ISAYA 49:7 - Biblía Axweesantá Hhohho' ar Mungú 2004

⁷ AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 49:7 Iomraidhean Croise

IIMU/UUNGW 27:29

Tlahh'aá muu u sagadiyuusiye', nee xoordu u ilaiwawa/iye'. Kuúng hhaeewók ki sawaawuti'iín, nee na/aá aayírók u ilaiwawa/iye'. Kudá' kuúng u lu'ús, ku lu'usi, nee kudá' kuúng u tsuúq, ku tsuuqi.»

WARA'AMI 47:9

Geeraharuusér múk xoordu ta burumburiit dinkwa nee múk Munguú Abrahamu, asma /uuruú daanduú yaamu sleémeero an oo Mungú, inós aa ló'wa iia tleerúy!

WARA'AMI 68:31

Ya/abuuse nin hardát Misrír wa ale, múk Kushi Mungú gu dabaaín i tlees ar gaanslaay.

WARA'AMI 69:19

Kuúng a xú' adór tir niqimisi, nee alsi'imu nee mure waslay'eene. Wakuuser'eé' sleémeero a xú'.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 19:21

AAKOÓ MUNGÚ tiri xu'utis dír múk Misri. Nee múk Misri AAKOÓ MUNGÚ nguri xuiyá', nguri sluufmiisiyá' ar ilahhooár muruú ta tsu/i, nee ilahhooár da/a/ango, nee al'axweesani ngiri oiná' dír AAKOÓ MUNGÚ, ngiri boo/eesiyá'.

ISAYA 19:23

Baalaadae loohír ur ni Misrír wa tleér ay Ashuru, múk Ashuru nee múk Misri tiri haraxaxayá'. Múk Misri nee oo Ashuru Mungú nguri dinkwár sluufmiisiyá'.

ISAYA 27:13

Baalaadae tarumbeétár yangaariir kari ufaahh. Mukdá' sleémeero aa qwaar baraá yaamaá Ashuru, nee kudá' taa huwi baraá yaamaá Misri ni hardihiyá', AAKOÓ MUNGÚ nguri sluufmisiyá' gawaá tloomarós tidá' hhoohhoo' wa ale, ar Yerusalemu.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 48:7

Muruuwí laarí tleehharumiít kuúng ugwa geerií axasiká. Kahhó' a o'ká, «Ga/aaweek, aníng muruuwí u geerií xuu'.»

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 49:23

Waawitá uri sagadiyuus, waawitaáín oo /ameena kuúng uri /aymiis. Kuúng tu i tumbarara'aat turi ilaiwawaa/, teerír baraá ya'aawók kari naats. Daqaní kuúng kari xú' adór aníng tar AAKOÓ MUNGÚ. Kudá' aníng iga harahhifiye' ki mureekeesiiká.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 50:6

Daanda una amór kudá' i muxá' xu'ús tlaaqarmaaeé' ina amór kudá' daamor'eé' tu/uumá' xu'ús. Gitsee/aaeé' iga lu/iiká dír kudá' aníng i mureekeemisa'a nee i nintsimita'a.

ISAYA 52:15

Inós xoordu gi kwisltis, waawitá afe gari ohín as inós, asma muruudá' naa ari'iiká ngu ariyá', nee muruudá' naa axaasi'iiká ngway tsaahhiyá'.

ISAYA 53:3

Kuna waaqaqaá' kuri sií' nee muu, inós an heé gurhaami nee slahh'amu. Inós a adór heé muu iwa nahhmiiti, kuna waaqaqaá', atén kuri gaárí xuaaniiká.

ISAYA 60:10

AAKOÓ MUNGÚ i kaahi, «Dahaaye koo/irók ngi male tléhh, nee waawitaáín in sagadiyuus. Buhhtaaeene kuungá' nuna muúx, ala as nuwa gurií baá/ kuungá' nuna gurtláw.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 60:3

Xoordu ni hardihiyá' dír gwa/aateemaawók, nee waawitá nin hardah dír gwa/aateemaadá' iga i gwa/aatiye'.

ISAYA 66:23

Anuú AAKOÓ MUNGÚ a kah, «Umuúqo deelór ur ar slahhángw /abén niwa ti'iít, nee umuúqo deelór Sabaátoro, muu sleémeero nin hardah as aníng iwa sluufmisuú aya'.

SEKARIA 11:8

Aníng de'eemuusér tám ana tsuú/ baraá slahhángw wákí ale, asma aga slaaqaát as inooín, nee inooín sleeme án iga aahhiyé'.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 26:67

Kuri gitsee/a i nitsimiít, kuri tuu'uút ar kundi'i. Nee bahh'alé nguri tlaaqarma' muxiyé',

Luka 22:27

Ala heé úr a gaalá? A kudá' aa iwiíti dír muruú /ayma, laqaá kudá' gu sageqasmiís? Ahaá, a kudá' aa iwiítiíke dír muruú /ayma? Ala án baraá tla/angwhunge a adór sagadiyusmo.

Luka 23:18

Sleémeero tari tseeamín tari káh, «Heewí hingeeseek, nee Baraba na gweerang.»

Luka 23:23

Ala tana tseeamín ar afór ló'wa ur ta kaahi, «Kikiieek!» Afor'ín tidá' iri baaliín.

Luka 23:35

Nee muu i didá' wa sihhimiit as tidá' tleehharuumiit ngiwa ga/ay. Mukdá' urén Yesu guri niqimís ta kaahi, «Muu guna ba/amiimís, inós ti kilós ba/amisi, inós bar Krístó Munguhe, kudá' taa tsawaár nee Mungú.»

Yohana 18:40

Sleémeero tari tseeamín ta kaahi, «A kwisingeeká. Baraba na gweerang.» Ala Baraba a fisusmo.

Yohana 19:15

Inooín tari tseeamín, «Hingeeseek! Hingeeseek! Kikiieek!» Pilato iri oó', «Waawutmoohúng un kikiía?» Kaahamuusér uren ar Mungú iri ó', «Atén waawutmoó hatlá' u koomanaaká, aqo har waawutmoó múk Roma kilós.»

Yohana 19:6

Qoomár kaahamuusér uren ar Mungú nee xuumuuseero adoodá' kawa ár, tari tseeamín ta kaahi, «Kikiieek, kikiieek.» Pilato giri báy, «Kuungá' kilá' ar tlawaak, kikiiaak, asma aníng gár heewí ngus sakwasleemuut a ara'araaká.»

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

DABE 7:9

Gimsé, xuaak AAKOÓ MUNGÚ, Munguúhúng, inós an Mungú, a Munguú inkihhimuú koóm, kudá' alqadoorós gaa oh nee sla'aarír warqawaaká gan laqaaqán ay qari sleémeero, dír mukdá' inós gu slaá' nee hara'ayaarós gaa oh.

1 Petro 2:4

Qwalaasé' amoorós, inós a tlaa/adá' slaaf, tidá' taa sií' nee muu, ala dír geeraá Munguhe a tlaa/adá' taa tsawaár, tidá' afhhamít.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 3:7

«Kaangwí gooiimeek amór malaykamooduú múk kríshaanáy oo baraá Filadelfiár i dirií', «Axweesantí dír i dahh a dír kudá' Hhoohhoó', kudá' looeemaá axweés, kudá' gweermór Daudi ga koóm. Inós afkú do' bar ngwa gweér, heé tseegaro gu aleesláw i kaahh. Nee inós bar ngwa tseék, heé gweermooro gu aleesláw i kaahh.