ISAYA 5:14 - Biblía Axweesantá Hhohho' ar Mungú 2004

¹⁴ Gawaá adoorihe gi'i i muk'ín daamarná' ar haayi, afe nga awaatliyé' ay alhhe'eesay. Kudá' ilaiwa/amér koomá' awa múk Yerusalemu, tan baraadá' i dah ar daqooráy, tam nee kudá' sleémeero tí ngi saqwalala/a'a.

ISAYA 5:14 Iomraidhean Croise

WARA'AMI 49:14

Inooín kaa amohhe'eés adór bee/aangw, kiwa /aytisi ay baraá gi'i. Gwa'ara tari de'eemusmooín. Tari /eet baraá /aantí ale, gari qomtír wa ar tseewa alé. Slaqooín niri tsatitiyé' baraá /aantí ale, hotangw'ín tay baraá gi'i.

WARA'AMI 55:15

Kuká' i gaanslár qatliye', i slafi /eetiye' ay baraá gi'i, asma tlakweema naa hatsiyé' baraá maray'ine nee baraá muner'ine.

AXWEESANOÓ SAGALOOA 1:12

Kiri slafiingw gu/aán adór gi'í wá ale, sleémeero in qwaareesaán, adór múk aa /eet baraá /aanta.

AXWEESANOÓ SAGALOOA 27:20

Gi'i nee hhituru'uuma i baloó hhe'eesiaaká, tam ilaá hee sleeme i baloó hhe'eesiaaká.

AXWEESANOÓ SAGALOOA 30:16

Gár wák a gi'i, ar hatlá' a guruú /ameenír kampeeri, Nee yaamaá ma'aywo baloó hhe'eesa'aaká, nee asltá baloó ooaaká, «A ido!»

ISAYA 14:11

Adoodá' tir iia tleere taa /aytiís ay baraá gi'i, dinkwa nee mariímbawoge. Muruudá' ta bay /ayma kwaa hhaáf tawa qatnirók, nee naanaga an gár ta uuntsus.›

ISAYA 14:9

«Gi'i baraywo naa gwarangwaritiyé', as kiíng iwa ilaoohiya' bara baraadií hardát. Mukdá' aáng aa qaatl kungun tlees as iwa taaqweesár aya', nee mukdá' sleémeero oo waawituú xoordu kungun tlees gawaá kiteeri'ín kudaá waawuti'iimar'ín wa alé sleeme.

ISAYA 21:4

Inslaway'eé' i amoqwaqwadín, daér yaariir iga eér, tsiindo in daamaraám, ala niwa hardihiyé' ana ak daaraáx.

ISAYA 24:8

Qwal/uú tawa neeti ar oowi aa faák, afór ururu'uumis aa qwát, qwal/uú tawa neeti ar gidaandori aa faák.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

DANIELI 5:30

Xweeraadaá kilae waawutmo Belshasa oo múk Kaldayo kuri gaás.

NAHUMU 1:10

Inooín tam adór laqayaá taa nagwahhii'i, tam ni hirqamitiia nari ma'aay tleehhiiyá' as xuftár difaáir'ín, ala kin qororo'oos, adór hhaanslaá kaaharén wa alé.

HABAKUKI 2:5

Tam adoorihe difaái a slaslaáwár al/aymuso'o, heé daara/usmo i tleeresiiká. Ilatleerír heewí a adór tiqár gi'i, «hhiínhh» ga aainká adór gwa'arár wa alé. Xoordu sleémeero gin buruumburín, xoordu sleémeero gin buruumburín as tawa kós.

Matayo 7:13

«Daraahé', afkú iiraákw ar oohaak, asma afkú iintlaáxw nee loohír iintlaaxw in baraá qwanoó kayá'. Nee múk loohidá' ga óh ku úr.

Luka 17:27

Asma qoomár de'emaá Noawo muu ina /ayín nee ina wahán, slám tana duuxuuxún nee kina duxuút, tam ay bál Noa iwa dáh baraá miringamo, nee tluwoó da/atén nay hardáh, mukdá' sleémeero guri hhaamiís.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.