nee lawlu nga baraá dabaaín i oohiyé', múk xaraásl i gurtleemú konká, i kududuhiyá' adór hhaahhoó' ma'aay. Naa tsa/ané' gawaá daandeemaá faras, taa amohhe'eesiyé' slaqwaraaro daanduú Siyoniro.»

WA/AA/I 3:2

Mungú ina ar tláy iri kwaáhh baraá giwti dír gwa/aataaká.

ESEKIELI 26:3

Gawaá adoorihe, anuú Aakoó MUNGÚ a kah, Aníng daxta nee kiíng Tiro ti araán. Xoordaá yaariir ngi tleés, inooín kiíng in i haratlayá' adór gwaanduú ma'aay.

Yoeli 2:10

Yaamu in daraaxiyá' geeraine, doori in daraaxiyá', looa nee slahhaangw giwti giri ót, tsatse/ gwa/aateema gin máy.

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

AMOS 8:9

Aakoó MUNGÚ i kaahi, «Baala ni xeér ar aníng tsee/amá nguwa looár lahhoó' ii dahaas, yaamu giwti giri tuuntúk tlaatla/ángw ale.

Matayo 24:29

«Slahh'ámuú deeloodá' bira waaraáhh, qoomaadár kilae, Tsee/amá iri giiw, nee slahhaangw iri gwa/aatiiká, tsatse/uú gawaá doori iri paahh, nee /uuruudá' doori gi koóm kuri dingiis.

Geehhoeemaá 6:12

Nee Deelmoó bee/i dugnooduú lahhoó' nguwa gweér, kunseelír ur niri hardát, looa iri boo/eér adór guniár taa tleéhh ar se'eengw, slahhaangw sleémeero iri tseere tleehhiít.