ISAYA 5:26 - Biblía Axweesantá Hhohho' ar Mungú 2004

²⁶ Inós xoorór saaw gan ateet, inós gi ateet ar fuutlo iimír alhhe'eesoó yaamií ale, ala ga/aaweek, nin ti'iíngwár hardihiyá'.

ISAYA 5:26 Iomraidhean Croise

WARA'AMI 60:4

Laya aga qás as kudá' kuúng u ilaiwawa/á', as tawa amoodí gowi tsaxwá maheeraá wakuuseero.

WARA'AMI 72:8

Inós aleesleemu ngu kon bihhér yaamu sleémeero, iimír yaaeedá' ur ar ta babay Eufrate ay alhhe'eesoó yaamu.

ISAYA 10:3

Hám adór ta laqa' deelór muxtaaro, deelór bambaaór ur burna amór saáwá i hardát? Heé ti ta'aiinda' a heemá oo nu /iís? Dír daqaari'iimarhúng ki qasa' a diimá?

ISAYA 11:12

Inós bendeéra gan gáwtí tlees tawa laya dír xoorduuwo, múk Israeli kudá' taa tlatlahhaás gu burumbuur, múk Yuda oo taa diyayaá/ gu haraki/is, badu tsiyahhaawo awa yaamu.

ISAYA 13:2

«Layarhúng tidár bendeéra laqaamaak, gawaá tloomár kwaankwarír wá ale, slaqwaruuse ateetaak ar afór ur, Ateetaak ar daba' as kahhó' niwa dahiiya' baraá gixsár múk urén!

ISAYA 13:3

Aníng muk'eé' kudá' naa tsawaár ugwa ádbáw nee muk'eé' kuduú miguuse ugwa ateét, kudá' aníng i xirfayeesá' nee baraa/á', as kahhó' buhhtaaeé' ngiwa boo/eesiya'.

ISAYA 13:4

Tseeór gawaá tlooma iiárií qaasaak, a adór afór boo/oó yaariír oo muu. Tseeór waawuti'iima iiárií qaasaak, nee ar xoordaá naa dinkwaárí buruumburiitiye', AAKOÓ MUNGÚ Aleesleemusmo i slaqwaruuseerós tsee/aarín as iwa slaqwarár eer.

ISAYA 13:5

Amór ni dahhiya' ka ló'wa saaw, iimír ku/uyaá doori ngin dahhiyá', AAKOÓ MUNGÚ ni hardah nee xooslaá xarasleemaawós, as yaamu sleémeero ngiwa qwaareesi.

ISAYA 18:3

Kuungaásaá yaamuloouusér baraá yaamu sleémeero, iia qaasaak, kuungaásingá' baraá yaamú wa hootá', qoomár bendeéra bar ka gawaá tlom'í wa tleés ta qaytsitá', qoomár tarumbeéta barka ufaáhh iia ka qasá'.

ISAYA 30:16

Kitangose kuungá' tari oé', «Aasla'áy! Atén an /akumitaán ar farasuú ti'ii'íngw baál.» Kuungá' aqo ta'aaiindá', tari malé oé', «Atén makaá ti'íingw baalá' tinar tiaainá'.» Gawaá adoorihe mukdá' kuungá' nu gusisiím, ti'iingo kuungá' nu baa/.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 39:3

Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.» Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»

ISAYA 7:18

Qoomaarihe AAKOÓ MUNGÚ muu gun ateet ar fitseeliingw baraá yaamaá Misrírí ale, nee iimír yaaér Nili wa ale, nin hardihiyá' adór ba'ár. Nee múk Ashuru nin hardah adór ba'ari iimír ayaaín wa ale.

YEREMIA 4:13

Ga/aawaak, wakusmo ni hi'iit adór huunki. Gaarduuwós awa slaqwara a adór bambaao, nee farasuuwós i gaanslár ti'ii'ín gwares ba/a. Tsaxwaarén asma aga hhaamaán.

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

YEREMIA 51:27

Bendeérár slaqwara gáwtií tleesaak daanduú yaamuwo, tarumbeéta ufaahhaak baraá tla/ángw xoorduwo, xoorodu ti amohhe'eesiye' slaqwaraaro. Waawuti'iima ateetaak tawa haraatlay, waawuti'iimár Ararati, nee Mini nee Ashkenasi, geeraharuusér slaqwara qaasaak, farsuú yaariír adór ingigi huwaare'.

WA/AA/I 4:19

Múk taa eehar ku ló'wa insláhh ta gwersuuwo, atén tina guús ay gawaá tlom'i, tay gigidiné' baraá darmuú wa alé.

ESEKIELI 38:17

Anuú Aakoó MUNGÚ a kah, ‹Kuúng an kudá' aáng kaangós naa geerií qaroó oó' ar loohír sagadiyuuser'eé', aaruusér múk Israeli, tidá' qoomaadae aa aaririin adór aluuwo ur hara'awmis nee múk Israeli tawa slaqwa'.› »

Yoeli 2:7

Nin adór miguusér wá haratlatlayá', koo/i ngin i tsa/aa/aná' adór múk slaqwara. Geera ngini kumiitiyé' umuúqo ingigimoowo loohirós, tam hhay'ín ngwa qwaareesi'iiká.

HABAKUKI 1:8

«Farsuín ku isláhh ta dueemiwo, i xaraasliyá' ta tawerú qwariita, nee slaqwaruusér faras gwa i tsa/aan amór i dahhiya' ka saaw, ki islahh adór gwareesír aa gaanslár tleer amór gár /ayma.

SEKARIA 10:8

Aníng muk'eé' un ateét nguri dinkwaárií burumbuúr, asma iga tuú/, inooín niri adoodár aángár tlahhiyá'.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.