ISAYA 5:25 - Biblía Axweesantá Hhohho' ar Mungú 2004

²⁵ Gawaá adoorihe, AAKOÓ MUNGÚ mukós gwaa i daa/atúy buhhtaawo. Inós gaa dákwí tleés as ngiwa muxi, tam tlom'i niri daaraaxiyé', tu'uuín baraá loohdaá tla/ángw gixsaro a adór xwaansláy. Tam adoorihe muneerós gaa gu/iiká, in kumiit muxtaaro.

ISAYA 5:25 Iomraidhean Croise

1 WAAWITÁ 14:11

Heé doó Yeroboamu oo qo gwaa'a baraá gixsárí ale, seeaawe gu /ák, nee heéqo baraá tsee/aá /awaákí gwaa'a tsir/o gu /ák. Anuú AAKOÓ MUNGÚ tí aga oó'.› »

1 WAAWITÁ 16:4

Dír do'oge heéqo gwaa'a baraá gixsa ku /aay nee seeaawe nee oo qo gwaa'a baraá qaymo ku /aay nee tsir/o.»

1 WAAWITÁ 21:24

Eeít, heé do'oge gwaá' baraá gixsarí ale, seeaawe gu /ák, nee heé gwaá' baraá yaamaá xatsa, tsir/ór gawaá doori gu /ák.› »

2 WAAWITÁ 13:3

AAKOÓ MUNGÚ iri ló'wa buúhh, múk Israeli guri ya/án kuwa baliiti baraá slaqwaraaro nee múk waawutmo Hasaeli oo Aramu nee garmaawós Ben-hadadi.

2 WAAWITÁ 9:37

Tuuár Yesebeli a adór /o/ór baraá qaymo, baraá yaamaá Yesre'eliro, asma heé oó', gaarí a tuuár Yesebeli, i kaahh.› »

2 QOM'I 36:16

Ala inooín tana kumiít ya/abuuseedá' Mungú aa ya/abiít ngiwa niqina', nee axweesantós ngiwa siaasi'iya', nee aaruuseerós ngiwa waaqaseesena'. AAKOÓ MUNGÚ mukós guri ló'wa i buúhh, tam adór ni kotsqotiya' iri qwát.

YOBU 9:13

Mungú bira buúhh ti il/aa/anká, makiito'oodár baraá ma'aay ta bay Rahabu nee alee/isuuseerose aqo nin dír geeraawósí xupuuiyá'.

WARA'AMI 106:40

AAKOÓ MUNGÚ iri qa/iít buhhtaawo gawaá mukós, kuri ló'wa mune duúx nee mukduú aalirós.

WARA'AMI 114:7

Kuungá' yaámu, daaraxaté', dír geeraá AAKOÓ MUNGÚ, eeít, dír geeraá Munguú Yakobo,

WARA'AMI 18:7

AAKOÓ MUNGÚ iwa buúhh, yaamu nina dingitiyé' nari daraaxatiyé'. Iihhafiirír tlom'i iri dingít.

WARA'AMI 68:8

yaamu nina daaraxaatiyé', tluwaay iri tlúw gawaá doorií wa ale, as hardahamuú Mungú kuduú tloomár Sinai.

WARA'AMI 77:18

Kwarara/a i harweeririín, mankari yaamu gay tsaa'ás, yaamu nay daaraxaatiyé' nari diingitiyé'.

WARA'AMI 78:38

Tam adoorihe inós tawa kuduú gurtleemuú koóm, tlakweemaaín gina gurtláy nee inooín gaa hhaamisiiká. Ki/imaá yaariire mune gana gu/ún buhhtaawós gina ila/án.

WARA'AMI 83:10

Kudá' naa hhané' baraá Endórír wa ale, nee tu'uuín nay naasuutiyé' yaamií alé.

TI'INAANGW 7:19

AAKOÓ MUNGÚ Mose guri báy, «Aroni ku beer, ‹Hhartók taatahheek, gáwtí tleeseek gawaá ma'aá yaamaá Misri, gawaá ya'aá Misri nee mapeero, nee tlahheeso, nee tlahheesooín sleémeero awa taa tlehhiiti, sleémeero niri tseerdu tleehhitiyá' baraá yaamaá Misri sleémeero, tam kudaá baraá xooslaá xaai nee awa tlaa/eewo.› »

ISAYA 10:4

Gár ti meta' aqo an kulala'amitá' tla/ángw múk taa tseegi, laqaá an pahhá' baraá tla/ángw múk ta baraá slaqwarár wa tsu/i. Tam adoorihe, AAKOÓ MUNGÚ muneerós gaa gu/iiká, tam hamí dakós i loloqoosárí kaahh.

ISAYA 10:6

Una ya/aáw xoorór tlaakw ngiwa muxi, una ádbáw mukdá' naa i buúhh nguwa muxi nee ngiwa haasaáng wa ar tlay, ngiwa yaamií kalaa/i adór hhapér baraá loohi.»

ISAYA 14:19

Ala kuúng tun amór saáwí kwaahh, dír /aantaarók tidár baraá tlaa/aro, adór na/oó taa guruú wa kwaáhh oo ta slaiiká, tuuaarók kan uuntsuus ar tuaá múk ta tsu/aa/iín ar paangadu, kudá' ta /aytisi baraá bohóngw tlaa/e, tuuaarók tari slaqás nee tuuár taa kal/aa/án ar ya'a'.

ISAYA 23:11

Asma inós dakós gwaa tleés gawaá daanduú tlawi, waawuti'iima gari diingiís. AAKOÓ MUNGÚ hara'aya gaa oó' ar koo/ír gawit ar Kana'ani kawa hhaamisi.

ISAYA 25:11

Inooín daber'ín ngiri tleesiyá' adór múk baraá ma'áy wa qumburu/umiít, ala dinkwa nee xu'utir'ine AAKOÓ MUNGÚ daara/angw'ín kudá' gun suwatsaat.

ISAYA 29:2

Tam adoorihe, aníng Yerusalemu a slahh'eemiís, tari /aa/amín nee tari tsuunqumiis, gixsarí iri kitángw ilahhooa tleehhít.

ISAYA 42:25

Gawaá adoorihe inós gin i daa/atúy buhhtaawo, tiri doogiyá' nee slaqwara. Buhhtaawós inooín ngin al'oohiyá', ala inooín kaa gaárí xuiiká. Kaa mak daá/, ala inooín gar naa tsaahhiyé' i káhh.

ISAYA 51:20

Daaqaywók aa /araarán, naa baraá afaá luhdií huhuaainé' adór saaragtá taa óh nee tsaaxweeli. Buhhtaá AAKOÓ MUNGÚ ngaa slayé', gahhaatár Munguúhúng.

ISAYA 64:3

Qoomaadá' kuúng muruú waa/oo/amo kudá' taa harahhifaniiká kuwa tléhh, niwa yaamií awét tlom'i niri daaraxatiyé' kuúng uwa ariyé'.

ISAYA 66:15

Ga/aawaak AAKOÓ MUNGÚ ni hardah ar asla. Nee gaarduuwós an adór bambaaór fukukuu'. As kahhó' iwa buhhi ar xarasleema, nee gahhaatarós gan boo/ees ar tsángw asla.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

ISAYA 9:11

AAKOÓ MUNGÚ múk gi tlampa'amiís ngu huuw, nee gin wakuuser'ín i /agis.

ISAYA 9:16

Mukdá' mukwí gwa intsaahhatimis, nguna hhitiné', tam kudá' taa geeraharahaár nee inooín sleeme tari qwaár.

ISAYA 9:17

Gawaá adoorihe, Aako masoombar'ín ga gurtlayká, sleeme i gurtleemuú konká dír panaay nee kwaeeliiwo. Asma heé Munguú ilaiwawaá/ i kaahh, umuú heewo a lamusmo. Tam adoorihe muneerós gaa gu/iiká, tam hamí dakós i loloqoosárí kaahh.

ISAYA 9:20

Bihhaá wák kin hayoohín, sleeme ta bu'umitiiká, bihhi kaariya' kin /aay sleeme ta axinká. Umuú heewo in hhiyaawós baramaanuus.

ISAYA 9:21

Manase i Efraimu i slaaqw, Efraimu i Manase i slaaqw. Inooín tsaraawo ta Yuda i slaaqw. Tam adoorihe AAKOÓ MUNGÚ muneerós gaa gu/iiká. Tam hamí dakós i loloqoosárí kaahh.

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 16:4

‹Mukwí i qaatl ar tiqtír pu/i nee heé tsuunqumiís i kaahh, laqaá heé gi foliít i kaahh. Tu'uuín nin tlufaafuiyá' adór tsuunkáy daanduú yaamuwo. Mukwí ku hhaamiis ar paánga nee qwari, nee tu'uuín a muruú /aymár tsir/o nee makaá sla/a.› »

YEREMIA 17:4

Yaamuuká' aníng naa kuungá' i haniís aqo in geexeerá', nee aníng kuungá' nun gawaá dabaá wakuuserhúng i haniís, as kiwa sagadiyuusa' baraá yaamaá kuungá' ta baloó xua'aaká, asma aníng an daa/atúw buhhtaawo adór asltá baloó gwa'aaká.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 4:8

Gawaá adoorihe tlabaá guniyadu tsiitaak, tsuunqumisé' nee /aa/amimé' tawa kata', ‹Buhhtaá AAKOÓ MUNGÚ kudá' xaraaslá' daanduurene naa faaki'iiká.› »

YEREMIA 6:12

Maray'ín ki múk hatlá' i haniis, tam qamuuín nee tlaaway'ine. Asma aníng múk yaamuuká' u slaáhh. Anuú AAKOÓ MUNGÚ tí ngina oó'.

YEREMIA 8:2

Fadu kiri intlah dír tsee/amá nee slahhaangw nee tsatse/uú gawaá doori, dír muruudá' aáng inooín naa slaiyé' nee naa sagadiyusiyé', nee kudá' naa eehariyé' nee ngina hara'ayaárí lehhiitiyé', nee ngiri sluufmisiyé'. Faduuká' ki burumburiiká laqaá ki fooliiká', aqo nin meetiyá' gawaá daanduú yaamu adór tsuunkáy.

YEREMIA 9:22

AAKOÓ MUNGÚ ina báy, «Tí ooeek, ‹Tuaá muu naa qaqatiné' umuú diiro, naa tlufaafuiyé' baraá qamuwo adór tsuunkáy. Tu'u a adór hhaanslaá taa fiíq, heé gi burumbuúr i kaahh tumu wák.› »

WA/AA/I 5:22

Laqaá kuúng atén taa ló'wa sí'i? Kuúng atén tina ló'wa i búhhi?

ESEKIELI 15:6

«Anuú Aakoó MUNGÚ a kah, ‹Adoodá' xa'anoó sabiíbu ngura duúx baraá tla/ángw xaa'aá sla/ato, nguri hhaamiís ar asla, adoorí an adoodáa' yaamuloouusér Yerusalemu ngir duux.

ESEKIELI 30:25

Dabaá waawutmoó Babuloni in /uurií qaás, ala dabaá waawutmo Farao nin huuiyá'. Daqaní kuungá' a tsahhá' adór aníng tar AAKOÓ MUNGÚ, qoomár án paángar'eé' bar aga qaás gawaá dabaá waawutmoó Babuloni, dakós guri tlees gawaá yaamaá Misri.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

DANIELI 9:16

Aá Aáko, adoodá' tlehhmi'iiwók awa ganaa'á' i diri'iia atén miti i buhhaar, laqaá gixsarók ar Yerusalemu ma i buhhaar, tam tloomarók tidá' hhoohhoo'. Asma muu sleémeero kuduú inslaawaay gixsarók ar Yerusalemu nee mukoge kin waqaqaa' as tlakweemaadá' atén nee baabi'iirén naa tleehhaán.

HOSEA 14:4

AAKOÓ MUNGÚ i kaahi, «Iia wasler'ín an hingeés, aníng ngiri kil'eé' slaá', slám i malé i buhhaaká.

AMOS 8:8

Gawaá adoorihe yaamu niri daaraxatiyá', nee kudá' baraadá' hootá' niri tsuunqumisiyá'. Nin tsa/aná' nay aweeriyá' adór ma'aá yaaér Nili ir hatsina' niri /aaruyá'.»

MIKA 1:4

Tlom'i gay ya'ár weeqatis adór boohhayángw bihhaá ásltí dirií'. Xatso nay feehhamiitiyá' adór ma'aá hhaahháy.

NAHUMU 1:5

Tlom'i nin daaraxaatiyá' dír geeraawose, tam gongoama' niri weeqiyá'. Yaamu kin daaraxaas dír geeraawós wa alé, yaamu dinkwa nee muruudá' sleémeero oo baraá yaamaá hoota.

HABAKUKI 3:10

Tlom'i uwa ariyé' nina daaraxaatiyé'. Alwuór ma'aay iri waaráhh, iloo niri xuuruuiyé', /ur/urti'ín iri gáwtí tsifaaqamít.

SEFANIA 1:17

Aníng muu ngun slahh'amaayér i huúw, bar ta hi'iimiit tay adór taampu, asma AAKOÓ MUNGÚ ngwa tlakweemaá i tleehhiyé', tseerduín kin adór teerír wá ku'uus, nee fu'unay'ín nay adór /o/odu tleehhitiyá'.

DABE 31:17

Baalaadae aníng inooín ngiri i daa/atúw buhhtaawo, aníng ngiri geexáw, ngiri alaá xu'ús, inooín kiri hhaamiis. Slahh'amaayér yaariir giri sleér, nee ngiri tsaahhiyá' adór gár slahh'amuudá' ngusa slayé' a as Munguúín tawa dinkwaarooká nee inooín.

DABE 31:18

Baldae looeemaawo aníng inooín in alaá xu'us asma tlakweemaaká yaariir naa tleehhiyé', nee munguaá hatlá' ngiwa i warqayé'.

1 Tesalonike 2:16

Asma inooín atén tin ila/aná' as Ya/abtór hho' mawa alki/iitaán dír múk xoorduwo, as matawa ba/án. Gawaá adoorihe inooín harqoomayduú tlakweemaaín kun hatsmiis. Ala hám daxta sakwasleemár Mungú gaa i hardát.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.