ISAYA 5:13 - Biblía Axweesantá Hhohho' ar Mungú 2004

¹³ Gawaá adoorihe, muk'eé' ku loohatis asma sagawasler'ín. Mukhúng kudá' ta ilaiwawa/i qwari gu tsuu/, múk yaariír waxe gu tsú/.

ISAYA 5:13 Iomraidhean Croise

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

AXWEESANOÓ SAGALOOA 10:21

Axweesanoó heé ganaa' múk yaariír gu /iis, ala daktana in qátl as tsaahha wasle.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 1:7

yaamuuhúng kaa deewa'ameérí geexáy, gixsaduuhúng kaa daá/ ar asla. Yaamuuhúng hooma gaa dír ilaahúng wa ar tleér, i baraá deewaa'ame, kwaáo hooma gina hhitiín.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 3:1

Ga/aawaak Aako, AAKOÓ MUNGÚ Aleesleemusmo, baraá Yerusalemu nee Yudawo nu harahhifo hingees, nee haraxu'utír muruú /aymaro, nee ar muruú wahaangw sleémeero.

ISAYA 3:3

geeraharusmoó slaqwara oo múk mibeeri kooán, heé taa uráy haniís, nee hara'ayusmoowo, nee da/alusmoó fuqurángw koóm, nee qwaslaarmoó tsuuqár baala.

ISAYA 44:19

Heé tí gaa aldaakw i kaahh, laqaá oo xu'utír koóm i kaahh oo tí ga inslasláw tawa kaahi, «Tlaqtá xa'anoowí ana hamiís nee ngiri mikaátér tleéhh, ngiri fu'unár daá/ ngiri /aáy. Xáy bartadár hatlá' aa met an tleéhha ar gár ta waki, bartadár hatlá' aa met ngiri sluufmiísa?»

ISAYA 49:21

Daqaní kuúng tay baraá gurií o', ‹Heé iga na/iikí laqwaal? Na/iieé' nina hhané' niri faakiyé' baraá loohaay amoodá' saaw, heé na/iiká ngaa urees? Ga/aawaak, aníng aáng tina kilooeé' geexáy, kuká' amór i dahhiya' a amoomá?› »

ISAYA 65:13

Gawaá adoorihe, Aakoó MUNGÚ i kaahi, «Ga/aawaak, sagadiyuuser'eé' i /ayiín, ala kuungá' qwari nu tsuu/. Ga/aawaak, sagadiyuuser'eé' i wahaán, ala kuungá' waxe nu fák. Ga/aawaak sagadiyuuser'eé' i qwalaalá/, ala kuungá' tundu mureekees.

YEREMIA 14:18

Aníng bara ti'iít baraá qamu, tuaá múk taa tsuú/ baraá slaqwaraaro in ár! Bara dáh baraá gixsa, tuaá múk aa qaatl as qwari in ár. Aaruuse nee kaahamuusér Munguhe gadiyér'ín ar baraakaá yaamu ngi tlehhiitiyá', slám gár i tlehhiitiya' ngi tsatsahhan'aaká.»

YEREMIA 14:3

Múk urén ta sagadiyuuser'ín ya/abiit as tawa ma'aá hheeki, ala ma'aay kaa slayká. Inooín tana waátl ar dahhaaroó kaaharén, sage ngiri tuuntukuné' as mure nee amoqwaqwadiingw.

YEREMIA 8:7

Tam halé/ sleeme qoomár loohaay ga xuu', hhooka, nee paréq nee diingoro qoomár ki/ima ngi dakumiisiaaká. Ala muk'eé' kwí gár i xui i káhh daanduú dabér AAKOÓ MUNGUHE.

WA/AA/I 4:9

Múk amohhoó' a kudá' taa tsuú/ ar paánga ta kudá' qwari aa tsu/i, kudá' qwari aa ala looqaanuunúy as gár /ayma ngiwa dakuusiyé'.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

HOSEA 4:6

Muk'eé' aa qwaár asma án ti xuiiká. Asma adoodá' kuúng án ira sí' xu'utiro aníng daxta kuúng u sií' tawa kaahamusmooeé'. Asma adoodá' kuúng hara'ayár Munguúwók kara geexeér, aníng sleeme na/iiwók i sií'.

AMOS 8:13

«Baalaadae masoombár slaqo hho' ar daaqaay nee dasuwo tari /araarán as waxe.

Luka 19:44

tiri yaamií daahh, kiíng nee mukók, tam tlaa/anoó gawaá kuqí meét i kaahh oo ta fee/iiká. Asma siiwadá' Mungú iwa i hardáh aga tsahhiká.»

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

2 Petro 3:5

Múk adoorí káh, kaa gunqareés adór, iimír aáng doori nee yaamu kira tleéhh ar axweesantá Mungú. Kina tleéhh ar ma'aay, nee ar baraá ma'aay.