ISAYA 5:2 - Biblía Axweesantá Hhohho' ar Mungú 2004

² Gana doosla hhe'eés, tlaa/e sleémeero giri hingeés. Baraadae sabiíbuudá' taa tsawaár guri hamareés. /Aampár xuuma gari baraá tla/angwdií tleéhh, nee bohóngw sabiíbu kuwa tsoo/iti guri foól. Naagáy sabiíbu guna dán iwa laqwaali, ala sabiíbuudá', sabiíbuú sla/a guri laqwaál.

ISAYA 5:2 Iomraidhean Croise

2 SAMUELI 7:10

Aníng dír muk'eé' iwa hooti an tsawaár, inooín ngiri didií dahaás, as tawa didá' wa hooti inooín kilooín, mikiwa daawitamiís male ale, as kahhó' múk tlákw oo /uureemooínár slaáqw, mingiwa male slahh'eemiís adoodár bál geeraá wa ale.

NEHEMIA 13:15

Deeloodár kilae múk Yuda una ár i sabiíbuú tsoo/itiyá' deelór Sabaátoro, bahh'alé daqwaayer'ín ngaa huwaárí tsa/aasiyé' ar difaáiro, nee sabiíbuuwo, nee /aantsihe, nee umuúqo gaaro ki huuw gixsár Yerusalemu. Ngiri gurbuú' adór deelór Sabaátoro weermis ir qonká.

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

WARA'AMI 80:9

Sla/a ana fíts, inós dee/áruuwós guna sihha hhe'eés yaamu giri hatsiís.

TI'INAANGW 33:16

Asma adór ir xu'utit adór aníng kuúng ira gurií bá/ barnaxés kuúng a dinkwa nee ateneeká? Kuúng bar dinkwa nee atén daqaní atén a múk dimbé baraá tla/ángw muu sleémeero oo daanduú yaamuwo.»

ISAYA 1:8

Gixsár Siyoni kaa kilós geexáy, adór islángw baraá qaymór sabiíbu, adór hháw qaymór taangí, nee adór gixsár taa harweér nee slaqwaruuse.

ISAYA 5:7

Asma qaymór sabiíbu ar AAKOÓ MUNGÚ Aleesleemusmo, an xoorór Israeli. Sabiíbuudá' hhohhó' naa dahaás, an múk Yuda. Inós geera gana mak haraxuú' sakwasleemár ganaa' ngiwa tleehhiya', ala naxés nina tsu/uutiyé'. Geera gár aa haraxuú' a hotaá ganaa'á', ala naxés gaa an /aa/e.

YEREMIA 11:17

«Anuú AAKOÓ MUNGÚ Aleesleemusmo, kudá' kuugá' naa qaas baraá yaamuuká', amotlakwe ngi gawaahúng i huúw, kuungá' múk Israeli, nee oo Yuda asma tlakweemaadá' taa tlehhé'. Aníng iga buhhtisiyé' as mooyángw tsuú' nguwa da/iyé' dír munguúdá' ta bay Ba'ali.»

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

MIKA 4:8

Kiíng, tloomár múk Siyoni, baraawoge Aakoó Mungú i mukós de'én, adór de'eemusmoó gawaá /aampár wa xumiís amór bee/aangós i alé. Kiísíng gixsár Yerusalemu a malé gixsár ur tleehhít ar waawuti'iim malé alé adoodár aáng tara waawuti'iín.

FAARO 23:9

Asma aníng inooín ina iimír gawaá sagér tla/ú wa ár, inooín ina gawaá sagér gongoamaá wa ár. Xoorór kilós hoot, xoorór ti harafaditaaká tawa alqon nee xoordaá hatlá'.

Matayo 21:19

/Aantsírka wák ar afaá loohírí dirii' gari artá áy. Ala naxés i mamaá koondaaká, aqo har loo/o kilós. /Aantsídá' gari báy, «Iimír laarí mamu mikiwa baloó sláy gawaawoge.» /Aantsídá' iri kát siiwadár kilae.

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Matayo 21:34

Qoomár bu'uungw iwa naká/, sagadiyuuseerós gari ya/aáw amór doosluuseedá', as bu'uungós kuwa leehhi.

Marko 11:13

/Aantsír loo/ór koom gari amorqií ár, iri amoodá' káy asma ngiwa ari wane i mamaá koón. Iwa didií hardáh, naxés gár aa ár i káhh, aqo har loo/o kilós. Asma qoomár hamnoó /aantsí aa xeeriiká.

Marko 12:1

Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Marko 12:2

Qoomár bu'uungw iwa xeér, lawaalmoowós guri ya/aáw amór mukdá' aa qaymór i saayín, asma hariímár heedaádá' qaymo loó' kawa haniisi.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

DABE 32:6

Aá daktána nee múk sage waslén, AAKOÓ MUNGÚ musa adoosír bué'? Inós a baabuúhungeekáhe, kudá' kuungá' naa tleehh, tleehharusmoohúng kudá' kuungá' naa gawdeesikáhe?

HAR'OHUUSE 16:4

Alaá tihe Samson /ameenír hatlá' gari slaá' ar baraá Soreki, /ameenidá' ka bay Delila.