ISAYA 5:29 - Biblía Axweesantá Hhohho' ar Mungú 2004

²⁹ Slaqwaruuser'ín in /orótl adór diraangw, nin /orootliyá' adór na/aá diraangw, kudá' /orootlá' nee sluqor'ín ngi oohá' ngiri huwiyé' amór saaw dír heé ga tuú/ iwa kahhi.

ISAYA 5:29 Iomraidhean Croise

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

WARA'AMI 50:22

«Tí alhooreesaak, kuungaásingá aníng i gunqaaremisá', án kuungá' munduwa karslamiís, tam heé nu tuú/ iri qwaar.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 31:4

Asma AAKOÓ MUNGÚ aníng ina báy, «Adoodá' diraangw laqaá na/oó diraangw ir dír sluqoorós wá /ortlaatliti, tam qoomár boohhár de'eemuuse barka ateét as nguwa tlatlahhasiya', inós i hhasliitiiká tseeór mukdae, tam afor'ín sleeme gu dae tlaqká, Adoorí an adór AAKOÓ MUNGÚ Aleesleemusmo nir hardihi. As iwa slaqwí as tloomár Siyoni nee gongooamawós.

ISAYA 35:9

Baraadae diraangw i kaahh, tam makiito'ór xaraasl i baraadár waarahhká, makaá adoorí baraadae ki baloó ariiká, ala loohidá' múk gar ohiím a har mukdá' taa ba/amís kilooín.

ISAYA 42:22

Ala mukwí an múk taa fisiisín, nee taa mura' hayóh. Sleémeero kaa ohín nee baa'a, sleémeero kaa luú/ baraá doó tseegma. Inooín a adór makaá ta slakaati, kudá' handá' heé gi /iís i kaahh. Inooín aa haasaáng kudá' handá' heé oó', «Ki/isak.» i kaahh.

ISAYA 47:15

Mukdá' taa harahhíf ador'ín a tí, kudá' taa sagedawiimít, kudá' nee kiíng aga alhi'iimite' iimír masoombi'iimaroge. Inooín tambeera gin áy, umuú heewo iri amoorós xuu', tam oo kiíng i ba/amís i kaahh.»

YEREMIA 2:15

Inós kuna i /oroótl nee direeri, inooín naa /orootliyé' ar afór uren. Yaamuuwós nga deeli tleehhiyé', nee gixsaduuwós nga sluhhay tleehhiyé', múk baraadá' wa hoót i kaahh.

YEREMIA 4:7

Adór dirángw naa baraá nahhaatarós wa ti'iit. Kudá' xoordu gi hhaamiís taa amohhe'eés. Inós naa dír kitaangós wa tláy as yaamuuwók ngiwa hhitin. Gixsaduuwók ngiwa taanguy nee heé baraadá' hoót iri qwaar.

YEREMIA 49:19

Ga/aawaak, adoodá' diraangw nir baraá darmuú Yordanír wa /akuuti ay baraá tla/ángw daqtá bee/aangw, an adoodá' aníng múk Edomu ngur guus baraá yaamuuín wa alé. Aníng geeraharusmooeé' oo aníng i iialooeemiís un tsawaár, nee nguri qaás. Asma heé adór aníng a heemá? Heé aníng i sakwasleemuút a heemá? De'eemusmoó aníng i tlaampa'aás a gaalá?

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 51:38

Inooín ni /orootliyá' dinkwár wa ale adór direeri. Tari /oorootl adór na/aá diraangw.

HOSEA 11:10

Inooín anuú AAKOÓ MUNGÚ i eehariyá', anuúdá' /oroótl adór diraangw, an i /oroótl, na/ii niri /uwá wa hardihiyá' ar daaraxaay.

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

NAHUMU 2:11

Gár múk gixsarí gu slaw a milá? Inooín ki saxamaár baraadae, ta direeraá /uureemaá kooma'a awa baraá mar'i. Kudá' hee i baloó qitliiká gwarangwarto.

SEFANIA 3:3

Geeraharuuseerós baraawose a adór direeraá aahhamiimá', mukdá' kwasleemadaá tlaáq a adór taweruú tsiindo, gár i meetimisiyá' i káhh tam ar niiná.

SEKARIA 11:3

Tsuunqusmoó de'eemuuse iiárií qaasaak, asma xirfuuín kwa hhitín, afór /orootlór diraangw iiárií qaasaak, darmuú yaaér Yordani kwaa hhitín.

FAARO 24:9

Ina xupuú' iri yaamií qaát adór diraangw, a adór dirángw /ameeni, heé gu qiítl gwarangwarto? Umuúqo heé kuungá' naa tsuuq ku tsuuqi, umuúqo heé kuungá' naa lu'us ku lu'usi.»