ISAYA 5:17 - Biblía Axweesantá Hhohho' ar Mungú 2004

¹⁷ Deeloó bee/aangw nee oo aara nee tse/eeto, qawo ngin slayá' dír taangwaá gixsar'ín wa alé, kwaáo an dír qawtantaín.

ISAYA 5:17 Iomraidhean Croise

NEHEMIA 9:37

Daqaari'iimár yaamuuká' kaa ar tláy nee waawitaádá' kuúng naa qás atén tiwa sawaawuti'ii'ina'. Inooín slaqoorén ngin baliitiyá' nee hikwaarene, atén a baraá slahh'amaayér ur.»

WARA'AMI 119:70

Daktu'uuma nga gur'ér wa dal/ané', ala aníng dabeerók an saqwalalaá/.

WARA'AMI 17:10

I gurtleemuú kon'aaká, ki mune gawden. Baraá afer'ine gár haats a /ayma'aá daara/aangw.

WARA'AMI 17:14

AAKOÓ MUNGÚ, ar /uuruuwoge án ba/amisáng dír muko. Nee dír múk gur'er'ín gaa amór muruú /ayma kilós xu'us. Masók slafingw'ín in haats slahh'amaayeedá' taa qasi as inooín. Na/ii'ín ni aaxiye' nee ngi na/aá nangw'ín i geexaye'.

WARA'AMI 73:7

Tlakweema in baraaín wa ti'imiitiyá'. Inslawoó tlákw aa baalín baraá muner'ine.

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 10:16

Gawaá adoorihe Aako, AAKOÓ MUNGÚ Aleesleemusmo, slaqwarusmoowo gu kaanga/úy, kitángw xirfuuwose kun daa/ adór kwaáo kuna daá' ar asla.

ISAYA 17:2

Gixsaduuwós kin xaanxaay tleehh ay alhhe'eesay wasle, tari ayaá hikwa nee bee/aangw ki tleemisi, niri baraadá' wa guiyá' tam ki dae tsatiiká.

ISAYA 32:14

Asma do'oduú waawuti'iima ku kilós geexáy, nee gixaarí muu yaariir ka xaanxaay tleehh, goongooama' nee /aampudá' tawa xun, i mar'o tleehhitiyá' ay kureeraá kureér, daqoó darma iri baraadá' wa qwalalaa/, gixsadá' iri qawtantá bee/aangw tleehhít.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 65:10

Yaamaá Sharoni tari dír qawór bee/aangw nee xatstá Akoni tari dír hikwa i tlahhamisiya', as daanduú muk'eé' kudá' iga leeleehh.

ISAYA 7:25

Tam gongoamaadá' aáng ta doslasliti laqaya' nee fuquráy ngin wa ti'iitiyá', tam heé amoodá' keemuuwo ga qiítl i kaahh, as iwa fuquroó da'ayumiti nee laqayawo, ala yaamuuká' tay tleesantá hikwa nee bee/aangw.

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

WA/AA/I 5:2

Aalirén kaa haniís dír dahaaye, marayrén kin hoot nee múk hatlá'.

HOSEA 4:16

Asma múk Israeli aa sagagawdúy, adór tsa/atmoó gwaréhh. Hám daxta AAKOÓ MUNGÚ de'eengo gi aleesláya adór deeloó bee/ángw baraá hindawtá ur?

HOSEA 8:7

Asma inooín gár ta dahamiisi a fur'a, inooín gár ta bu'un a bambaao. Hhaansli i balaalír koondaaká, balangw'ín i wa'amír konká, sleeme i puuruú konká. Ala tim i laqwaali, a dahaaye gun /ák.

MIKA 2:12

«Ala múk Yakobo sleémeero un dinkwaárií burumbuúr, Nee panaydá' aa meet oo múk Israeli un haraki/ís, in dinkwaárií qaás tay adór bee/ángw baraá sluma, tay adór daqtá bee/aangw ar baraá qawtántí dirii', yaamuuhúng niri malé hatsiyá' múk tsimaahhuusa as qwala/.»

SEFANIA 2:14

Daqooroó hikwa nee muruú ninakwe in baraadií qaat, tam umuúqo makiito'ór sla/ato. Gwares nee umalaaro, niri gawaá sagér uheemaá maraydá' hootiyá', hárkonka iri huheeliín ar pa/eeraá maraydá'. Xwaa'aro in gawaá duuxutmadá' wa xwaheeliín. Asma xaaidaá sahhta kaa tu/ún, kari paapa/aás.

SEFANIA 2:6

Yaamusaá bihhaá tlawi tari qawtani, nee dír xafoó de'emuuse kway tleehhi, nee slumaá buhhaá bee/aangw.

Luka 21:24

Inooín ki tsuu/ ar paánga, kiri lohatis baraá yaamuuine, kay huuw baraá xoordaá dimbadimbé. Gixsár Yerusalemu kay i iwiit nee xoordaá hatlá' ay dír qoomár xoordu i bo/.»

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 32:15

Ala Yeshuruni ina wahhaár nee kal/aando gari iimu/ún. Kuungá' ana wahhadité', gur'e kari tlehhité', tari bununuquumité'. Aluuwo Munguúdá' gaa tleehh nguri si'iyé'. Tlaa/adár ba/ama ngari waaqaaiyé'.