ISAYA 5:16 - Biblía Axweesantá Hhohho' ar Mungú 2004

¹⁶ Ala AAKOÓ MUNGÚ Aleesleemusmo tina xirfayeés ar sakwasleemár ganaa', Munguú hhoohhoó' hhohhoaarirós gan laqaaqán ar hotaá ganaa'á'.

ISAYA 5:16 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 2:9

As adoorí umuú heewo ku amoqwaarees, hhawaate ki mureekees, gawaá adoorihe, inooín mi gurtlawaar.

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 29:23

Asma qoomár na/ii'ín birnga ariyé', kudá' aníng naa inooíní haniís, inooín umuueé' nguri xirfayeesiyá', umuú Kudá' Hhoohhoó' oo Israeli nguri xirfayemisiyá', nee Munguú Israeli nguri ilaiwawa/iyá'.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 33:10

AAKOÓ MUNGÚ i kaahi, «Daxta aníng ni tláw, daxta aníng ti amohhe'eés, daxta aníng ti kilooeé' xirfayeés.

ISAYA 33:5

AAKOÓ MUNGÚ aa xirfuút asma inós i gáwtí dirii', Inós Siyoni gan dalaa/ ar sakwasleemár ganaa' nee hotaá ganaa'á'.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 8:13

Kuúng án kilooeé' na tsaahháng, AAKOÓ MUNGÚ Aleesleemusmo, tiwa hhoohhoó'. Án kilooeé' na ilaiwawa/áng nee na da'ayumitáng.

ESEKIELI 20:41

Ala barna duúx baraá yaamuudá' tay diyaá/ nuri dinkwaárií burumbuúr, ilahhooarhúng tidá' mooyaangw tsuú' a ilaaóh. Aníng hhohhoaarir'eé' ngiri geehhooatís tla/angwhúng wa alé dír geeraá xoorór hatlá'.

ESEKIELI 28:22

Aariím daanduuwose, ka beer, Aakoó MUNGÚ i kaahi, ‹Kiíng Sidoóni, ga/aaweek, aníng nee kiíng ti araán, nee xirfuueé' nguri laqaám baraawók wa alé, qoomár sakwasleemar'eé' bara boo/eés daanduuwoge. Nee hhohhoartaeé' ngiri laqaám. Daqaní aníng kuungá' i tsahhá' adór aníng tar AAKOÓ MUNGÚ.

ESEKIELI 28:25

«Anuú Aakoó MUNGÚ a kah, Án múk Israeli un burumbuúr nee nguri dinkwárí ki/ís baraá xoordu sleémeero amoodá' ni diyaya/atiyé'. Gawaá adoorihe múk xoordaá hatlá' gari tsaahh adór aníng tir hhoohhoó'. Múk Israeli tari hoot baraá yaamuudá' aníng naa sagadiyusmooeé' Yakobo ii haniís.

ESEKIELI 36:23

Umuueé' kudá' úr kuungá' taa slasla/areesé' baraá tla/ángw xoorduudá' wa alé, un adoorós tidár aáng i ki/ís baraá tla/angw'ine. Qoomaarí an qoomaadá' xoorduká' ngiwa tsaahhiya' adór aníng tar AAKOÓ MUNGÚ. Anuú Aakoó MUNGÚ tí aga oó'. Aníng kuungá' nu gadiyuús as hhohhooari ngiwa laqaam geeraá xoorduuwo.

ESEKIELI 38:16

Múk Israeli kuri haraxeér adór huunkír giiw gawaá daanduú yaamuwo. Qoomaadae aníng kuúng un ya/aáw yaamuueé' kiwa i haratleer, as múk xoordu ngiwa tsaahhi adór aníng kuúng Gógu ura ya/aáw as hhohhoarir'eé' ngiwa laqaám dir'inií ale.›

ESEKIELI 38:23

Adoorí an adoodá' xoordu sleémeero hhohhoarir'eé' ngir ariya'. Aluuwo aníng iri tsaahhiya' adór tar AAKOÓ MUNGÚ.»

DANIELI 4:37

Hám daxta, anuú Nebukadnesa waawutmoó gawaá doori un xirfayemiís nee un diidi'iimiís, nee un ilaiwawaá/. Asma tidá' inós i tlehhiiti sleémeero i ganá', nee mukdá' aa daara/umiit gawa tin wa /arara'aas.»

TLAHHOÓ LAÁWI 10:3

Mose Aroni guri báy, «Ar tleehhmuuwí taa aán AAKOÓ MUNGÚ gana slaá' ngiwa laqan tidá' iwa oó', ‹Tin laqaám dír mukdá' dir'eéní tseéw, adór tir hhoohhoó', aníng tiri xirfayees nee muu sleémeero.› » Aroni iri qartlamiít.

FAARO 20:13

Gaarí an ma'aá Meriba, didá' múk Israeli iwa qununuú/ dír AAKOÓ MUNGÚ, nee inós tiri dir'ín i laqán ar hhohhoaarirós baraá tla/angw'ine.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

1 Petro 1:16

Asma Gooi i kat, «Kuungá' masók a múk hhohhó', asma aníng ti hhoohhoó'.»

1 Petro 2:15

Asma gár Mungú i slai a tí, kuungá' bar hhooeema iga tlehhé', daqaní múk axweesantá dakti'iimár axweés u xasltisá'.

1 Petro 3:15

Ala Kristo na xirfayeemisaak baraá munerhunge tawa Aakoohúng. Umuúqo siiwaro kuungá' masók taa amohhe'esé' heé yaahamiís kuwa mu/aywatsa' ar adór hariim daanduú harahhifoodár baraahúngií diriia.

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.

Geehhoeemaá 4:8

Nee muruuwí slaáf tsiyahhaawo umuúqo gaaro hhampe'eeraá lahhoó' gi koón. Nee hhampe'eeriká' kaa harweér nee ila', nee tam baraá guruú hhampe'eeriwo. Muruuwí i daa' xweera nee tlaatla/aangw, ta hungu/uumisiiká sleeme. Gár ta daai a tí, «Aakoó Munguú Aleesleemusmo inós ku hhoohhoó', ku hhoohhoó', ku hhoohhoó'. Inós an kudá' qaroó daadáw, nee an kudá' dáw, nee kudá' sangw hardáh sleeme.»