ISAYA 5:1 - Biblía Axweesantá Hhohho' ar Mungú 2004

¹ Aníng sla'aarusmooeé' u i daá'. Daa'ángw sla'aari daanduú qaymoorós ar sabiíbu. Sla'aarusmooeé' qaymór sabiíbu ga kón, gawaá sákw tloomár hhapér hhó' koom.

ISAYA 5:1 Iomraidhean Croise

WARA'AMI 101:1

Aá AAKOÓ MUNGÚ, án kuúng un i daá', daanduú inkihhimuwók nee sakwasleemarók ar ganaa'a.

WARA'AMI 45:1

Muunaáeé' aa haáts /ayma'aá hhoe. Waawutmo u daa'angw'eé' i daá'. Tsifrangw'eé' a adór kalaámuú goousmoó dawa inslaáhh.

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

WARA'AMI 80:8

Sabiíbuú Misrír daáhh nguna húp, xoordu kiri gús kway dahás.

DAA'AANGW 2:16

Sla'aarusmooeé' a kwe'eé', aníng a tós, inós bee/aangós gun de'én baraá /ayór wa alé,

DAA'AANGW 5:16

Afkós aa haáts axweesantá tsuua. Ar ló', ku hhoohhoó', Naagáy adoorí an adór sla'aarusmooeé' i dirii'i, aá /ameenár Yerusalemu.

DAA'AANGW 5:2

Ana guú', ala muunaáeé' aa guiiká. Naxés afór sla'aarusmooeé' i afkú do' wa ateetiín. Afkú do' gweereek, hho'or'eé', sla'aaruso'or'eé', hhookir'eé' ar dakuús wasl, sagw'eé' aa naá/ har'uuwo, se'engw'eé' aa naá/ har'uú xweeraawo.

DAA'AANGW 6:3

Aníng ar sla'aarusmooeé', nee sla'aarusmooeé' a kwe'eé', Inós i bee/aangós de'én dír /ayór waariídír wa ale.

YEREMIA 12:10

De'eemuusér yaariir qaymor'eé' ar sabiíbu gaa hhitiín. Daqaari'iimar'eé' nga yaamií kalaa/iyé', qaymor'eé' tidá' hhoohhoo' nga xaanxay tleehhiyé'.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

ESEKIELI 15:2

«Heewí, xáy xa'anoó sabiíbu kun ak hhoóe ta xaa'aá baraá sla/ato?

ESEKIELI 19:10

«Aayoorók a adór xa'anoó sabiíbu oo baraá qaymo, kudá' taa haátl bihhaá duxuú ma'aay, kudá' /ar'i ga slaslaax, asma ma'aay kiwa úr.

HOSEA 10:1

Xoorór Israeli a adór sabiíbu hhó'. Sabiíbuú mamaá hho' gi laqwaliím. Adoodá' mamuuwós nira tlahhiyé', an adoodá' inooín kiteeraá ilahhooa ngira tlehhiitiyé'. Adoodá' yaamuuín nira dihhe'eesiyé', an adór uheemaá kiteeraá ilahhooa ngira parootusiyé'.

Matayo 21:33

«Slaqsoó hatlá' iiárií qaasaak. Heeko i deer oo do'ós koóm. Inós sabiíbu guna dahaás baraá qaymoorós. Qaymo gari yaáw. Bohóngw mamaá sabiíbu ngiwa tsoo/iti guri foól baraá tla/ángw qaymo. /Aampár xuuma gari tleéhh. Qaymo gari saayín dír doosluuse, iri aa'aá káy.

Marko 12:1

Yesu iri dir'ínií axweés ar slaqsi'i, giri báy, «Heeko xaaikaari ta bay sabiíbu gina dahaás, giri yaáw. Bohoongw guri foól oo ma'aá mamaá xaaidá' ngiwa tsoo/iti. /Aampár xuuma gari tleéhh. Qaymoorós gari dír múk i saayín. Inós iri aa'aá káy.

Luka 20:9

Yesu slaqsaywí guna ar axweés dír muu iwa kaahi, «Heeko xaaiikaari ta babay sabiíbu gina dahaás baraá qaymoorós, nee qaymo gari saayín dír doosluuse. Inós iri aa'aá káy amór yaamaá saawá', iri amoodá' wa hoót deelór yaariire.

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

DABE 8:10

Kuungá' a /ayiindá' nee tari axá', AAKOÓ MUNGÚ, Munguúhúng kuri sluufisá', asma yaamaá hhoohhoo' nga kuungií haniís.

DABE 8:7

AAKOÓ MUNGÚ, Munguúhúng inós kuungá' nu dahaas baraá yaamuudá' hhoohhoo', yaamaá yau, nee tsinqaá ma'aay, nee kutloó ma'aay, kudá' ti'imiít baraá xatsoó wa aleeró, nee gawaá tlom'i.